Biblia Todo Logo
Bib sou entènèt

- Piblisite -




Numeri 35:19 - সান্তালী বাইবেল

19 Khũn akan hoṛakʼ mãyãm reakʼ hala hạli okoeye hatao unige uni khũniạhi do goje hoyokʼtaea; are ńamle khan jemon uni doe gocʼ giḍikae.

Gade chapit la Kopi




Numeri 35:19
16 Referans Kwoze  

Ar mãyãm halayicʼ uniye khudạu ạgulere hõ khũn akatʼ hoṛ do uni ṭhen bako jimạyea, ente uni do goje reakʼ monsubạ baṅ tahẽkantaea se hiskạ hõ baṅ tahẽkantaea.


Jãhãe ackage se khũn reakʼ monsubạ baṅkate jãhãeye gocʼle khan enḍekhan uni do onḍeye ńir bańcao daṛeakʼa ar mãyãm reakʼ okoeye halae uniyakʼ ti khon rukhiyại ńama.


enḍekhan acʼakʼ nagraharen mukhiyạko do hoṛ kolkate ona nagrahateko sapʼ ạguyea ar mãyãm halayicʼakʼ tireko jimạyea jemon uniye goje.


Ar baṅkhan mãyãm halayicʼ do raṅgaote uniye lagayea ar asrayokʼ nagraha ạuriye tiyogrege uni doe gojeya, menkhan mon khon ona bae kạmi akatʼte uni do gujukʼ reakʼ dusire bae paṛaokʼa.


Noako nagraha do hakʼla ruạṛicʼakʼ ti khon rukhiyạ ńam lạgitʼ hoyokʼa, jemon uni do khũn iạte Israelkoakʼ bicạrre teṅgokʼ lahare aloe gujukʼ.


Teheń am do jumi khonem lagayediń kana, ar amakʼ mẽtʼãhã samaṅ khoniń danaṅokʼa. Ar dhạrtireń ạcur baṛaere jãhãe samaṅregeń paṛaokʼ unige iń doe gojeńa.”


Manwae gujukʼ nonkan jãhãn kaṭ reakʼ jinis jãhãeakʼ tire tahen ar jãhãe dale ar onate uniye gujukʼ enḍekhan uni dadalicʼ hoṛ doe khũniạhi kana. Ar uni khũniạhi hoṛ do goje hoyokʼa.


Jãhãege kurud iạte jãhãe hoṛe kuhạue se tãṛãkʼaeteye capade ar uniye gujukʼ enḍekhan uni gogocʼicʼ doe khũniạhi kana; uni do gocʼ giḍikae hoyokʼa. Ar khũn akan hoṛakʼ mãyãm reakʼ hala hạli okoeye hatao uni do khũniạhiye ńamle khan jemone goje.


Ńitokʼ ińren jãwãeakʼ bõsren hoṛko do iń amren kạ̃ṛmĩ upạrteko teṅgo akana arko meneda, ‘Dini uni hoṛ oḍok ạgualeme okoe do acʼren boehae gocʼakade. Ale do uniren boehawakʼ jiwi reakʼle hala hạliya. Enḍekhan sompottiren ạidạriyicʼ mente do ar okoege bako tahena.’ Onko do ińakʼ sarecʼ akan aṅgra hõ ĩṛĩj tińko khojkana. Onka hoylen khan ińren jãwãeakʼ ńutum do dhạrti khon meṭaokʼtaea ar uniren bõsko hõ bako tahena.”


Maejiue menkeda, “Maharaj do acʼren Probhu Isor ńutumteye kiriạkʼma jemon mãyãm pańjako do ar aloko gogocʼ. Ar baṅ khan ińren hoponiń hõko gojea.” Raje menkeda, “Jiwetʼ Probhu Isor ńutumteń kiriạkʼ kana, amren hoponakʼ bohokʼ reakʼ mitʼṭecʼ upʼ hõ otre baṅ ńurokʼtaea.”


Gideone menkeda, “Onko do ińren boehako tahẽkana, ińren mitʼ lacʼ boehage. Jiwetʼ Isor ńutumteń kiriạkʼ kana, onko jiwetʼpe doholeko khan iń hõ apeko jiwetʼ iń dohokepea.”


Abner do Hebronteye ruạṛ hecʼena khan Joab do uni sãote oko okote galmaraoae reaṅ cholte nagraha reakʼ phaṭok talareye idikedea. Ar ona tayom do lacʼre sobokʼ kedeteye gocʼkedea. Nonkate uni do acʼren boeha Asahelakʼ mãyãm reakʼe halakeda.


Swiv nou:

Piblisite


Piblisite