Numeri 35:33 - সান্তালী বাইবেল

³³ Apeakʼ disạm do alope besapha ocoya, ente mãyãmpe joro oco lekhan disạm do besaphakʼa. Ar oka disạmre mãyãm jorokʼ onḍe do mãyãm joro ocoyicʼakʼ mãyãm chaḍa ar okalekate hõ ona reakʼ chut do baṅ dapalokʼa.

Numeri 35:33 Referans Kwoze

Sereńko 106:38

Onko do bedhoromko, metatʼme akoren gidrạkoakʼ mãyãmko joro ocokeda. Onko do Kananren murhutʼko ńutumteko dãṛẽketʼkoa, onate goṭa disạmge mãyãmte bhoṅḍena.

Mikạ 4:11

Menkhan ńitokʼ jạt jạtrenko do am upạrteko jarwa akana. Onkoko meneda, “Uni doe bhonḍ ocokʼma; dela, abo do Sion reakʼ dosa ńelte bon rạskạkʼma.”

Jesaea 26:21

Ńelpe, dhạrtiren hoṛko kại reakʼ sạjại emako lạgitʼ Probhu Isor do acʼakʼ tahen ṭhạ̃i khone oḍok hijukʼ kana. Dhạrti do acʼre joro akan mãyãme sodora; ar acʼre khũn akanko do bae dapalkoa.

2 Rapajko 23:26

Enhõ Manase do oka kạmikate Probhu Isore khĩs ocoledete Jihudạ upạrte oka botoranakʼ edreteye jal jalaoen ona khon uni do bae ruạṛlena.

Levitikus 18:25

“Nonkate onkoakʼ disạm hõ disạm besapha akantakoa. Onate bedhoromakʼ iạte disạm hõń sạjạyeda ar disạm hõ acʼren hoṛkoe ulạ giḍikako kana.

Genesis 9:6

Isor do manwa acʼlekageye sirjạu akadea; onate jãhãn manwa jodi jãhãeye khũne enḍekhan eṭakʼ armitʼ hoṛ do uni khũniạhi hoṛakʼ jiwiye hataotaea.

Sereńko 106:28

Onko do Peor burure Bakʼal debotako pujạwadea ar gocʼ hoṛko ńutumte dãṛẽ akatʼ jelko jomkeda.

Dosar Biboron 21:23

enḍekhan setakʼ hạbicʼ mạ̃ṛĩ do darere aka dohokakʼ baṅ ganokʼa. Enhilokʼge uni do topakae hoyokʼa, ente onkanko hoṛ do Probhu Isorren sarapan hoṛkanako. Ar Probhu Isor do sompotti lekate okaṭakʼ disạme emape lạgidokʼkan ona do alope besapha ocoya.

Genesis 4:10

Unre Probhu Isore menkeda, “Cetʼem ceka akada? Ńelme, ot khon amren boehawakʼ mãyãm do iń ṭhene rakʼeda.

Numeri 35:32

Asrayokʼ nagrahateye dạṛ akatʼ jãhãe hoṛge ṭaka bodolte maraṅ naekeakʼ gujukʼ lahare acʼakʼ ḍinḍạre senkate bae girobas daṛeakʼa.

Dosar Biboron 19:10

Ape do noape nonkaea jemon sompotti lekate okaṭakʼ disạm aperen Probhu Isore emape lạgidokʼkan ona disạm cetanre bin dusạn hoṛkoakʼ mãyãm alo jorokʼ ar mãyãm reakʼ doste ape hõ dusire alope paṛaokʼ.

Bikʼcạrko 9:24

Isorgeye nonkakeda jemon Jerubakʼalren eaegel hoponkoakʼ mãyãm cetanre oka behokakʼ hoyakan ona iạte onkoren boeha Abimelek cetanre ar gogocʼ kạmire okoeko gokʼṛokoko tahẽkan onko Sikemren hoṛko cetanre hala ruạṛokʼ.

1 Rapajko 2:31

Unre raj do Banaeye hukumadea, “Uni okaṭakʼe menetʼkan onage onkaeme. Uni gocʼkate topakae me. Joab okoe bin dusạn hoṛkoakʼ mãyãme joro ocoakatʼ onako reakʼ dos do iń ar ińren ạpuńakʼ bõs khon nonkage ocokʼ giḍikakʼme.

Jesaea 24:5

Dhạrti do uniren hoṛko besonot akada. Onko do ạn-ạriko bemanot akada; ạnko rạputʼ akada ar Probhu Isorakʼ bondobos leka do bako taṛam akada.

Jirimiạ 16:18

Onkoakʼ dusṭạmi ar kại gunạkʼte onko do doboṛageń hala ruạṛakoa, ente ińakʼ disạm doko bhonḍ akada ar akoren dhiri murti ar boṅga muṭhạnkote ińakʼ ona ạidạriko tuhetʼ akada.”

Jirimiạ 26:15

Tobe noa do khạṭige baḍaekakʼpe, ińpe gocʼ giḍikạńre hõ miridosicʼakʼ mãyãm reakʼ dạyi do ape cetanrege ar niạ nagraha cetanre ar okoe nonḍeko tahenkan onko cetanrege paṛaokʼa; ente noako katha baḍae ocope lạgitʼge Probhu Isor doe kol akadińạ.”

Dosar Biboron 19:13

Unre uni do alogepe dayawaea. Israelko tala khon bin dusạn hoṛkoakʼ mãyãm reakʼ dospe meṭao utạra. Ar onate bhạlại hoyokʼtapea.

2 Bõsbudạ 23:15

Onate onko do Athaliạko sapʼkedea ar raj oṛakʼ reakʼ sadom duạrte bolokʼ horre idikateko gocʼkedea.