Numeri 8:2 - সান্তালী বাইবেল

² “Aron metaeme, diuhe dohowakʼ reakʼ eae goṭecʼ diuhe do nonka dohoy hoyokʼa jemon onko reakʼ marsal do diuhe dohowakʼ samaṅ secʼ marsalokʼ.”

Numeri 8:2 Referans Kwoze

Exodus 25:37

Ona tayom khạṭi sonate eae goṭecʼ mạli benaokate diuhe dohowakʼre nonka dohoy hoyokʼa jemon mạliko jeretʼlere samaṅ senakʼ jaega do marsalokʼ.

Johan sodor 4:5

Ona singhạson khon do bijliko, ar botoranakʼ aṛaṅ ar huḍur reakʼ saḍeko oḍok hijukʼkan tahẽkana. Ar siṅghạson samaṅre eae goṭecʼ diuhe jolokʼkan tahẽkana. Ona diuheko do Isorren eae goṭen Jiu kanako.

Johan sodor 1:20

Ar oka eae goṭecʼ sona reakʼ diuhe dohowakʼ ar ińakʼ jojomtire eae goṭecʼ ipilem ńelketʼko ona reakʼ mane do noage, onko eae goṭecʼ ipil do, eae goṭecʼ manḍerren eae goṭen goḍet kanako ar eae goṭecʼ diuhe dohowakʼ do ona eae goṭecʼ manḍer kana.

Johan sodor 1:12

Okoe kathae roroṛkan tahẽkan uni ńele lạgitʼ iń ạcuren khan sona reakʼ eae goṭecʼ diuhe dohowakʼ iń ńelkeda.

2 Patras 1:19

Sostorre nạbiko okakoko menakatʼ ona do ale ṭhen sạrikana mente sạbud akana. Ńutre apeakʼ mẽtʼ do cetʼleka diuhe secʼ tahenkan onkage, tin hạbicʼ baṅ setagokʼ ar apeakʼ ontorre bhurkạ ipil bae rakabokʼ, unhạbicʼ nạbikoakʼ kathape luturakʼ khan ape dope bhagekea.

Johan 1:9

Unige sạri marsal do, one okoe mimitʼ manwako marsale emakokan, uni do dhạrtiteye hecʼlena.

Mathae 5:14

“Ape do dhạrti reakʼ marsal kanape. Buru coṭ reakʼ nagraha do oho danaṅ daṛelena.

Sereńko 119:130

Amakʼ kathako sodorlenre marsale emeda; ona do sojhe monan hoṛkoakʼ buj reakʼ daṛeye emakoa.

Sereńko 119:105

Amakʼ katha do hor udukʼạń reakʼ diuhe kana, ona do ińakʼ calakʼ hor reakʼ marsalge.

Levitikus 24:4

Uni do Probhu Isor samaṅre dohoakan khạṭi sona reakʼ diuhe dohowakʼ reakʼ diuheko jaogeye ńeljuta.

Exodus 37:23

Khạṭi sonate eae goṭecʼ mạli, ar ona reakʼ cimṭạko ar ḍhạknicʼkoe benaokeda.

Jesaea 8:20

Ape do Isorakʼ hukum ar gohako ṭhen calakʼ hoyokʼtapea. Ar Isorakʼ katha leka onko bako roṛ enḍekhan bujhạu hoyokʼa onko talare marsal do bạnukʼa.

Numeri 8:1

Probhu Isor do Moseye galmaraoadea,

Numeri 8:3

Aron do onkageye dohokeda. Moseye emocoakan Probhu Isorakʼ hukum lekage diuhe dohowakʼ samaṅ secʼ marsalokʼ lạgitʼ ona reakʼ mạlikoe jeretʼkeda.

Exodus 39:37

sạr diuheko, khạṭi sona reakʼ diuhe dohowakʼ ar ona reakʼ jinisko, ona reakʼ mạliko ar seṅgel jol lạgitʼ sunum;