Numeri 5:14 - সান্তালী বাইবেল

^14-15 ar rinicʼtetʼ cetanre inditʼ iạte jãwãetetʼ do monre jolon hecʼae enḍekhan uni do acʼren oṛakʼ hoṛ naeke ṭhene idiyea; ar rinicʼtetʼ bae bhõnḍ akanre hõ hereltetʼe inditʼae enḍekhan uni hõ naeke ṭhene idiyea. Ona sãote acʼren rinicʼtetʼ ńutumte samaṅokʼakʼ lạgitʼ mitʼ keji irạlsae gram jao reakʼ holoṅ idi torae hoyokʼtaea. Uni do noare jãhãn sunum se kunduru bae mesalakʼa ente noa do indidokʼ reakʼ jomakʼ samaṅokʼakʼ kana, metakʼme Probhu Isor ṭhen behokakʼ reakʼ samaṅokʼakʼ kana.

Numeri 5:14 Referans Kwoze

Soros sereń 8:6

Amakʼ ontorte dohoyińme mohorchap akatʼleka ar amakʼ soporege mohor chapakʼme; ente dulạṛ do moron leka daṛeanakʼ kana, ar kobor leka kumãyãwakʼ kana ahkaokʼ do. Ona do lepʼ seṅgel leka jolokʼtege tahena, ạḍi tạpis lepʼ lekage ona do.

Kạhtukko 6:34

ente ontor reakʼ jaljalaokʼ do jãwãetetʼakʼ edreye rakaba; ar hala hạli lạgitʼ uni do jãhãn mãyãge bae uduga.

1 Korinthiko 10:22

Noa iạte Probhu Isor do cetʼ babon ãṭ ocoyedekana? Abo do cetʼ uni khon bon daṛegea?

Sephaniạ 3:8

“E Jerusalem, am do iń lạgitʼ koyokʼ horre tahenme; oka hilokʼ jạt jạtrenko upạrte goha emokʼ iń teṅgona enhilokʼ lạgitʼ koyokʼ hor akae tahenme. Iń doń ṭhik akada, jạt jạtrenkoń jarwakoa, ar rajosṭikoń mitʼ ṭheja ar onko cetanre ińakʼ khĩs, ar ińakʼ jolokʼkan edreń dula. Ińakʼ ontorre jolokʼkan seṅgelte goṭa dhạrti do lo cabakʼa.