Numeri 5:27 - সান্তালী বাইবেল

²⁷ Maejiu do bhonḍkate jãwãe cetanre bepạtiạre tahen enḍekhan uni do sarapakʼ ona dakʼe ńũiy tayom ạḍitetʼ lacʼ hasoyea. Uniyakʼ lacʼ do phulạukʼtaea ar ḍanḍa hõ borojokʼtaea ar uni do acʼ jạtrenko talare mitʼṭen sarapanicʼe hoyokʼa.

Numeri 5:27 Referans Kwoze

Jirimiạ 42:18

Israelren phạdkoren Probhu Isore meneda, ‘Jerusalemre okoeko girobasokʼkan onko cetanre cetʼleka ińakʼ edre ar khĩs paṛaokʼ akan onkage Misortepe senlen khan ińakʼ edre do ape cetanre paṛaokʼa. Ape do ṭiṭkạri ar hirkhạwan hoṛpe hoyokʼa; ape ńelte hoṛko do botor caṛhaoakoa ar ape do ạsisankope hoyokʼa. Ar tishõ niạ ṭhạ̃i do bape ńela.’

Jirimiạ 29:18

Iń do lạṛhại, akal ar mahamạrite onkoń khudạu baṛakoa ar dhạrtiren sanam rajosṭirenko ṭhen do botoranko lekań hoyocokoa. Ar okoe jạtrenko talareń laga ńirko onko ṭhen do landa-dhutʼan ar hirkhạwankogeń hoyocokoa. Onko ńelte hoṛko doko ṭhak utạrokʼa ar onkoakʼ ńutum do sarapanakʼ hoyokʼtakoa.

Sakariạ 8:13

E Jihudạ ar Israel gharońjrenko, lahate jạt jạtren hoṛko do sarap lekate apeakʼ ńutumko ńumetʼ tahẽkana, menkhan ńitokʼ iń do apeń bańcaopea ar onko do apeakʼ ńutum bhor lekateko ńuma. Alope botorokʼa, bickom daṛeanko hoyokʼpe.

Jirimiạ 44:12

Jihudạren sarecʼ hoṛko okoe do Misorte senkate upriạ hoṛko leka girobasokʼ lạgitʼko goṭa akatʼ onko upạrte nonka bebostań hataoa onko jotoge Misorreko marao utạrokʼa. Onko do lạṛhạite ar baṅkhan akalteko gujukʼa. Ar landa dhutʼako jạtrenko hoyokʼa; onkoakʼ dosa ńelte hoṛko botorokʼa, ar onkoakʼ ńutumko sarapakʼa.

Jirimiạ 29:22

Ar Babelre menakʼko Jihudạren sanam bondiko do hoṛko ạsisakore unkinakʼ kathako roṛa, ‘Probhu Isor do Sedekiạ ar Ahab lekae hoeocoy tạkinma, one Babelren raj do seṅgelte unkine atarletʼ kin,’

Jirimiạ 24:9

Ar jãhãrege onkoń sạṅgiń giḍikako onḍege onko do botorankoń hoyocokoa, dhạrtiren sanam jạtrenko ṭhen hirkhạwanko, landa-dhutʼanko, henostako ar kạhtukgeń hoyocokoa. Ar onkoakʼ ńutum iạte hoṛko do onkoko sarapakoa.

Jesaea 65:15

Ińren bachao akan hoṛko do jãhãe henostako lạgitʼ apeakʼ ńutumko ńumtapea. Probhu Isor do apeye gocʼpea, menkhan acʼren golamko do ar mitʼṭecʼ ńutume emakoa.

Dosar Biboron 28:37

Probhu Isor okoe jạtrenko talareye chirchạturpe onko do apeakʼ ona ńelte botorteko keklesedokʼa, ar ape do landa-dhutʼ ar cigạri baragpe hoyokʼa.

2 Patras 2:10

Ona chaḍa okoe Isor botoraekoko baṅkan, asokaete okoe do akoakʼ kusi sana lekako calakʼkan ar ḍanṭao bako moneyakʼkan, onko sạjạiko lạgitʼ uni do bicạr din hạbicʼ dohoko hõe baḍaegea. Noko eṛe cecetʼko do ạḍi dilanko kanako. Onko do akoakʼ kusi sana lekako calakʼa ar ṭhonokanko upạrte henosta kathako roroṛ hõ bako botorokʼa.

2 Korinthiko 2:16

Menkhan okoeko nosṭokʼkan onko ṭhen aleakʼ so do moron leka; one ona reakʼ jo do jaejug moronkan; ar okoe bańcaoko ńametʼkan onko ṭhen do jion reakʼ jut so leka, one ona reakʼ jo do jaejug jionge. Noa kạmiren lekicʼ doe okoekana?

Romiko lạgitʼ Pạul Apostolakʼ ciṭhi 6:21

Lahateakʼ kạmiko reakʼ kathako hudiskate ńitokʼpe lajaokʼkan khan onako kạmi khon apeakʼ do cetʼ porho hoykokʼa? Ona reakʼ mucạtʼ jo do hoyokʼ kana moron.

Sosolhayic̕ 7:26

Ińiń ńelkeda, gujukʼ khon hõ uni maejiu doe haṛhatʼgea, uniyakʼ mon do mitʼṭecʼ jhampa ar jhạli leka ar uniyakʼ tikin do sikṛige. Ar okoe hoṛ Isore kusi ocoye uni do uniyakʼ ti khon apnartetʼe rukhiyạkʼa, menkhan kại hoṛ do jhạlireye paṛaokʼa.

Numeri 5:20

Menkhan bapla tayom bạṛicʼ horte senkate jãhãe tulucʼ loṭghoṭi reakʼem kạmi akatʼ arem bhõnḍ akan khan-

Numeri 5:28

Menkhan maejiu do bhõnḍ baṅkateye saphage khan tobe do uni okaṭakʼteye dusi ocolen ona khon doe khalasokʼa ar gidrạ eṅgatokʼ reakʼ daṛe hõ tahentaea.

Sereńko 109:18

Kicricʼ horokʼ lekage hoṛ sarapako do heowa leka hoyentakoa; ona do dakʼ ńũ lekage ar hoṛmore do sunum ojokʼakawatʼ leka.