Obodiạ 1:5 - সান্তালী বাইবেল

⁵ “Hae, cetʼ lekan muhinge baṅ am lạgitʼe koyokʼ horakatʼ! Kombṛo am ṭhenko hecʼlenre; ar ḍạku hõ ńindạko hecʼlenre, onko do akoakʼ mone joṅakʼ lekageko kombṛo idiya. Ar darkha jo gogotʼ hoṛ am ṭhenko hecʼlenre am lạgitʼ thoṛa jo doko sarecʼ oṭokakʼgea.

Obodiạ 1:5 Referans Kwoze

Jirimiạ 49:9

Darkha jo gogotʼ hoṛ am ṭhenko hecʼlenre onko do cetʼ thoṛa darkha jo bako sarecʼ oṭokakʼa? Ar ạyupʼ jokhecʼ kombṛoe hecʼlen khan jạruṛae bhorge cetʼ bae idiya?

Dosar Biboron 24:21

Apeakʼ darkha bagwan khon darkha jope godre dosar dhao alope ńel dohṛaea. Okaṭakʼ tahen ona do upriạko, ṭũạr amarko ar rạnḍiko lạgitʼ bạgi oṭokakʼpe.

Jesaea 17:6

Enhõ thoṛa hulạkʼ do ńurakan tahena. Jạitun dare joko rukui tayom cetʼleka cetan ḍạrkore mitʼ bar jo tahen, onkage onkoakʼ dosa hõ hoyokʼtakoa.” Israelkoren Probhu Isorge niạ katha doe meneda.

Sephaniạ 2:15

Noage hulạsokʼkan nagraha do one okare nirại menakʼ. Uni do mone moneteye mena, “Ińge minạńa, iń chaḍa ar celege bạnukʼkoa.” Uni do okalekae maraoena, ar bir janwarkoakʼ asray ṭhạ̃ige hoyena! Ar okoe ona aṛeteko parom calakʼ onko doko landa dhudhutʼa ar buḍhạ kạṭupʼko uduga.

Mikạ 7:1

Hai iń do! Iń do niron din reakʼ joko samṭao akatʼ lekageń hoyakana one joko gotʼketʼ tayomko tumạlketʼ, ar jom lạgitʼ darkha reakʼ jãhãn thopage bạnukʼa; ar pạhilre beleakʼ loa hõ bạnukʼa one oka lạgitʼ ińakʼ jiwiye gagojokʼkan.

Rak̕joṅ 1:1

Hae! ona nagraha do, mitʼ jokhecʼ onare hoṛkote perecʼ tahẽkana, uni do cetʼleka eskare duṛupʼ akana. Okaṭakʼ nagraha do mitʼ jokhecʼ jạt jạtrenko talare maraṅe tahẽkan, uni do ńitokʼ rạnḍi maejiu lekae hoyakana. Uni do disạmkoren rạniye tahẽkana ar ńitokʼ do kạ̃ṛmĩye hoyakana.

Jirimiạ 50:23

Goṭa dhạrti reakʼ hạtuṛ do rạputʼ kạtra kuṭrạyena. Babel reakʼ dosa ńelte sanam jạtren hoṛ doko ṭhak utạrena.

Jesaea 24:13

Jạitun dare ruku tayom ar darkha jo gotʼ tayom cetʼleka darere thoṛa jo tahen, onkage dhạrtiren jạtkoakʼ dosa hõ hoyokʼtakoa.

Jesaea 14:12

E bhurkạkʼ ipil, aṅga marsalokʼren hopon, am do serma khonem ńur akana. Am do jạtrenkom bhagao akatʼkoa, ar ńitokʼ do dhạrtitem giḍi ocoakana.

2 Samuel 1:19

“E Israel, Amren ṭhonokan hoṛ do amakʼ ona usul jaegare gocʼgeko giticʼakana. Hae, birbanṭako doko marao utạrena!

Johan sodor 18:10

Onko do uniyakʼ saset ńelte botorte sạṅgińre teṅgokateko mena, “Hae Babel, hae! Ona maraṅ nagraha, ar daṛeanakʼ nagraha do, ente mitʼ ghạṛite amakʼ sạjại do seṭerena!”

Jirimiạ 6:9

Phạdkoren Probhu Isore meneda, “Darkha khet khon cetʼ leka darkha joko gotʼ doṛhae onkage bạiriko do disạm khon Israel jạtrenko gotʼ dohṛakoa. Okoe hoṛ darkha joe god ar cetʼleka tiye ạwil onko hõ sarecʼ hoṛkore onkageko kạmiya.”

Obodiạ 1:9

E Teman, amren lạṛhại phạdko do heṛan botorko botorokʼa ar Esao bururen do sanamgeko gocʼ ocokʼa.