Numeri 35:22 - সান্তালী বাইবেল

^22-24 “Menkhan begor bene bạirite jãhãe bhulte jãhãeye kuhạue se jãhãnakʼteye capade se begor ńelte jãhãn dhiri uni cetanreye giḍiyae ar onate uniye gujukʼ, enḍekhan uni hoṛren bạiriye baṅkanre hõ ar uni hạne reakʼ monsubạ baṅ tahẽkantaere hõ noako niạm lekate Israelkoakʼ mãyãm reakʼ hala hạli okoe hataoe menetʼkan uni ar khũniạhĩ talare bicạr hoyokʼa.

Numeri 35:22 Referans Kwoze

Exodus 21:13

Menkhan goje reakʼ monsubạ baṅ tahentae menkhan Isorge uniye soprot akade khan tobe uni do nonkan mitʼṭecʼ ṭhạ̃iteye ńir bańcao daṛeakʼa one okaṭakʼ thạ̃i do ape lạgitʼ iń niṭ dohoakatʼ.

Josuạ 20:5

Ar mãyãm halayicʼ uniye khudạu ạgulere hõ khũn akatʼ hoṛ do uni ṭhen bako jimạyea, ente uni do goje reakʼ monsubạ baṅ tahẽkantaea se hiskạ hõ baṅ tahẽkantaea.

Josuạ 20:3

Jãhãe ackage se khũn reakʼ monsubạ baṅkate jãhãeye gocʼle khan enḍekhan uni do onḍeye ńir bańcao daṛeakʼa ar mãyãm reakʼ okoeye halae uniyakʼ ti khon rukhiyại ńama.

Dosar Biboron 19:5

jemon mitʼ hoṛ do eṭakʼ hoṛ sãote birte sahan makʼe sen akana. Ar onḍe sahan mamakʼ jokhecʼ mitʼ hoṛakʼ ṭeṅgocʼ do ḍanḍom khon bocʼkate eṭakʼ hoṛe josokʼ ar onate uni hoṛe gujukʼ. Unre khũniạhi hoṛ do onako asray nagraha reakʼ mitʼ nagrahate ńir senkate acʼakʼ jiwiye bańcao daṛeataea.

Numeri 35:20

Jãhãege kurud iạte jãhãe hoṛe kuhạue se tãṛãkʼaeteye capade ar uniye gujukʼ enḍekhan uni gogocʼicʼ doe khũniạhi kana; uni do gocʼ giḍikae hoyokʼa. Ar khũn akan hoṛakʼ mãyãm reakʼ hala hạli okoeye hatao uni do khũniạhiye ńamle khan jemone goje.