Numeri 4:5 - সান্তালী বাইবেল

⁵ Ḍera uṭhạukʼre Aron ar uniren hoponko do sekʼwa tạmbu bhitrite bolokate goha sinduk reakʼ dapalakʼ orwal raṛa pheḍkate onate sindukko poṭoma.

Numeri 4:5 Referans Kwoze

Ibriko 9:3

Dosarakʼ orwal tayomre tạmbu reakʼ ar mitʼ hạṭiń tahẽkana; ona reakʼ ńutum do sonot utạrakʼ jaega.

Mathae 27:51

Unre mundil reakʼ orwal do coṭ khon pheḍ hạbicʼ oṛecʼente bar hạṭińena; ar dhạrti do dal dalaoena ar lạṭu lạṭu dhiriko paṛakʼena.

Ibriko 10:20

Mạsi do abo lạgitʼ mitʼṭecʼ nãwã ar jiwetʼ hore jhicʼ akada, jemon abo do orwal bhitrite, metakʼme uniyakʼ hoṛmo talate Isor samaṅre bon seṭer daṛeakʼ.

Jesaea 25:7

Okaṭakʼ orwalte sanam jạtren hoṛko danaṅ akan, ar okaṭakʼ cador do sanam jạtrenkoe esetʼ akatʼko, niạ bururege ona doe nosṭo giḍikakʼa.

Numeri 10:14

Pạhilre do Jihudạ nisạnren eṭakʼ eṭakʼ dolko mohnḍayena. Onkoren mukhiyạ do Aminadabren hopon Nahasone tahẽkana.

Numeri 4:15

“Aron ar uniren hoponko tinre noa sonot jinis ar sonot ṭhạ̃i reakʼ asbab poṭom reakʼ kạmiko sạta ar hoṛko hõ ḍera samṭaokate uṭhạukʼ lạgitʼko sapṛaokʼa unre Kohatren hoponko do noako gokʼ idi lạgitʼko hijukʼa. Menkhan onko do sonotakʼ okaṭakʼ jinisge bako joṭetʼ daṛeakʼa. Arko joṭetʼ lekhan onko doko gujukʼa. Ńapamokʼ tạmbure okako jinis tahen ona do Kohatren hoponkoko gokʼ idiya.

Exodus 40:3

Ar ona talare goha sinduk dohokate ona reakʼ orwalte ona dom dapal esetʼkakʼa.

Exodus 36:35

Kạrigolko do nil, beguni ar jeṅgetʼ arakʼ sutạm ar ũńakʼ mĩhĩ musnạ sutạmte mitʼṭecʼ orwalko benaokeda. Ar gạkhuṛ kạrigolte onare Kerubkoakʼ muṭhạnko benao ocokeda.

Exodus 40:5

Sekʼwa tạmbu samaṅre sona reakʼ dhup-pinḍem dohoya ar sekʼwa tạmbu reakʼ duạrre do orwalem ṭaṅgaoa.

Levitikus 16:2

“Uniye menkeda, “Amren dadam Aron metaeme, goha sinduk cetan reakʼ daya duṛupʼakʼ samaṅre menakʼ orwal tayom secʼ reakʼ sonot utạrakʼ ṭhạ̃ire acʼakʼ kusi leka jemon aloe bolokʼ. Are onkae khan uni doe gujukʼa, ente iń do rimil khunṭire daya duṛupʼakʼ cetanreń sodorokʼa.

Numeri 4:4

“Ńapamokʼ tạmbure Kohatrenkoakʼ kạmi do hoyokʼa sonot utạrakʼ jinisko ńel todarot.

Numeri 7:9

Mose do Kohatrenko cetʼge bae ematʼkoa, ente sonotakʼ jinisko reakʼ ńel todarot bhar do onko cetanrege tahẽkana ar onako gokʼ idi reakʼ bhar hõ.

Dosar Biboron 31:9

Mose do ạn-ạriko olkate Liwi gusṭiren naekeko, okoe do Probhu Isorakʼ goha sindukko gokʼ bhạriạ idiyetʼ tahẽkan, onko ar Israelren sanam murubbiko onae ematʼkoa.

1 Samuel 6:19

Bet-semesren adom hoṛ do Probhu Isorakʼ sinduk bhitri secʼko oyoṅletʼte Probhu Isor do onkoe gocʼ giḍikatʼkoa. Uni do unre onḍenko mõṛẽ hajar eaegel hoṛe gocʼketʼkoa. Are ńẽtʼletʼkote hoṛko do rakʼ homorko ehopʼena.

1 Bõsbudạ 15:15

Probhu Isore udukʼ akatʼ Moseyakʼ hukum leka Liwiko do Isorakʼ sinduk gokʼ ạgui reakʼ ḍaṅkin gokʼkate onako ạgukeda.

1 Bõsbudạ 23:26

Onate sekʼwa kạmire bebohar lạgitʼ ḍera tạmbu se eṭakʼ jãhãn jinis Liwiko do ar gokʼ idi baṅ lagao akoa.”

2 Bõsbudạ 3:14

Solomon do nil, beguni, ar arakʼ sutạm ar mĩhĩ musnạ sutạmte orwalkoe benao ocokeda ar onare Kerubkinakʼ muṭhạne rokʼ jalatʼada.