Obodiạ 1:11 - সান্তালী বাইবেল

¹¹ Eṭakʼ disạmren hoṛko do tinre Jakobakʼ dhon-duribko idiyetʼ tahẽkana ar uniyakʼ phaṭok duạr secʼte bolokate Jerusalem lạgitʼko gulibãṭletʼ tahẽkana unre am do sạṅgińre teṅgo akanem tahẽkana; ar onkoren mitʼ hoṛ lekam hoylena.

Obodiạ 1:11 Referans Kwoze

Sereńko 137:7

E Probhu Isor, Jerusalem ḍahao maraokʼ dinre Edomrenko cetʼko cekaleda ona baṛe disạime; onkoko menleda, “Lạnduṛpe, ona reakʼ rehetʼ hạbicʼ lạnduṛpe.”

Nạhum 3:10

Enhõ uniren hoṛko do bondikate eṭakʼ disạmteko idi ocolena. Mitʼke mitʼ dobạṭiạkore uniren gidrạ doko tawakʼ gocʼ ocolena. Uniren manotan hoṛko do gulibãṭkate sikṛite tolkateko bondi idi ocolena.

Joel 3:3

Onko do ińren hoṛko hạṭińko reakʼko gulibãṭleda ar kusumbi ńamko lạgitʼ Israelren hoponkoko ạkhrińletʼkoa; ar darkha rasa lạgitʼ hõ Israelren hoponerako ạkhrińletʼkoa jemon darkha rasako ńũ daṛeakʼ.

Sereńko 50:18

Kombṛom ńellere uni dom sãhãkʼae kana, ar loṭghuṭiko tulucʼ dom gatekʼkana.

2 Rapajko 25:11

Ar nagraharen sarecʼ hoṛko okoe do Babel raj secʼko hoylen onko sanamkoge rurukhiyạ dolren subedar Nebusaradan do bondikateye idiketʼkoa,

Sereńko 83:5

Onko doko mitʼakana arko soṛojontro kana; ar am upạrte bondobosko bandhaoetʼ kana

Sereńko 83:6

tạmbukore ḍera akan Edomrenko, Ismaelrenko, Moabrenko ar Hagriko,

Jeheskel 35:10

“ ‘Iń Probhu Isor do Israel ar Jihudạre hạjir iń tahẽkanre hõ am dom menetʼkana, niạ banar disạmren hoṛko ar onkoakʼ disạm do apeakʼge hoyokʼa ar ape do onape ạidạrijoṅa.

Amos 1:6

Probhu Isore meneda, “Gasa reakʼ pea ghạṭ iạte, hẽ, ponea ghạṭ iạte iń do khạṭige onkoń sạjạikoa, ente onko sanam hoṛ do bondikate Edomakʼ tireko jimạ ocoakana.

Amos 1:9

Probhu Isore meneda, “Tur reakʼ pea ghạṭ iạte, hẽ, ponea ghạṭ iạte iń do khạṭige onkoń sạjạikoa, ente boeha tulucʼ boehawakʼ bondobos nihạ̃t giḍikate onko do adom atoren sanam hoṛ bondikate Edomakʼ tireko jimạ akatʼkoa.

Sephaniạ 2:10

Unkin do ạkinakʼ bạḍại iạtege noa kuṛạikin ńama, ente phạdkoren Probhu Isorren hoṛkin landa dhutʼatʼko tahẽkana ar onko upạrte apnartetʼ do maraṅkin udugokʼkan tahẽkana.