Philimon 1:17 - সান্তালী বাইবেল

¹⁷ Onate inạ mitʼ biswạsi mentem hudis edeńkan khan enḍekhan iń cetʼlekam ataṅedeń onkage Onesimus hõ ataṅeme.

Santali Common Language New Testament

¹⁷ Onate inạ mitʼ biswạsi mentem hudis edeńkan khan enḍekhan iń cetʼlekam ataṅedeń onkage Onesimus hõ ataṅeme.

Philimon 1:17 Referans Kwoze

2 Korinthiko 8:23

Titus reaṅ okaṭakʼ memenakʼ menakʼtiń ona do noage, uni do ińren gate kanae ar iń tulucʼ ape lạgitʼe kạmiyeda. Ar eṭakʼ boehako reaṅ oka memenakʼ menakʼtiń ona do noage, manḍerrenko do unkin bachaokateko koletʼkinạ. Nukin boeha hotete Mạsiye ṭhonokokʼma.

Mathae 10:40

“Okoe apeko ataṅpe onko do ińgeko ataṅediń kana; ar okoe ińe ataṅediń kan uni do kol akadińicʼgeye ataṅedekana.

Philimon 1:12

Jaehok, am ṭheniń kolekana; uni do ińren dulạṛiạ gate kanae.

Jakob 2:5

E ińren dulạṛiạ boehako, ańjomtińpe. Dhạrti secʼte okoeko reṅgecʼge, onkoge cetʼ Isor do biswạsre kisạ̃ṛokʼ lạgitʼ bae bachao akatʼkoa? Okoe Isorko dulạṛede kan onko do uni okaṭakʼ rajosṭi udukʼako lạgitʼe gokʼatʼko tahẽkan ona rajosṭiren bhạgiyạdarko hoyokʼ lạgitʼ cetʼ noko reṅgecʼ hoṛko bae bachao akatʼkoa?

Ibriko 3:1

Onate E sonot boehako, okoe do serma rajren ạidạriko hoyokʼ lạgitʼ uniyakʼ hohoakʼren bakhradarkope hoyakan, ape do Jisu reaṅ moneyakʼpe. Ente okoere bon pạtiạu akan uni kangeae Isor ṭhen khon kol ocoyicʼ do ar maraṅ naeke hõ unige.

Ephesiko lạgitʼ Pạul Apostolakʼ ciṭhi 3:6

Ar ona okoakʼ monsubạ do hoyokʼ kana, bhage sombat hotete boṅgan hoṛ jạtrenko Jisu Mạsi tulucʼko midokʼte Jihudiko sãote inạ mitʼ ạidạri, mitʼ hoṛmo hạṭińko, ar mitʼ gokʼakʼren bhạgiyạdarkoko hoyokʼ.

Aposkạmi 16:15

Ar noate uni ar acʼ gharońjren sanamkogeko bạptisena. Inạ tayom uni do noa menkateye neotaketʼlea, “Probhu Isorre biswạs akanpe hudisedeń khan dela ińakʼ oṛakʼre hijukʼte tahenpe.” Ar noa katha menkate acʼakʼ oṛakʼteye idiketʼlea.

Mathae 25:40

“Ado raje roṛ ruạṛakoa, ‘sạrigeń metapekana, ińren noko huḍiń utạr boehako modre jãhãe mitʼ hoṛpe nonkawade enḍekhan unre ińgepe onkawạdiń tahẽkana.’

Mathae 18:5

Ar jãhãege iń ńutumte nonkan kạṭicʼ gidrại ataṅe uni do ińgeye ataṅińạ.

1 Johan 1:3

Okoe alele ńelakade ar okoeyakʼ moca reakʼ kathale ańjomakatʼ uni reaṅgele baḍae ocoyetʼpea. Ale do onale baḍae ocoyetʼpea jemon ape ar ale talare mitʼṭecʼ helmel benao rakabokʼ. Noa do hoyokʼ kana Baba ar uniren Hopon Jisu Mạsi ar abo tala reakʼ helmel.

1 Patras 5:1

Iń do Mạsiyakʼ duk sasetren goha kạnạń ar Mạsiyakʼ oka ṭhonok sodorokʼ onaren hõ bhạgiyạdar kạnạń. Onate ape modre okoe doko manḍerren maraṅ mukhiyạko kan iń do onkoren ar mitʼṭen maraṅ mukhiyạ lekate noa sikhạunań emako kana.

Ibriko 3:14

Ente pạhilre okaṭakʼ bhorsa tahẽkan, onare mucạtʼ hạbicʼ teṅgo ṭak akan bon tahẽlen khan, abo do Mạsi tulucʼ bakhradarko bon hoyokʼa.

1Timothi 6:2

Okoeṭakʼ golam Mạsire biswạs akan ar kisạ̃ṛakʼ gobolre menae uni do biswạsi boeha mente kisạ̃ṛ aloe nihạ̃tema bickom artetʼ bes okocʼte uniyakʼ golam reakʼe kạmima, ente uniyakʼ kạmite okoeye upkạrokʼkan uni doe pạtiạrgea ar uniren do dulạṛiạ kanae. Ar am do noako katha cetʼakome ar sikhạu paṛhaokom.

Philipiko lạgitʼ Pạul apostolakʼ ciṭhi 1:7

Ape sanamko lạgitʼ ińakʼ monejoṅakʼ do nonka leka hoyokʼge lek kana, ente ape do ińren dulạṛiạko kanape. Iń do hajotreń tahen se bhage sombatreń roṛ dogokʼre hõ ona reakʼ sạritetʼ iń gohayeda, ar onate ape sanamko iń tulucʼ Isorakʼ dayaren bhạgiyạdarkope hoyokʼ kana.

Philimon 1:18

Ar amakʼ jãhãnakʼe lokshan akatʼtam khan se am ṭhen jãhãnakʼ babotre rin menakʼtae khan ona do ińakʼ rin kana mente bujhạume.