Obodiạ 1:21 - সান্তালী বাইবেল

²¹ Disạm cakʼlaoko do Sion buru khon Esaoakʼ buru ṭoṭhakoren hoṛko ḍanṭaokoa, ar rajosṭi do Probhu Isorakʼge hoyokʼa.

Obodiạ 1:21 Referans Kwoze

Johan sodor 11:15

Tayomte eaeyicʼ serma goḍet do acʼakʼ siṅgại oroṅkeda. Unre sermare ãṭ aṛaṅte roṛena, “Dhạrti reakʼ rajosṭi do ńitokʼ aboren Probhu Isor ar uniren Mạsiyakʼ hoyena.

Jakob 5:20

enḍekhan noa katha baḍaekakʼpe, jãhãe mitʼṭen kại hoṛ bhul hor khone ruạṛ ạguiye uni do gujukʼ khone bańcaoea ar ạḍi utạr kạiye dapaltaea.

Sakariạ 14:9

Ar goṭa dhạrtiren raj do Probhu Isorgeye hoyokʼa. Enhilokʼ manwa do Probhuge Isor menteko aṅgocea, eken uniyakʼ ńutumgeko sewawakʼa.

Daniel 7:27

Ona tayom rajosṭi, ektiạri ar pirthimi reakʼ sanamakʼ rajosṭiko reakʼ daṛe do maraṅ Isorren hoṛkoakʼ tire jimạ ocokʼa. Onkoakʼ rajosṭi do hoyokʼa jaejug hạbicʼ ar sanam rapajko do onkoko sapʼsorakoa ar onko tabereko tahena.

1Timothi 4:16

Am apnar reaṅ ar amakʼ lại cecetʼre sontor akae tahenme. Ar onakore tahẽakae tahenme, entem onka lekhan apnar hõm bańcaokʼa, ar okoeko ańjomtam onko hõm bańcaokoa.

Sereńko 22:28

Hẽ, rajosṭi do Probhu Isorakʼge hoyokʼma; ar sanam jạtrenko cetanren raj doe uni kangea.

Luk 22:30

Onate ińakʼ rajre ape do iń tulucʼpe jom ńũiya ar siṅghạsonre duṛupʼkate Israelren gel bar khũṭrenkoakʼpe bicạrtakoa.

Daniel 2:44

Onko rapajkoakʼ oktere sermaren Isor do mitʼṭen rajostiye teṅgoyea, ona do tishõ baṅ maraokʼa, ar ona rajosṭi do eṭakʼ jạtrenkoakʼ tire baṅ jimạkʼa; ona do onako rajosṭiye rạputʼ gejera ar acʼge jaejuge tahena.

Jesaea 19:20

Ar noage hoyokʼa Misor disạmre phạdkoren Probhu Isor ńutumte mitʼṭecʼ cinhạ ar goha do. Onkoakʼ santao iạte onko do tinre Probhu Isor ṭhenko raga unre onko ṭhen mitʼṭen babańcaoicʼ ar rurukhiyạicʼe kolea ar uni do onkoe bańcaokoa.

Bikʼcạrko 2:16

Unre Probhu Isor do onko talare disạm cakʼlaokoe teṅgoyetʼko tahẽkana. Onko do luluṭko reakʼ ti khon Israelkoko rukhiyạyetʼko tahẽkana,

Johan sodor 20:4

Ona tayom adomakʼ siṅghạsonkoń ńelkeda, ar okoe onareko duṛupʼ akan tahẽkan onko do bicạr reakʼ ektiạriko em ocoakan tahẽkana. Isorakʼ katha ar Jisu reakʼ cecetʼakʼ lekate calakʼ iạte okoe do bohokʼko makʼ ńur ocoakan tahẽkan, onko hoṛakʼ jiwikoń ńelkeda. Onko do uni janwar ar uniyakʼ muṭhạn hõ bako sewawakʼkan tahẽkana ar moloṅre se tire cinhạ hõ bako hataoleda. Onko doko jiwetʼente mitʼ hajar bochor hạbicʼ Mạsi tulucʼ rajosṭiko calaokeda.

Johan sodor 19:6

Ona tayom iń do ạḍi utạr hoṛkoakʼ sabad leka, ar had had ạtukʼ dakʼ reakʼ saḍe ar kajak huḍuretʼkan saḍe leka noa kathań ańjomkeda, “Halleluyah! Aboren sanam daṛeyicʼ Probhu Isor do rajokʼe ehopʼakada.

Mathae 6:13

ar biḍạute alom aderlea, menkhan bạṛicʼakʼ khon bańcaolem. [Ente raj ar daṛe ar ṭhonok jaejug hạbicʼ amakʼge, Amen.]

Mathae 6:10

Amakʼ raj hijukʼ ma. Amakʼ sana leka hoyokʼ ma, cetʼ leka sermare, onkage otre hõ.

Joel 2:32

Unre rukhiyạ ńam lạgitʼ jãhãege Probhu Isore hohowae uni do rukhiyại ńama, ente Probhu Isorakʼ katha leka Sion bururen ar Jerusalemren adom hoṛ do rukhiyạko ńama. Isor okoeye bachao akatʼko onko do rukhiyạ akan hoṛ talareko tahena.

Daniel 12:3

Okoeyakʼ bujhạu reakʼ daṛe menakʼtako, metakʼme okoe do ḍher hoṛko dhorom reakʼ horteko ạguakatʼko onko do sermaren marsal ar jolokʼkan ipil leka jaejug jol akanko tahena.

Daniel 7:14

Uni manwa hopon do ektiạri, ṭhonok ar rajosṭiye emocoyena jemon sanam jạtrenko, disạmrenko ar pạrsirenko uniko sewawae. Uniyakʼ rajosṭi do jaejug hạbicʼ tahena; ona do baṅ mucạdokʼa ar uniyakʼ rajosṭi hõ tisge baṅ maraokʼtaea.

Daniel 2:35

Unre ona mẽṛhẽtʼ, jaṭaṅ hasa, pitạl, rupạ ar sona do mitʼdomte gejerena ar niron din reakʼ khạrại bhusạ leka hoyena, ar hoe do onakoe oṭaṅ idikeda, ar onako lạgitʼ do okare hõ ṭhạ̃i baṅ hoylena, Ar okaṭakʼ dhiri ona boṅga muṭhạnre josen, ona do mitʼṭecʼ maraṅ buru hoyena, ar goṭa dhạrti perecʼena.

Sereńko 102:15

Unre Probhu Isorakʼ ńutum ańjomkate eṭakʼ jạtrenko do botor hecʼakoa; ar amakʼ ṭhonok ńelte dhạrtiren sanam rajko hõ botor caṛhaoakoa.

2 Rapajko 13:5

Unre Probhu Isor do Israelko mitʼṭen babańcaoicʼe ematʼkoa. Onate Israelko do Aramrenkoakʼ ti khon rukhiyạko ńamkeda. Ona iạte onko do lahate leka arhõ sulukte girobasokʼko ehopʼena.

Bikʼcạrko 3:9

Menkhan Israelko do Probhu Isorko rakʼade khan onko lạgitʼ mitʼṭen babańcaoicʼe teṅgowatʼkoa. Uni doe hoyokʼkana Kenas hopon Kaleb bokot Othniyel.

Nehemiạ 9:27

Onatege am do bạirikoakʼ tirem jimạletʼkoa ar bạiriko do onkoko santaoetʼko tahẽkana. Onkoakʼ kosṭo oktere onko do am ṭhenko rakʼ homoretʼ tahẽkana ar am do serma khonem ańjomletʼtakoa. Amakʼ maraṅ daya iạte onko bańcaoko lạgitʼ hoṛkom kolletʼkoa. Ar bạirikoakʼ ti khon onkom bańcaoketʼkoa.

Sereńko 47:7

Isor kangeae goṭa pirthimiren raj do; onate unige õṛhẽ sereńaepe.

Sereńko 67:4

Jạt jạtrenko doko kusikʼma ar rạskạteko sarhao sereńma, ente am do dhoromte jạt jạtrenkom bicạrkoa ar noa dhạrti do sanam jạtrenko calao banaoa. (Sela)

Genesis 25:23

Probhu Isor do uniye metadea, “Amakʼ kukhire barea jạtrenkoakʼ etohopʼ hoyakana, janam khonge unkin do barea bõskin hoyokʼa. Mitʼṭen khon eṭakʼicʼakʼ daṛe do ḍherokʼa, ar maraṅicʼ do huḍińicʼren gutiye hoyokʼa.”

Sereńko 22:29

Dhạrtiren kisạ̃ṛ hoṛko hõ unre uni samaṅreko jom ńũiya, ar uniko sewawaea; apnarakʼ jiwi bańcao reakʼ dhej bạnukʼtakote okoeyakʼ mitʼ jaṅga do topare menakʼtako, onko hõ uni samaṅreko ikhṛumokʼa.

Jesaea 24:23

Ńindạ cando doe nak kaṭakʼa ar siń cando doe lajaokʼa, ente phạdkoren Probhu Isor do Sion buru ar Jerusalemreye rajokʼa, ar onaren murubbiko do uniyakʼ ṭhonokko ńela.

Mikạ 4:7

Leḍhako do jiwetʼ iń dohokoa ar laga ńir hoṛko do mitʼṭen daṛean jạtreniń hoyocokoa. Ar iń Probhu Isorge enhilokʼ khon jaejug hạbicʼ Sion burure onko cetanreń rajokʼa.