Philimon 1:9 - সান্তালী বাইবেল

^9-10 enhõ dulạṛ iạte iń do ona bodolte amiń nehõram kana. Mitʼṭen haṛam hoṛ lekate ar ńitokʼ Jisu Mạsi lạgitʼiń bondi akante iń Pạul do am ṭhen ińren hopon Onesimus lạgitʼ iń nehõram kana. Hajotre ińakʼ bondi dosare uni do biswạsi lekate ińren hopone hoyakana.

Santali Common Language New Testament

^9-10 enhõ dulạṛ iạte iń do ona bodolte amiń nehõram kana. Mitʼṭen haṛam hoṛ lekate ar ńitokʼ Jisu Mạsi lạgitʼiń bondi akante iń Pạul do am ṭhen ińren hopon Onesimus lạgitʼ iń nehõram kana. Hajotre ińakʼ bondi dosare uni do biswạsi lekate ińren hopone hoeakana.

Philimon 1:9 Referans Kwoze

Ephesiko lạgitʼ Pạul Apostolakʼ ciṭhi 4:1

Onate Probhu Isorre kạidi akanicʼ iń nehõrape kana, Isor oka lạgitʼe hohoakawatʼpe ona reakʼ lek leka colonpe.

2 Korinthiko 5:20

Onate Mạsi ńutumte paṭhaonako lekate ale do kathale roṛeda. Isor hõ acʼge ale hotete hoṛko ṭhene nehõrokʼ kana. Onate Mạsi ńutumte noale ajijokʼ kana, “Jemon Isor tulucʼpe mitʼ ruạṛokʼ.”

Romiko lạgitʼ Pạul Apostolakʼ ciṭhi 12:1

Enḍekhan E boehako, Isorakʼ noako daya iạtege iń do asokaeteń nehõrape kana, apeakʼ hoṛmo do jiwetʼ, sonot ar Isore kusiyakʼ dãṛẽ menkate uni ṭhen samaṅtape. Ar onage apeakʼ lek reakʼ sewa do hoyokʼa.

Ephesiko lạgitʼ Pạul Apostolakʼ ciṭhi 3:1

Noa iạte iń Pạul do Isor ṭheniń koejoṅkana. Ape okoe do boṅgan hoṛ jạtrenko kanpe ape lạgitʼge iń do Mạsi Jisuren kạidiń hoyakana.

1 Patras 2:11

E gateko, noa dhạrtire ape do upriạko kanape ar eṭakʼ disạmre thoṛa dinpe tahẽnkante iń do asokaeteń nehõrape kana, jel reakʼ sana khon sahaṛ akae tahenpe,

Ibriko 13:19

Menkhan iń do apeko artetʼ bạ̃ṛti koejoṅ lạgitʼ iń nehõrape kana, jemon usạrate arhõ ape sãoteń ńepel ńapam daṛeakʼ.

2 Korinthiko 6:1

Isorren são kạmiyạko lekate noale nehõrapekana, Isorakʼ okaṭakʼ dayape ńamakatʼ ona do alope ạuṛiyakʼ ocoya.

Jesaea 46:4

Apeakʼ haṛam pạṛiạ hạbicʼ hõ iń doń ini kangea ar apeakʼ bohokʼ upʼ pạnḍukʼ hạbicʼ hõ apeń ghõṛapea, Ińgeń benao akatʼpea, ar ińgeń heo pea; ińgeń ghõṛapea ariń rukhiyạpea.

Kạhtukko 16:31

Pạnḍu upʼ do ṭhonok reakʼ mukuṭ kana; ona do dhorom jionrege ńamokʼa.

Sereńko 71:18

E Isor, teheń do haṛamkate upʼko pạnḍu caba akantińre hõ am do alom bạgi giḍiyińạ; tayom bõsrenko ṭhen amakʼ ektiạri reakʼ katha, ar darakan bõsko ṭhen amakʼ daṛe reakʼ katha baṛe lại sodor ocowạńme.

Sereńko 71:9

Haṛam umerre alom giḍikạńa; ińakʼ daṛe do caba utạrentińạ, ar alom bạgi giḍikạńạ.

Galathiko lạgitʼ Pạul Apostolakʼ ciṭhi 3:26

Mạsi Jisure biswạs hotete ape jotoge Isorren hoponkope hoyakana.

Ephesiko lạgitʼ Pạul Apostolakʼ ciṭhi 6:20

Noa bhage sombat porcar lạgitʼ iń do sikṛi akan raj paṭhaona kạnạń. Koejoṅpe jemon hajotre tahen jokhecʼ cetʼleka bhage sombat porcar reakʼ lek kantiń onkage dil salakʼ onań porcar daṛeakʼ.

1Timothi 1:12

Aboren Probhu Jisu Mạsi, okoe do daṛeye emakawạdiń, uniń gunmanao joharae kana, ente uni do pạtiạricʼe bujhạukedeńte acʼakʼ sapʼdapʼ kạmireye dhurạu akadińạ.

Titus lạgitʼ Pạul Apostolakʼ ciṭhi 2:2

Haṛam hoṛ do jotowakʼre soteko tahen ma; ar manot ńam lekko hoyokʼma; onko do bhage akelanko, sạri pạtiạu, dulạṛ ar sombhuri mon tahentako.

Bikʼcạrko 21:22

Ado tinre onkoren apat se boehako ale ṭhen lạlis lạgitʼko hijukʼa unrele metakoa, ‘onko kuṛiko do dan alepe ar alere dayakʼpe. Lạṛhại jokhecʼ onko lạgitʼ kuṛiko do bale ńamletʼkoa. Niạ babotre apeakʼ jãhãn dos do bạnukʼa, ente ape apnarte aperen kuṛiko bape emakana.’ ”