Numeri 35:12 - সান্তালী বাইবেল

¹² Noako nagraha do hakʼla ruạṛicʼakʼ ti khon rukhiyạ ńam lạgitʼ hoyokʼa, jemon uni do khũn iạte Israelkoakʼ bicạrre teṅgokʼ lahare aloe gujukʼ.

Numeri 35:12 Referans Kwoze

Dosar Biboron 19:6

Ar baṅkhan mãyãm halayicʼ do raṅgaote uniye lagayea ar asrayokʼ nagraha ạuriye tiyogrege uni doe gojeya, menkhan mon khon ona bae kạmi akatʼte uni do gujukʼ reakʼ dusire bae paṛaokʼa.

Josuạ 20:9

Jãhãe Israel hoponko se onko talareko girobasokʼkan eṭakʼ jãhãn jạtrenko ackage jãhãeye goje enḍekhan uni do onako nagraha reakʼ jãhãṭakʼ mitʼṭecʼte senkateye ńir bańcao daṛeakʼa. Ar mãyãm halayicʼ do bạisire khũniạhiyakʼ bicạr ạuri hoyokʼtae hạbicʼ bae gocʼ daṛeaea.

2 Samuel 14:7

Ńitokʼ ińren jãwãeakʼ bõsren hoṛko do iń amren kạ̃ṛmĩ upạrteko teṅgo akana arko meneda, ‘Dini uni hoṛ oḍok ạgualeme okoe do acʼren boehae gocʼakade. Ale do uniren boehawakʼ jiwi reakʼle hala hạliya. Enḍekhan sompottiren ạidạriyicʼ mente do ar okoege bako tahena.’ Onko do ińakʼ sarecʼ akan aṅgra hõ ĩṛĩj tińko khojkana. Onka hoylen khan ińren jãwãeakʼ ńutum do dhạrti khon meṭaokʼtaea ar uniren bõsko hõ bako tahena.”

Numeri 35:19

Khũn akan hoṛakʼ mãyãm reakʼ hala hạli okoeye hatao unige uni khũniạhi do goje hoyokʼtaea; are ńamle khan jemon uni doe gocʼ giḍikae.

Numeri 35:13

Nõkʼõe turui goṭecʼ okako nagraha Liwikope emako ona do ape lạgitʼ asrayokʼ nagraha hoyokʼa.

Dosar Biboron 19:4

“Ar khũniạhi hoṛ onḍeye ńir bańcaokʼte jiwiye bańcaotae reakʼ bondobos do nonka kana. Jãhãege acʼ pheḍren hoṛ begor kurudaeteye khũn emanlere,

Josuạ 20:2

“Israelkom metakoa, ‘Mose hotete okań hukum akatʼme ona leka jemon onko do asrayokʼ nagrahako benaojoṅ.