Numeri 5:25 - সান্তালী বাইবেল

²⁵ Naeke do maejiuakʼ ti khon indidokʼ reakʼ jomakʼ samaṅokʼakʼ hataokate Probhu Isor samaṅreye dolaoa ar pinḍ ṭhene ạguiya.

Numeri 5:25 Referans Kwoze

Levitikus 8:27

Onako uni do Aron ar uniren hoponkoakʼ tireye calatʼkote dolek samaṅokʼakʼ lekate ona do Probhu Isor samaṅreye dolaokeda.

Numeri 5:18

Ar Probhu Isor samaṅre maejiue teṅgoyea ar uni maejiuakʼ bohokʼ upʼe raṛaetaea ar behokakʼ sodor lạgitʼe ạguakatʼ samaṅokʼakʼ jinis, metakʼme indidokʼ reakʼ jomakʼ samaṅokʼakʼ jinis uniyakʼ ańjlereye dohoaea. Ar naeke do acʼakʼ tire sarapakʼ haṛhatʼ dakʼe dohoya.

Exodus 29:24

Noako do Aron ar uniren hoponko tirem calakoa ar dolao samaṅokʼakʼ lekate Probhu Isor samaṅrem dolaoa.

Numeri 5:24

Ar sarap reakʼ ona haṛhatʼ dakʼ do uni maejiue ńũ ocoyea ar uniyakʼ lacʼre bhijạukʼte ạḍitetʼ haṛhadea.

Numeri 5:26

Ona tayom naeke do samaṅokʼakʼ khon mitʼ cuputʼ hataokate pinḍreye jereda. Ar ona tayom do maejiu ona dakʼe ńũ ocoyea.