Numeri 7:89 - সান্তালী বাইবেল

⁸⁹ Ona tayom Mose do tinre Probhu Isor tulucʼ galmarao lạgitʼ ńapamokʼ tạmbuteye bolokʼkan tahẽkana unre sekʼwa sindukre menakʼ daya duṛupʼakʼ cetan Kerubkin tala khon uniyakʼ aṛaṅ do Moseye ańjometʼ tahẽkana. Ar nonkate Probhu Isor do Mose tulucʼe galmaraoetʼ tahẽkana.

Numeri 7:89 Referans Kwoze

Ibriko 4:16

Onate dela, dil salakʼ Isorakʼ daya reakʼ siṅghạson ṭhen bon sen sorokʼma, jemon jạruṛa bon oktere onḍe khon uniyakʼ daya ar goṛo bon ńam daṛeakʼ.

Sereńko 99:1

Probhu Isor doe raj kana; sanam jạtrenko thar tharaokʼma. Uni do Kerubkin cetan siṅghạsonreye duṛupʼ akana; ar dhạrti do dalmalaokʼma.

Sereńko 80:1

E Israelren gupiyicʼ, am do aleakʼ katha luturakʼme; am do Joseph bõsrenko bhiḍi pal lekam ạyuretʼkoa. Am, one Kerub cetanrem duṛupʼ akan, ar amakʼ marsal baṛe bamber ocoyme.

1 Patras 1:12

Menkhan Isor doe udukʼatʼko tahẽkana je, onko okako kathako menletʼ ona hotete apnar lạgitʼ sapʼsor baṅkate apegeko sapʼsoratʼpe tahẽkana. Serma khon kolocoyicʼ sonot Jiuakʼ ạyurte okoe ape ṭhen Mạsi reaṅ bhage sombatko porcarakatʼ onko do nạbikoakʼ kathage apeko baḍae ocoakatʼpea. Ar serma goḍetko hõ noako reaṅ baḍaejoṅ lạgitʼgeko gagojlena.

1 Rapajko 6:23

Ar sonot utạrakʼ ṭhạ̃ire uni do jạitun kaṭren mitʼ joṛ Kerube benaoketʼkinạ. Unkin Kerubkinakʼ goṛhon ar muṭhạn do mitʼge tahẽkana. Ar unkin Kerub do gel moka kate usulkin tahẽkana. Kerubkinakʼ banar phạ̃kṛạ̃kʼ do mõṛẽ moka kate jeleń tahẽkan tạkina. Mitʼ phạ̃kṛạ̃kʼ reakʼ mucạtʼ khon dosar phạ̃kṛạ̃kʼ reakʼ mucạtʼ hạbicʼ do gel moka tahẽkana.

1 Samuel 4:4

Onate onko do Silote hoṛ kolkate sanam daṛean Probhu Isor, okoe do Kerubkin talareye tahenkan, uniyakʼ goha sindukko ạgukeda. Isorakʼ ona goha sinduk sãote Eliren hopon Hopni ar Pinehas tạkin hõkin tahẽkana.

Numeri 12:8

Iń do uni tulucʼ samna sạmni kathań roṛeda, jãhãn kukmũ talate do baṅ. Probhu Isor oka lekae ńel ocokʼ uni do onkae ńeleńkana. Inạ tayom hõ ińren golam Mose upạrte katha roroṛ do baben botorlena?”

Numeri 1:1

Israelko Misor disạm khonko oḍok hecʼen tayom dosar bochor reakʼ dosar cando reakʼ pạhil hilokʼ Probhu Isor do sinại hahaṅkarre ńapamokʼ tạmbure Mose galmaroadeteye metadea,

Levitikus 1:1

Mitʼdin Probhu Isor do ńapamokʼ tạmbu khon Moseye hohoadea ar Israelko lạiyako lạgitʼe hukumadea, “Ape modre Probhu Isor ńutumte jãhãe jãhãnakʼ samaṅokʼakʼ lekate emogokʼ reakʼe menetʼ khan uni do mitʼṭen janware ạguyema; ar uni do jemon ḍaṅgra se bheḍa se meromge baṛeye hoyokʼma.

Exodus 40:34

Ona tayom rimil hecʼente ńapamokʼ tạmbui dapal esetʼkeda ar sekʼwa tạmbu do Probhu Isorakʼ ṭhonokte perecʼena.

Exodus 40:35

Sekʼwa tạmbu, metakʼme ńapamokʼ tạmbu do rimilte dapal esetʼena ar Probhu Isorakʼ ṭhonok perecʼ tahẽkante Mose do onḍe bae bolo daṛeada.

Numeri 8:1

Probhu Isor do Moseye galmaraoadea,

Numeri 11:17

Iń do onḍeń pheḍ hijukʼa ar am tulucʼ iń galmaraoa. Am cetanre okoe Jiu menae uni do onko cetanre hoń emokʼa. Hoṛkoakʼ bojha gog lạgitʼ onkoge amren gokʼṛokoko hoyokʼa. Onate am eskar bojha gogokʼ do baṅ lagaoama.