Obodiạ 1:8 - সান্তালী বাইবেল

⁸ Probhu Isore menetʼkana, “Enhilokʼ iń do Edomren ạkilan hoṛko ar Esao buru khon bujan hoṛko cetʼ bạń maraokoa?

Obodiạ 1:8 Referans Kwoze

Jesaea 29:14

Onate iń do arhõ hahaṛawakʼ kạmikote noko hoṛ doń ṭhak utạrkoa; onate ạkilankoakʼ ạkil do maraokʼtakoa ar budankoakʼ bud hõ danaṅokʼa.”

Sereńko 33:10

Sanam jạtrenkoakʼ goṭawakʼge Probhu Isor doe ạuṛiyakʼ ocoytakoa; ar onkoakʼ hudisko hõ bae jo baha ocoytakoa.

Jesaea 19:3

Misorrenko doko hae nisạsokʼa, ar iń do onkoakʼ goṭawakʼko bạń jo baha ocoytakoa. Ente onko do boṅga murhutʼko ar gocʼ hoṛ ḍakʼkaoko, ar jan guruko ṭhen khon solhako hataoeda.

Jesaea 19:11

Soanren cetan hudạren kạmiyạko doko bebujgea; Pharaoren ạkilan sosolhako do ạuṛiyakʼ solhako emokʼkana. Ape do cekate Pharaope men daṛeae kana, “Iń do ạkilan hoṛko modren mitʼ hoṛ ar sedaeren raj bõsren kạnạń mente?”

Jesaea 19:12

Amren ạkilan hoṛ ńitokʼ do okare menakʼkoa? Misor upạrte phạdkoren Probhu Isor okae ṭhik dohoakatʼ ona do apnarteko baḍaema ar amko metam ma.