Numeri 34:11 - সান্তালী বাইবেল

¹¹ Noa simạna dag do Sepham khon Enan secʼte Ribla hạbicʼ pheḍ hijukʼa ar Kenerot doreão reakʼ jaegako secʼte calao idikʼa.

Numeri 34:11 Referans Kwoze

2 Rapajko 23:33

Pharao Neko do pon ṭon rupạ ar pegel are keji sona khajna lekate Jihudạ disạm cetanreye ladeatʼkoa.

Dosar Biboron 3:17

Pạchim secʼ onkoakʼ ses simạna do Araba jordan gaḍa reakʼ okaṭakʼ hĩs do Kineret khon Pisga buruko reakʼ dhasna reakʼ Araba doreão, metakʼme buluṅ doreão hạbicʼ sen akana.

Josuạ 11:2

Ona chaḍa uni do utạr secʼren okoe rajko tahẽkana onko sanamko ṭhen hõ sombate kolkeda. Onako rajosṭi do buru disạmre, Kinerot dạkhin Araba reakʼ bilạn ṭạnḍire, latar buru ṭoṭhare ar pạchim reakʼ Dorer buru ṭoṭhare tahẽkana.

Luk 5:1

Mitʼ din Jisu do Genesaret doreão aṛereye teṅgo akan tahẽkana. Unre gadel hoṛ do Isorakʼ katha ańjom lạgitʼ beṛhaete hecʼkateko riḍạtʼ ciritʼedekan tahẽkana.

Josuạ 19:35

Onkoakʼ jaegako modre pạcrite esetʼ noako ato hõ tahẽkana: Sidim, Ser, Hamat, Rakat, Kineret,

Johan 6:1

Ona tayom Jisu do Gạlil doreão hanasae parom calaoena. Noa doreãoge Tiberias doreão hõko metakʼkana.

Mathae 14:34

Tayomte doreão paromkate onko do Genesaret elakate hecʼkateko pheḍena.

Jirimiạ 52:10

Babelren raj do Riblare Sedekiạ samaṅrege uniren hoponko ar Jihudạren sanam rajkạmiyạko hõe gocʼketʼkoa.

2 Rapajko 25:6

Onko do uniko bondikedea ar Riblate Babelren raj ṭhenko idikedea. Onḍe uni upạrte sạjại reakʼ hukum hoyena.

Josuạ 13:27

ar lodam tala reakʼ Bet-Haram, Bet-Mimra, Sukot, Saphon ar Hesbonren raj Sihonakʼ rajosṭi reakʼ sarecʼ hĩsko ar Kineret doreão reakʼ dạkhin hạbicʼ jordan gaḍa purub aṛe secʼte goṭa elaka tahẽkana.

Numeri 34:10

“Purub secʼ reakʼ simạna lạgitʼ do Hasar Enan khon Sepham hạbicʼ mitʼṭecʼ simạna dagpe ṭhik dohokakʼa.

Numeri 34:12

Ona tayom niạ simạna dag do jordan reakʼ buluṅ doreãote senkate mucạdokʼa. “Beṛhaetaeakʼ niạko simạna dag bhitrire noage hoyokʼa apeakʼ disạm do.”

Jirimiạ 52:9

Onko do Sedekiạko bondikedea ar Hamat disạm reakʼ Riblate Babelren raj ṭhenko idikedea ar onḍe do sạjạiye reakʼ hukumko emena.

Josuạ 12:3

Ona chaḍa Kinerot doreão khon Araba doreão, metakʼme buluṅ doreão ar Bet-jesimot reakʼ hor hạbicʼ ar dạkhin secʼ Pisga buru latar hạbicʼ ar Araba bilạn ṭạnḍi purub reakʼ hĩs hõ raje calaoetʼ tahẽkana.