Obodiạ 1:3 - সান্তালী বাইবেল

³ Am do huṭupʼ dhiri lopakʼrem girobasokʼ kana ar usul usul ṭhạ̃ikorem tahenkana ar mone monetem meneda, ‘okoe hale otre doe pheḍ daṛekińạ?’ Menkhan amakʼ ontor reakʼ bạḍạikoge am doe ṭhoka akatʼmea.

Obodiạ 1:3 Referans Kwoze

Jirimiạ 49:16

E dhiri paṛakʼkore girobasokʼ kan buru reakʼ usul ṭhạ̃iren ạidạriyicʼ, am dom torasanicʼ kanre hõ amakʼ ontor reakʼ bạḍạikoge am doe eṛe akatʼmea. Am do pajhaṛ cẽṛẽ leka coṭrem tukạlere hõ latarteń or pheḍ ạgumea.

Kạhtukko 29:23

Manwa do acʼakʼ bạḍạiteye copodokʼa, menkhan mạ̃hir monan hoṛ do manote ńama.

Jesaea 16:6

Ale do Moabakʼ bạḍại reakʼ kathale ańjom akada; uni do ạḍitetʼ bạḍại menakʼtaea. Uniyakʼ gorbo reakʼ katha, ar acʼ apnarte maraṅokʼ reakʼ katha ar sanam lekan bạḍại reakʼ kathale ańjomakada, menkhan joto bạḍại do ạuṛiyakʼgetaea.

2 Rapajko 14:7

Amasiạ do buluṅ doreãore gel hajar Edomrenkoe gocʼletʼkoa ar lạṛhạikate Selae hatkeda ar ona reakʼ ńutum do Joktheyele dohokeda; ona ńutum do teheń hạbicʼ hõ menakʼgea.

Malaki 1:4

Edom doe men boteja, “Alele chakachun akanre hõ jarkharakʼko do arhõle benao rakaba.” Menkhan phạdkoren Probhu Isore meneda, “Onkoko beretʼ daṛeakʼa menkhan iń do onań rạputʼ giḍikatakoa. Onko do ‘bedhorom’ reakʼ disạmko menocokʼa one onko jạtrenko do jao okte Probhu Isorakʼ edre latarre menakʼko.

Jirimiạ 49:4

Am do amakʼ buru nala iạte cedakʼem bạḍạiyokʼ kana? E bepạtiạricʼ kuṛi, amakʼ dhon durib cetanre bhorsakatem meneda, ‘iń do okoeye akromon daṛekińạ?’

Kạhtukko 18:12

Manwa ontor reakʼ bạḍại do jarkhare ạguiya,

Kạhtukko 16:18

Bạḍại do bạṛicʼakʼe ạguiya ar phulạukʼ mon do maraokʼge.

2 Bõsbudạ 25:12

Jihudạren lạṛhại phạdko do arhõ gel hajar hoṛ jiwetʼteko sapʼketʼkoa ar buru muthnire idikate latarteko ṭhelao ńurketʼkoa. Ar onko sanamgeko talga tạuạkʼena.

2 Bõsbudạ 25:11

Amasiạ do dilkate buluṅ doreãore acʼren lạṛhại phạdkoe ạyurketʼkoa. Ar Seyirren gel hajar hoṛe gocʼketʼkoa.

Jobakʼ 20:6

Uniyakʼ usultetʼ do serma hạbicʼ seṭerlenre hõ ar uniyakʼ bohokʼ do rimil hạbicʼ usullenre hõ,

Jirimiạ 21:13

E Jerusalem, buru nala otetre tahenkanicʼ iń do enhõ am upạrte minạńa. Am dom meneda, ape upạrte do okoege bako hecʼdaṛeakʼa, ar apeakʼ tahen ṭhạ̃ire okoehõ bako bolo daṛeakʼa;

Jirimiạ 37:9

“ ‘Ar noa kathate apeakʼ jiwi do alope eṛe ocoytapea je, Babelrenko do khạṭige ape ṭhen khonko uṭhạu calakʼa. Menkhan onko do bako uṭhạu calakʼa.

Jirimiạ 48:28

E Moabren hoṛko, nagraha bạgikate huṭupʼ dhirikore berelokʼpe. Ar onkan potamko leka baṛe hoyokʼpe, okoe do khandṛaṅ moca ṭhen tukạko benaojoṅ kan.

Genesis 36:8

Ona iạte Esau do Seyir reakʼ buru ṭoṭha secʼ senkateye girobasena. Esauakʼ eṭakʼ ńutum do Edom hõ tahẽkana.

Jeheskel 28:16

Amakʼ ạḍi utạr beparikote jor julumtem perecʼena arem kạikeda, onate Isorakʼ buru khoniń lagaketʼmea, ar E horhoyicʼ Kerub, am do seṅgel reakʼ dhiriko tala khoniń laga ńirketʼmea.