Numeri 35:17 - সান্তালী বাইবেল

¹⁷ Okaṭakʼte manwae gujukʼ nonkan jãhãn dhiri jãhãeakʼ tire tahen ar onate jãhãeye tińe ar onate uniye gujukʼ enḍekhan teteńicʼ hoṛ doe khũniạhi kana. Ar uni khũniạhi hoṛ do goje hoyokʼa.

Numeri 35:17 Referans Kwoze

Exodus 21:18

“Bar hoṛkin lạṛhại jokhecʼ mitʼ hoṛ do eṭagicʼ dhiriteye tińe se titeye ghusiye, ar onate uni hoṛ bae gocʼlenre hõe kạhilokʼ ar tayomte bes ńokʼkate ṭheṅga tirupʼkateye dãṛã baṛae, tobe khan dadalicʼ do gujukʼ sạjại bae ńama; menkhan ghạl ocoyicʼakʼ kạmi reakʼ kạmhại iạte dadalicʼ do khuṭi purun emokʼ hoyokʼtaea ar uni hõ ran bese lagaoea.

Numeri 35:18

Manwae gujukʼ nonkan jãhãn kaṭ reakʼ jinis jãhãeakʼ tire tahen ar jãhãe dale ar onate uniye gujukʼ enḍekhan uni dadalicʼ hoṛ doe khũniạhi kana. Ar uni khũniạhi hoṛ do goje hoyokʼa.

Numeri 35:31

Okoe khuniạhĩ do gujukʼ sạjại ńam lek kane, uni do ṭakate hõ alope chaḍaoea. Uni do gojetege hoyokʼa.

Genesis 9:5

Ar jãhãege apeko khũnpe enḍekhan iń do khạṭige apeakʼ mãyãm reakʼ iń hala ruạṛakoa, ona do janwarge cetʼ ar manwakoge cetʼ. Manwa jiwi okoeye hatao uniyakʼ hõ hataokʼtaea.

Jeheskel 16:38

Okoe maejiuko laṭghaṭetʼkan ar okoe mãyãmko joroyetʼkan onko okaṭakʼ sạjạiko ńam am hõ ona sạjạigeń emama. Ińakʼ edre ar mon reakʼ jaljalao iạte am do gujukʼ sạjạiyiń emama.