Numeri 6:27 - সান্তালী বাইবেল

²⁷ “Nonkage onko do Israelko cetanre ińakʼ ńutumko ńuma, ar iń do onkoń bhorakoa.”

Numeri 6:27 Referans Kwoze

2 Bõsbudạ 7:14

unre ińren hoṛko, okoe do ińren hoṛ menteko hoho ocokʼkan onko do mạ̃hir seletʼko koejoṅ se ińakʼ dayako khoj ar bạṛicʼ hor khonko ruạṛ, enḍekhan serma khon onań ańjomtakote onkoakʼ kạikoń ikạ katakoa ar lahate leka onkoakʼ disạm iń teṅgo ruạṛakoa.

Dosar Biboron 28:10

Unre dhạrtiren sanam jạtrenko ńela, Probhu Isorakʼ ńutum iạtege apeakʼ oprom do hoyokʼa, ar onate apeko botorapea.

Ephesiko lạgitʼ Pạul Apostolakʼ ciṭhi 1:3

Aboren Probhu Jisu Mạsiren Baba ar Isorakʼ sarhao hoyokʼtae ma. Abo do Mạsi tulucʼ bon kolom mitʼ akante Isor do serma reakʼ mitʼke mitʼ jiuanakʼ bhore dan akatʼbona.

Jirimiạ 14:9

Cetʼ iạte am do andesale akan hoṛ lekam hoyakana, ar cetʼ iạte baṅ rurukhiyạ daṛe lạṛhại bir leka dom hoyakana? E Probhu Isor, ale talarege menama ar amren kangeale; am do alom bạgi giḍilea.

Jesaea 43:7

Ińakʼ ńutumte okoeko hoho ocokʼ, okoe do ińakʼ ṭhonok lạgitʼ iń sirjạu akatʼko, okoe doń gaṛhao akatʼko ariń benao akatʼko, onko mimitʼko ạgukope.’ ”

Sereńko 5:12

E Probhu Isor, okoe amko botoram, onko cetanre sạrige amakʼ bhor do menakʼgea; ar amakʼ dayate onko do ḍhal lekam danaṅ esetʼ akatʼkoa.

1 Bõsbudạ 4:10

Jabes do Israelren Isor hohoadeteye metade tahẽkana, “Bhorạńme ar ińakʼ sompotti ḍherkạtińme. Ar amakʼ daṛe do iń são sãote tahenma ar sanam muhin khon rukhiyạyińme jemon kosṭo aloń ńam.” Ar Isor do uniyakʼ nehõrjoṅakʼe ańjomketʼtaea.

Genesis 32:29

Jakob do uniye metadea, “Nehõram kạnạń, amakʼ ńutum baṛe lạiyạńme?” Uniye menkeda, “Ińakʼ ńutum do cedakʼem kuliyedińkana?” Ar noa katha menkate uni do Jakobe bhoradea.

Mathae 28:19

Onate sanam jạtren hoṛko ṭhen calakʼpe ar ińren cela hoyocokope. Ar Baba, Hopon, Sonot Jiu ńutumte bạptiskope.

Sereńko 67:7

Isor do abone bhor akatʼ bona; ona ńelte dhạrtiren ḍher sạṅgiń disạmren hoṛko hõ uniko botoraea.

Numeri 23:20

Iń do onko ạsirbadako lạgitʼ hukum iń ńam akada. Uni do Israelkoe bhor akawatʼkoa, iń do bạń bodol daṛeakʼa.

Genesis 32:26

Unre uni hoṛe menkeda, “Aṅga hijukʼ kana, ńitokʼ do aṛakʼkạńme.” Jakobe menkeda, “Ạurim bhorạń hạbicʼ bạń aṛakʼmea.”

2 Samuel 7:23

Amren Israel jạtrenko leka dhạrtire ar eṭakʼ jãhãn jạtrenko menakʼkoa okoe do am jạtrenko hoeocoko lạgitʼ ar amakʼ ṭhonok sodor lạgitʼ onko chaḍaoko lạgitʼem calaolen? Ar eṭakʼ jạtrenko samaṅre amakʼ ńutumte amren hoṛko lạgitʼ maraṅ ar botoranakʼ kạmim kạmiakada, cetʼleka amren hoṛko Misor disạm khon eṭakʼ eṭakʼ jạtren ar debotakoakʼ ti khonem chaḍao ạguakatʼko?

Exodus 6:3

Iń sanam daṛeanicʼ Isorge Abraham, Isahak ar Jakob ṭheniń ńel ocokʼkan tahẽkana, menkhan Probhu Isor lekate okoe kạnạń mente ona do bạń sodoretʼ tahẽkana.