Philipiko lạgitʼ Pạul apostolakʼ ciṭhi 2:11 - সান্তালী বাইবেল

¹¹ ar mitʼke mitʼ alaṅko aṅgocma, Isor Babawakʼ ṭhonok lạgitʼ do Jisu Mạsigeye Probhu Isor kana mente.

Santali Common Language New Testament

¹¹ ar mitʼke mitʼ alaṅko aṅgocma je, Isor Babawakʼ ṭhonok lạgitʼ Jisu Mạsigeye Probhu kanae mente.

Philipiko lạgitʼ Pạul apostolakʼ ciṭhi 2:11 Referans Kwoze

1 Johan 4:15

Ar jãhãege Jisu do Isorren Hopon kanae menteye aṅgoce, Isor do unireye tahena ar uni hõ Isorreye tahenkana.

Romiko lạgitʼ Pạul Apostolakʼ ciṭhi 14:11

Sonot sostorre olakana, “Probhu Isore meneda, ‘ińiń jiwetʼge iạte mitʼke mitʼ gunṭhi do iń samaṅre ikhṛumokʼa, ar mitʼke mitʼ alaṅ do Isore sarhaoea.’ ”

Johan 13:13

Ape do Guru ar Probhu mentepe hohowạńkana, ar ona do ṭhikgepe meneda, ente uni kangeạń.

1 Johan 4:2

Isorren Jiu do nonkatepe orom daṛeakoa, okoe Jiu do Jisu Mạsi manwa lekateye hecʼlena menteye aṅgoce uni Jiuge Isor khon hecʼ akanicʼ do;

Romiko lạgitʼ Pạul Apostolakʼ ciṭhi 14:9

Mạsi doe gocʼlena are jiwetʼ beretʼena jemon uni do jiwetʼko ar gocʼkoren Probhui hoydaṛeakʼ.

1 Korinthiko 12:3

Ińiń baḍae ocoyetʼpea, Isorren Jiute roroṛkanko do okoe hõ bako mena, “Jisu do sarapicʼ kanae mente.” Ar sonot Jiu begor, “Jisuge Probhu Isor” kanae mente okoe hõ bako men daṛeakʼa.

Johan 14:13

Jãhãnakʼge iń ńutumtepe koe iń do onań onkaea, jemon Babawakʼ ṭhonok Hopon hotete sodorokʼtae.

1 Patras 1:21

Isor do gocʼko khon uniye jiwetʼ beretʼkedete ṭhonoke danadea ar uni hotete ape do Isorrepe biswạs akana; ar onatege apeakʼ biswạs ar as do Isor cetanre menakʼtapea.

1 Korinthiko 8:6

Enrehõ abo lạgitʼ do mitʼ goṭenge Isor menaea. Unige Baba do; ar uni ṭhen khonge jotowakʼ do hecʼakana ar uni lạgitʼge jiwetʼ menakʼ bona. Aboren Probhu Isor doe mitʼ goṭengea, uni do Probhu Mạsige. Uni hotetege jotowakʼ do hecʼakana ar uni hotetege jiwetʼ menakʼbona.

Johan sodor 3:5

Okoeye jitạukʼa uni do nonkan ponḍ kicricʼgeye horoga. Ar iń do jion reakʼ puthi khon uniyakʼ ńutum tishõ bạń meṭaotaea, bickom ińren Baba ar uniren goḍetko samaṅreń aṅgocea.

Mathae 10:32

“Jãhãege hoṛko samaṅre ińe aṅgociń iń hõ ińren sermare menae Baba samaṅre uniń aṅgocea.

Aposkạmi 10:36

Isor do Israelko ṭhen noa bhage sombate kolletʼ tahẽkana je, Jisu Mạsi, one okoe do sanamkoren Probhu Isorkan, uni hotetege suluk do ńamokʼa mente.

Aposkạmi 2:36

“Onate sanam Israel jạtrenko do noa katha khạṭiteko baḍaema je, ape okoepe kuruslede Isor do uni Jisuge Probhu hõ ar Mạsi hõe hoyoco akedea.”

Johan 9:22

Uniren go-baba do Jihudi mukhiyạko botorte noa dokin menkeda, ente Jihudi mukhiyạko do laha khongeko goṭa ạguakatʼ tahẽkana je, jãhãege Jisu do Mạsi menteye aṅgoce uni doe biṭlạha ocokʼa.

Johan 5:23

Baba cetʼlekako manotede onkage jemon Hopon hõko manote. Hopon okoe bae manotede, uni do kol akadińicʼ Baba hõ bae manotea.

Sereńko 110:1

Probhu Isor do ińren Probhui metadea, “Tin hạbicʼ amren bạiriko amakʼ jaṅga latarre bạń dohoko, unhạbicʼ am do ińakʼ jojomsa aṛere duṛupʼme.”

2 Johan 1:7

Dhạrtire nonkan aema hoṛko oḍok akana okoe doko bukʼlạuko kan. Ente Jisu Mạsi manwa lekateye hecʼlen ona do bako aṅgoceda. Ar nonkan bulạukan hoṛge Mạsiren do bạiri kanako.

1 Korinthiko 15:47

Menkhan dosaricʼ manwa do serma khone hecʼlena.

Romiko lạgitʼ Pạul Apostolakʼ ciṭhi 15:9

Sonot sostorre olakana, ona iạte iń do boṅgan hoṛ jạtrenko talareń sarhaomea, ar amakʼ ńutumiń õṛhẽytama.

Johan 20:28

Unre Thomae menkeda, “E ińren Probhu, E ińren Isor.”

Johan 17:1

Ado noako kathae roṛketʼ khan Jisu do serma secʼ beṅgetʼ rakapʼ kateye menkeda, “E Baba, okte do seṭerakana. Amren Hopon ṭhonok ocoyem jemon Hopon hõ amakʼ ṭhonoke sodortam.

Johan 12:42

Enre hõ mukhiyạko modren ḍher hoṛge unireko pạtiạuena, menkhan Phạrusiko ṭhen biṭlạha ocokʼ botorte bako aṅgocleda.

Luk 2:11

Teheń do Dạud nagrahare aperen babańcaoicʼe janam akana. Uni doe Probhu Mạsi kana.

Jirimiạ 23:6

Unre Jihudạ do rukhiyại ńama ar Israelko do khạtirjomako girobasokʼa. Ar uni do noa ńutumgeye hoho ocokʼa ‘Probhu Isorge aboakʼ dhorom do.’

Sereńko 18:49

E Probhu Isor, ona iạtege eṭakʼ jạtrenko talare amakʼ ṭhonokiń sodortama ar amakʼ ńutumiń maraṅtama.

Johan 14:23

Jisu do uniye roṛ ruạṛadea, “Jãhãege ińe dulạṛiń uni do ińakʼ kathae dohoya. Ińren Baba do uniye dulạṛea ar uni ṭhen liń hijukʼte uni soṅgeteliń tahena.

Johan 13:14

Menkhan iń do Probhu ar Guru hũyạte hõ cetʼ lekań ạbukketʼpe onkage ape hõ eṭakʼkoakʼ jaṅga ạbuk lek tapea.