Obodiạ 1:12 - সান্তালী বাইবেল

¹² Am boehawakʼ hale ḍale oktere am do ạḍitetʼem kusiyena, ar Jihudạren hoṛkoakʼ maraokʼ dinre onko babotrem hulạsena ar onkoakʼ kosṭo hilokʼre do bạḍạitem perecʼlena.

Obodiạ 1:12 Referans Kwoze

Mikạ 4:11

Menkhan ńitokʼ jạt jạtrenko do am upạrteko jarwa akana. Onkoko meneda, “Uni doe bhonḍ ocokʼma; dela, abo do Sion reakʼ dosa ńelte bon rạskạkʼma.”

Jeheskel 35:15

Ar Israelko ạidạri lekate okaṭakʼ disạmko ńamakatʼ ar ujạṛ akan ńelte cetʼ lekam rạskạkʼkan onkage iń do am sãoteń beohara. E Seyir buru, am ar Edom reakʼ sarecʼ sanam ṭhạ̃i do ujạṛ utạrakʼge hoyokʼa. Unre hoṛko baḍae daṛeakʼa, ińkangeạń Probhu Isor do.’ ”

Kạhtukko 17:5

Okoe hoṛ reṅgecʼkoe nisṛạuko uni do onkoren sisirjạuicʼe henostawae kana; Okoe eṭakʼkoakʼ muhinreye rạskạkʼkan uni do sạjạiye ńamgea.

1 Samuel 2:3

Ape do ạḍại bạḍại katha alope roṛa, ar bạḍại reakʼ katha do moca khon alope oḍoka; ente Probhu Isor doe nonkanicʼ Isor kana okoe do jotowakʼe baḍaekan, unige kạmi reakʼe tulạyetʼ kana.

2 Patras 2:18

Onko do ạuṛi sạuṛi ar lạṭu lạtu kathako roṛa ar manwakoakʼ jel reakʼ bạṛicʼ sanako rakapʼ ocoyetʼte nonkan hoṛko bhul horteko idiyetʼkoa, okoe do bạṛicʼko talare menakʼko khonko oḍok hijukʼkan.

Jihudạwakʼ ciṭhi 1:16

Noko hoṛ do jaogeko karacʼ kurujokʼa, ar akoakʼ bhạgko dusiya ar ontor reakʼ bạṛicʼ sana lekako calakʼa. Onko do akoteko sarhaokʼa ar lab joṅ lạgitʼ hoṛko heṛemakoa.

Sereńko 37:13

Probhu Isor doe baḍaea bạṛicʼkoakʼ mucạtʼ din do sor hijukʼ kana, ar onatege uni do onko ńelteye landayeda.

Sereńko 31:18

Bạḍại ar hirkhạ salakʼ okoe do dhorom hoṛko upạrte bemanot kathako roṛ. Onkoakʼ eṛe luṭi do guṅgạkʼtako ma.

Sereńko 22:17

Ińakʼ jaṅkoń lekha daṛeakʼ kana; onko hoṛ do cahapʼkateko ńeleń kana arko ńel mojayediń kana.

Jobakʼ 31:29

“Ińren bạiriyakʼ duk iạte iń do bạń rạskạlena se uniyakʼ kosṭo oktere hõ bạń kusilena.

Johan sodor 13:5

Uni janwar do sarhaokʼ lạgitʼ ar Isor henostawae lạgitʼ daṛeye emocoyena. Ar pongel bar cando hạbicʼ acʼakʼ ektiạri jemone khaṭao daṛeakʼ ona lạgitʼ hukume em ocoyena.

Jakob 3:5

Alaṅ hõ onkage; hoṛmo reakʼ mitʼṭecʼ huḍiń utạrakʼ hạṭińkanre hõ ona do ạḍi maraṅ maraṅ kathakoe roṛa. Arhõ huḍiń huḍiń seṅgelte mitʼṭecʼ napṛakʼ bire ḍahao marao daṛeakʼa!

Luk 19:41

Ado Jerusalem ṭhenko hecʼen khan Jisu do nagraha ńelteye rakʼkeda.

Rak̕joṅ 4:21

Us disạmre berel akanicʼ E Edom hoponera am do rạskạ ar hulạsokʼme; menkhan amhõ ona bạṭi dom emocokʼa; am dom ńũ bulokʼa arem uluṅokʼa.

Jesaea 37:24

Amren golamko hotete Probhu Isor dom landa-dhutʼae kana, amakʼ sanam rãt gạḍikoante bururem decʼakana, Lebanon reakʼ usul utạrakʼ cuṛạrem rakapʼ akana, ar ona reakʼ usul usul debdạru ar bhage bhage saro dareko dom makʼ giḍiakada, ar ona reakʼ bir bhitrikorem boloakana,

Sereńko 92:11

Ińren bạirikoakʼ bhagao do nij mẽtʼteń ńelakada; okoe iń upạrteko teṅgo akan onko bedhorom hoṛkoakʼ rakʼjoṅ iń do nijakʼ luturteń ańjom akada.

Sereńko 59:10

Isor do acʼakʼ asambheṛ daya iạte iń ṭhene hijukʼa, ar ińren bạirikoakʼ bhagaoe ńel ocoyińạ.

Sereńko 54:7

Ińakʼ sanam muhin khon unige iń doe bańcao akadińạ; iń do apnarakʼ mẽtʼte ińren bạirikoakʼ bhagaoiń ńel akadea.

Jobakʼ 18:20

Pạchim disạmren hoṛ do uniyakʼ dosa ńelteko hahaṛakʼa, ar purub disạmren hoṛ do bebạṛicʼko botorokʼa.

Sereńko 35:15

Menkhan tinreń tohotʼena unre onko do kusiteko mitʼena. Ar iń sasetińko do iń ạuriń baḍaerege iń upạrteko mitʼ akana. Onko do jao ghạṛicʼko roṛ dogeń kana.

Rak̕joṅ 2:16

Amren bạiriko do am upạrte mocako cahapʼ akada; onko doko landa dhudhutʼa ar togocʼ ḍaṭakateko mena, “Uni dole utʼ akadea. Niạ din lạgitʼgele koyokʼ hor akatʼ tahẽkana ar ona dole ńelkeda. ”

Jeheskel 35:12

Ar unrem baḍae daṛeakʼa, am do Israel reakʼ buruko upạrte oka henosta reakʼ katham roṛakatʼ ona do iń Probhu Isorgeń ańjom akada. Am dom menakada, dhaṅ dhaserakʼ do utʼgotʼkakʼ lạgitʼgem em ocoakana.

Jeheskel 36:5

Iń Probhu Isorgeń menetʼkana, ińakʼ dugur dugurokʼkan edre iạte eṭakʼ jạtrenko ar sanam Edomrenko upạrte kathań roṛetʼkana, ente onko do goṭa mon reakʼ rạskạte ar nihạ̃t gikʼḍi monte ińakʼ disạm do ạidạri menteko hạtińana; jemon onako ạidạri daṛeakʼ arko luṭ daṛeakʼ. Iń Probhu Isorge noa katha doń menetʼkana.