Numeri 35:34 - সান্তালী বাইবেল

³⁴ Ente ape oka disạmrepe tahen ińhõ onḍegeń tahena ar ona iạte disạm do alope besapha ocoya. Ar iń Probhu Isorge Israelko talareń girobasokʼ kana.”

Numeri 35:34 Referans Kwoze

Numeri 5:3

Baṅ doe maejiukan ar baṅ doe herel hoṛkan uni do oḍok giḍikae hoyokʼa. Nonkan hoṛ iạte ḍera jemon alo besaphakʼ onate onko do bahrete oḍok giḍikako hoyokʼa, ente iń do onḍe Israelko sãoteń tahenkana.”

Sereńko 135:21

E Probhu Isor, okoe do Jerusalemreye tahenkan, uniyakʼ sarhao do Sion khon hoyokʼma. Probhu Isorakʼge sarhao hoyokʼtae ma.

Johan sodor 21:27

Besapha jãhãnakʼ se hirkhạwakʼ kạmiko se eṛe roroṛko nonkan cele hoṛge onḍe do bako bolo daṛeakʼa; ar okoeyakʼ ńutum Bheḍa Hoponakʼ jion reakʼ puthire ol menakʼ, eken onkoge onḍeko bolo daṛeakʼa.

Hosea 9:3

Onko do Probhu Isorakʼ disạmre bako tahena; Ephrayim do Misorteye ruạṛ calakʼa ar Ạsur do besaphawakʼ jomakʼgeye joma.

Jesaea 57:15

Ente usulicʼ ar coṭicʼ, okoe do jaejug tahẽakane tahenkan, uni sonoticʼ doe meneda, “Iń do usulakʼ ar sonotakʼreń tahẽnkana, ar nindhạnicʼ ar talga tạuạkʼicʼ sãote hõń tahenkana jemon nindhạnicʼ ar talga tạuạkʼicʼ hoṛakʼ ontoriń jiwetʼ ruạr ocoytae.

Sereńko 132:14

Uniye menleda, “Noa do ińakʼ jaejug reakʼ jirạukʼ ṭhạ̃i kana; iń do nonḍegeń tahena, ente iń do noageń khojleda.

1 Rapajko 6:13

Ar Israelko talareń girobasokʼa ar ińren hoṛ Israelko do bạń bạgi giḍikoa.”

Exodus 25:8

Israelko hotete iń tahen lạgitʼ mitʼṭecʼ sonot ṭhạ̃irem benaoa. Onate iń do onko talareń girobasokʼa.

Johan sodor 21:3

Ona tayom mitʼ hoṛ do ona siṅghạson khon ãṭ aṛaṅate noa katha roroṛ kaniń ańjomkedea, “Nitokʼ do manwako talare Isorakʼ tahen jaega hoyakana. Uni do manwako sãoteye tahena ar onko do uniren hoṛko hoyokʼa. Uni do acʼge manwako sãoteye tahena ar onkoren Isore hoyokʼa.

Jesaea 8:12

“Noko hoṛ okaṭakʼ do soṛojontroko metakʼkan ape do onako okaṭakʼ hõ soṛojontro do alope metakʼa. Ar onko okaṭakʼko botorakʼ ape do ona alope botorokʼa; ar botoranakʼ mente hõ ona do alope hudisa.

Dosar Biboron 21:8

E Probhu Isor, amem chaḍao akatʼko Israelko baṛe ikạkako me. Nui hoṛakʼ mãyãm iạte amren hoṛko alom dusikoa.’ Ar onate mãyãm reakʼ dos khon ikạpe ńama.

Dosar Biboron 21:23

enḍekhan setakʼ hạbicʼ mạ̃ṛĩ do darere aka dohokakʼ baṅ ganokʼa. Enhilokʼge uni do topakae hoyokʼa, ente onkanko hoṛ do Probhu Isorren sarapan hoṛkanako. Ar Probhu Isor do sompotti lekate okaṭakʼ disạme emape lạgidokʼkan ona do alope besapha ocoya.

Jirimiạ 16:18

Onkoakʼ dusṭạmi ar kại gunạkʼte onko do doboṛageń hala ruạṛakoa, ente ińakʼ disạm doko bhonḍ akada ar akoren dhiri murti ar boṅga muṭhạnkote ińakʼ ona ạidạriko tuhetʼ akada.”

Numeri 16:3

Onko do Mose ar Aron upạrte dol pakaokate hecʼenteko menkeda, “Aben do ạḍi ben taṛam lahayeda. Goṭa Israel somajren mitʼke mitʼ hoṛ do Probhu Isor ńutumteko begar ocoakana ar Probhu Isor hõ onko sãote menaea. Menkhan Probhu Isorren hoṛko cetanre cedakʼ apnarteben usulokʼ kana?”

Dosar Biboron 6:15

ente ape talare aperen okoe Isor menae uni do ãṭicʼ Isor kanae; ar debotakope pańjaleko khan uni do ape upạrteye edre seṅgelokʼa, ar dhạrti khone marao giḍikapea.

Jeheskel 35:10

“ ‘Iń Probhu Isor do Israel ar Jihudạre hạjir iń tahẽkanre hõ am dom menetʼkana, niạ banar disạmren hoṛko ar onkoakʼ disạm do apeakʼge hoyokʼa ar ape do onape ạidạrijoṅa.