Obodiạ 1:19 - সান্তালী বাইবেল

¹⁹ Negebre tahenkan Israelrenko do Esaoakʼ buruko dokhol joṅa ar latar buru ṭoṭharen hoṛ do Philisṭikoakʼ disạmko ạidạri joṅa. Onko do Ephrayim ar Samariạ reakʼ ṭhạ̃iko dokhol joṅa ar Benjạmin Gilead ṭoṭhako ạidạri joṅa.

Obodiạ 1:19 Referans Kwoze

Amos 9:12

Jemon Israelko do Edomren sarecʼ hĩs ar eṭakʼ jạtrenkoakʼ disạmko ạidạri daṛeakʼ.” Probhu Isor, okoe do noakoe kạmikan, unige noa katha doe meneda.

Jirimiạ 32:44

Benjạmin ṭoṭhare, Jerusalem beṛhaeteakʼ ṭoṭhare, Jihudạ ar Negeb reakʼ sanam ato ar nagrahakore ar usul-copotʼ buru ṭoṭha reakʼ sanam ato ar nagraha reakʼ jumiko kirińokʼa, dolelre suhikʼa ar mohor chapakʼ hoyokʼa ar gohakoko dohokʼa, ente iń do onkoakʼ lahateakʼ dosań ạgu ruạṛtakoa. Iń Probhu Isorge noa katha doń meneda.”

Jeheskel 36:28

Ar aperen hapṛamko okaṭakʼ disạm iń ematʼko tahẽkan onḍegepe girobasokʼa; ape do ińren hoṛpe hoyokʼa ar iń do aperen Isor iń hoyokʼa.

Mikạ 7:14

E Probhu Isor, am do ṭheṅgate gukʼpiko leka amren hoṛko ạtińkom. Ente onko do amakʼ palren kangeako. Onko beṛhaete ạtiń ṭạnḍi menakʼre hõ onko do eskarge hahaṅkarreko girobasokʼ kana. Ḍher din lahare cetʼlekako ạtińkan tahẽkan onkage Bason reakʼ Gileadre jemonko ạtiń daṛeakʼ.

Amos 1:13

Probhu Isore meneda, “Amon reakʼ pea ghạṭ iạte, hẽ ponea ghạṭ iạte iń do khạṭige onkoń sạjạikoa, ente simạna baṛhaotako lạgitʼ onko do Gileadren bhạrti hoṛmo maejiukoakʼ lacʼko cirạ akatʼtakoa.

Amos 1:8

Iń do Asdosren hoṛkoakʼ ar Askelonre okoeṭakʼ hoṛ raj ṭheṅgae sapʼakatʼ uniń marao utạrea. Iń do Ekron upạrte ińakʼ tiyiń tiyạrtińạ, onate Philisṭiren sarecʼ hoṛ doko gujukʼa.”

Jeheskel 25:16

Ona iạte iń Probhu Isorgeń menetʼkana, ‘Philisṭiko upạrte ińakʼ tiyiń tiyạrtińạ; ar Kerethikoń marao cabakoa ar jalapuri aṛeren sarecʼ hoṛko hõń maraokoa.

Jirimiạ 49:1

Amonrenko reaṅ Probhu Isor do noa kathae meneda, “Israelren do cetʼ cele hoponge bạnukʼkotaea? Uniyakʼ gujukʼ tayom uniyakʼ sompottiren ạkʼạidạriko do cetʼ celege bạnukʼkoa? Enḍekhan Milkom do Gad gusṭirenkoakʼ ṭhạ̃i do cedakʼe ạidạri akawana? Cedakʼ Milkom sekʼwako do onḍenakʼ nagrahareko berel akana?

Sereńko 69:35

Ente Isor do Sione bańcaoa ar Jihudạ reakʼ nagrahako do arhõe beretʼ ruạṛa; unre uniren hoṛko do onḍeko girobasokʼa ar ona reakʼ ạidạrikoko hoyokʼa.

Esra 4:17

Raj do ona ciṭhi reakʼ niạ roṛ ruạṛe kolkeda: “Subedar Rehum, olokʼicʼ Simsai ar Samariạ ar phurạt gaḍa pạchim aṛe reakʼ judạ judạ ṭoṭhare girobasokʼ kan judạ judạ hudạren cetan kạmiyạko ṭhen niạ ciṭhiń oletʼ kana. Apeakʼ bhạlại baṛe hoyokʼma.

Esra 4:2

Unre onko bạiriko do Serubabel ar bõskoren mathako ṭhen hecʼkateko menkeda, “Mundil oṛakʼ benao kạmire ale hõ ape sãotele kạmiya, ente ale hõ aperen Isorakʼ sana leka calakʼle kurumuṭuyeda. Ạsurren raj Esarhadon do nonḍeye ạgu akatʼle tayom khon ale hõ Isor ńutumte janwarkole samaṅetʼkoa.”

1 Bõsbudạ 5:26

Unre Israelren Isor do Asurren raj Pulakʼ, metakʼme Tiglot-Pileserakʼ monre edrey rakapʼ ocoketʼtaea. Uni do Rubenrenko, Gadrenko ar Manasi gusṭiren adha hoṛkoko bondi idiketʼkote Helho, Habor ar Hara elakare ar Gosen gaḍa aṛereye idiketʼkoa; ar teheń hạbicʼ hõ onko do onḍege menakʼkoa.

2 Rapajko 17:24

Asurren raj do Israel hoṛkoakʼ jaega purun lạgitʼ Babel, Kuth, Awa, Hamat ar Sepharwayim khon hoṛko ạgukate Samariạ nagraha ar atokoreye dohoketʼkoa. Ar onko do onako jaegare girobasokʼko ehopʼena.

Josuạ 15:33

Latar buru ṭoṭhako modre okako nagraha ar atokoko ńamletʼ onako do hoyokʼ kana: Estaol, Sora, Asna,

Josuạ 15:21

Edom sor reakʼ Negebre onkoakʼ ṭoṭha reakʼ dạkhinre okaṭakʼ nagraha ar atoko ńamletʼ onako reakʼ ńutum do hoyokʼkana; Kobsel, Edar, Jagor,

Josuạ 13:31

Gilead reakʼ adha jaega ar Astarot ar Edreyi nagraha. Niạ banar nagraha khon Basoren raj Og doe rajokʼkan tahẽkana. Niạ jaegakin do Manaseren hopon Makirren adha hoṛkoren judạ judạ bõskoko emocolena.

Numeri 1:32

Josephren hoponko talare Ephrayem bõsrenko modren okoekoakʼ umer do bargel se ona khon ḍher, metakʼme okoe do lạṛhại lạgitʼ oḍok calakʼ lekako tahẽkan, onko do gusṭi ar gharońj reakʼ oprom lekate ńutum ol caṛhaoentakoa.