Philimon 1:7 - সান্তালী বাইবেল

⁷ E boeha, amakʼ dulạṛ ńelte iń do ạḍiń rạskạkʼ kana ar udgạuiń ńamakada, ente am do Isorren hoṛkoakʼ ontorre nãwãte udgạu monem sagen ocoakada.

Santali Common Language New Testament

⁷ E boeha, amakʼ dulạṛ ńelte iń do ạḍiń rạskạkʼ kana ar udgạuiń ńamakada, ente am do Isorren hoṛkoakʼ ontorre nawate udgạu monem sagen ocoakada.

Philimon 1:7 Referans Kwoze

2 Korinthiko 7:13

Ar noa hotete ale do jiwi raṛecʼle ńam akada. Ona jiwi raṛecʼ sãote Titusakʼ rạskạ ńelte ale hõle rạskạkʼkana, ente ape sanamko ṭhen khon uni do monre ạḍi suluke ńam akada.

1 Thessalonikikko 3:9

Ape khạtirte Isor samaṅre aleakʼ oka rạskạ, ona bodolte okalekate ape iạte unile sarhaoea ona do bale baḍaea.

2 Korinthiko 7:4

Apere ạḍi pạtiạu menakʼtińạ ar ape iạte ạḍitetʼ iń sarhaokʼ kana. Aleakʼ joto duk sasetre ińakʼ rạskạ do sareṛokʼ kana ar ạḍi jiwi raṛecʼ iń ńameda.

Philimon 1:20

E boeha, Probhu Isorren bon hoyakante ińakʼ monejoṅakʼ do noage je, am do mitʼṭecʼ upʼkạrińme. Biswạsi boeha lekate am do ińakʼ monre nãwãte udgạu ińme.

1 Thessalonikikko 2:19

Ente aboren Probhu Jisui hijukʼre apege cetʼ uni samaṅre aleakʼ as, rạskạ ar ṭhonok reakʼ mukuṭ dope baṅkana?

2 Johan 1:4

Baba okaṭakʼe hukumakatʼ bon ona lekage amren adom gidrạko do Isorakʼ sạri horte calakʼiń ńeletʼkote ạḍiń rạskạkʼ kana.

2Timothi 1:16

Onesiphoros gharońjrenko Probhu Isore mãyãwakoma; uni do ạḍi dhaogeye cerṭha ocoakadińa, ar ińakʼ hajot iạte bae lajaolena.

1 Thessalonikikko 2:13

Ale do siń sạṭupʼ Isorle gun manao joharae kana, ente Isorakʼ katha ańjomkate tinrepe pạtiạulena unre manwawakʼ katha mente do baṅ, menkhan Isorakʼ katha mentegepe ataṅkeda. Ar sạrige ona do Isorakʼ katha kangea. Ape okoepe pạtiạu akan, apeakʼ ontorrege ona katha doe kạmiyeda.

1 Thessalonikikko 1:3

Biswạs khạtirte okape kạmikan, dulạṛ khạtirte okape mehnotetʼkan ar aboren Probhu Jisu Mạsire as akan iạte okape sombhuriyetʼkan, ona katha do jaoge aboren Isor Baba samaṅre koejoṅrele disạyeda.

1 Korinthiko 16:18

Onko do ińakʼ ar apeakʼ jiuko khạtirketʼ tabona. Ape do nonkan hoṛge manotkope.