Philipiko lạgitʼ Pạul apostolakʼ ciṭhi 1:8 - সান্তালী বাইবেল

⁸ Mạsi Jisuakʼ mãyã monte ape tinạkʼ iń dulạṛetʼpe ona reakʼ goha do Isorge.

Santali Common Language New Testament

⁸ Mạsi Jisuakʼ mãyã monte ape tinạkʼ iń dulạṛetʼpe ona reakʼ goha do Isorge.

Philipiko lạgitʼ Pạul apostolakʼ ciṭhi 1:8 Referans Kwoze

Philipiko lạgitʼ Pạul apostolakʼ ciṭhi 4:1

E boehako, iń do apeń dulạṛetʼpea ariń uihạretʼpea. Apege ińakʼ rạskạ do, ar apege ińakʼ jitạukʼ reakʼ mala do. E dulạṛiạko ape do Probhu Isorre teṅgo ṭak akae tahenpe.

Romiko lạgitʼ Pạul Apostolakʼ ciṭhi 1:9

Isorren Hopon reaṅ bhage sombat porcarte ińakʼ goṭa ontorte iń do Isoriń sewawae kana. Iń do tinạkʼ dhaoiń koejoṅkan unạkʼ dhaoge apeń disạ akatʼpea, ar onaren goha do unige.

2Timothi 1:4

Ar amakʼ mẽtʼ dakʼ disạkate am tulucʼ ńapamokʼ iń cuṭ cuṭokʼ kana, jemon ińakʼ mon rạskạte perejokʼtiń.

1 Thessalonikikko 2:8

Apere khạndri dulạṛ menakʼtalete eken Isorakʼ bhage sombat moto do bale emapekana, bickom ape lạgitʼ apnarakʼ jiwi sudhạ emokʼ lạgitʼ hõ rạjigele tahẽkana, ente aleren do ạḍi dulạṛiạko kanape.

Romiko lạgitʼ Pạul Apostolakʼ ciṭhi 9:1

Mạsi tulucʼ mitʼakanteń meneda, iń do ontorre ạḍi duk ar ạḍi kosṭoń ńameda, ar noa do sạri katha kana, eṛe do baṅa. Ińakʼ bibek hõ sonot Jiure jopoṛao tahẽkate inạ mitʼ gohageye emeda.

Philimon 1:12

Jaehok, am ṭheniń kolekana; uni do ińren dulạṛiạ gate kanae.

Jirimiạ 31:20

Ephrayim do cetʼ ińren sadher hopon doe baṅ kantińạ? Nui do cetʼ uni hopon doe baṅ kantińạ one uni ńelteń kusikʼkan? Uni upạrte jao okte kathań roṛ akatʼrehõ enhõ iń do jaogeń disạyede kana. Ona iạte ińakʼ jiwi do uni lạgitʼe rakʼeda; uni lạgitʼ ińakʼ daya do menakʼgetińạ.

Kolossiko lạgitʼ Pạul Apostolakʼ ciṭhi 2:1

Iń doń menjoṅ kana jemonpe baḍae baṅma, iń do ape lạgitʼ ar Laodikiạ nagraha reakʼ manḍerren hoṛko lạgitʼ, ar okoe bako ńel akadiń onko sanamko lạgitʼ ạḍiń khaṭaokʼ kana mente.

Galathiko lạgitʼ Pạul Apostolakʼ ciṭhi 4:19

E ińren gidrạko, Mạsi apere ạuriye muṭhạnokʼ hạbicʼ ape iạte arhõ bedonteń sasetokʼ kana.

Galathiko lạgitʼ Pạul Apostolakʼ ciṭhi 1:20

Isorge goha do, ape ṭhen okakoń oletʼkan ona reaṅ okaṭakʼ hõ eṛeakʼ do baṅkana.

2 Korinthiko 7:15

Ape sanamko cetʼleka botor ar manot salakʼ unipe ataṅkedete gobolre menakʼpea mentepe udukʼletʼ, ona disạte ape lạgitʼ uniyakʼ dulạṛ do arhõ bạ̃ṛtiyentaea.

2 Korinthiko 6:12

Ale do ape lạgitʼ aleakʼ ontorle jhicʼ akada, menkhan ape do ale upạrte apeakʼ ontorpe siń esetʼ akada.

Jesaea 63:15

E Probhu Isor, serma khon, amakʼ sonot ar ṭhonokanakʼ tahen oṛakʼ khon beṅgetʼkate ńelme. Amakʼ ãṭ ar daṛe kạmiko do okayentama? Amakʼ mạ̃hir ar mãyã do ale ṭhen khonem ocokʼakada.

Jesaea 16:11

Ińakʼ jiwi do Moab lạgitʼ, ińakʼ bhitri do Kir-Heres lạgitʼ peṛesaṅ leka ṭiṛiṅ ṭuṛuṅokʼ kana.

1 Johan 3:17

Noa dhạrtire jiwetʼ tahen lạgitʼ okoeyakʼ ạsulokʼakʼko menakʼtae, ar acʼren boehawakʼ reṅgecʼ ńelkate hõ bae beṅgetʼae enḍekhan cekate uniyakʼ ontorre Isorakʼ dulạṛ do tahẽ daṛekokʼa?

Philimon 1:20

E boeha, Probhu Isorren bon hoyakante ińakʼ monejoṅakʼ do noage je, am do mitʼṭecʼ upʼkạrińme. Biswạsi boeha lekate am do ińakʼ monre nãwãte udgạu ińme.

1 Thessalonikikko 2:5

Baḍaegeape heṛem heṛem kathako do tishõ bale roṛakada, ar lalocakʼko okokate bulạuakʼ jãhãn katha hõ bale roṛakada, Isorge onaren goha do.

Kolossiko lạgitʼ Pạul Apostolakʼ ciṭhi 3:12

Onate Isor okoekoe bachao akawan onko sonotko ar dulạṛiạko lekate mãyãkʼ mon, dulạṛ, mạ̃hir, nindhạn ar soborite apnar sajokʼpe.

Philipiko lạgitʼ Pạul apostolakʼ ciṭhi 2:26

Uni do sanamkoe uihạretʼpe kanteń kol ruạṛedekana. Ona chaḍa uniye ruạ kạhillen reakʼ kathape ańjomletʼ iạte uni do ạḍiye andesale akan tahẽkana.

Philipiko lạgitʼ Pạul apostolakʼ ciṭhi 2:1

Enḍekhan Mạsi tulucʼpe kolom mitʼakan iạte uskur mon ńamokʼkan khan, ar Mạsiyakʼ dulạṛ iạte jiwire juḍạsi ńamokʼkan khan, sonot Jiu ar ape talare helmel menakʼ khan, apeakʼ ontorre mãyã ar daya menakʼ khan,

2 Korinthiko 13:9

Ente alele nijorlenre ar ape do jorankope hoylenre unre ale dole rạskạkʼ kana. Arle koejoṅkana jemon jotowakʼpe sudhrạute sạbit utạrokʼ secʼpe laha idikʼ.

Jobakʼ 16:19

Ńitokʼ hõ ińren goha do sermare menaea; iń secʼ okoe kathae roṛ uni do coṭre menaea.

Galathiko lạgitʼ Pạul Apostolakʼ ciṭhi 3:26

Mạsi Jisure biswạs hotete ape jotoge Isorren hoponkope hoyakana.