Numeri 33:38 - সান্তালী বাইবেল

³⁸ Israelko Misor disạm khonko oḍok hecʼen tayom pongel bochor reakʼ mõṛẽ cando reakʼ pạhil dinre Probhu Isorakʼ hukumte naeke Aron do Hor buru coṭteye rakapʼ calaoena ar onḍegeye gocʼena.

Numeri 33:38 Referans Kwoze

Dosar Biboron 10:6

Ar Israel hoponko do Be-erot Bene-jakan khon mohnḍakate Moserotreko seṭerena. Onḍege Aron doe gocʼena ar uni doe topa ocoyena. Uniren hopon Eleasar do uni bodolte maraṅ naekeye hoyena.

Dosar Biboron 32:50

Amren dadam cetʼleka Hor reakʼ burureye gocʼente acʼren hapṛamko ṭhene senen onkage amhõ Nebo bururem gujukʼa ar amren hapṛamko ṭhenem senokʼa.

Numeri 33:39

Hor buru cetanre Aronakʼ gujukʼre uniyakʼ umer do mitʼsae bargel pe bochor tahẽkantaea.

Dosar Biboron 1:3

Israelko reaṅ Mose okakoe hukumade tahẽkan ona do onkoakʼ dãṛãn horre pongel bochor reakʼ gelmitʼ cando reakʼ pạhil hilokʼ Probhu Isor do onko ṭhene sodorleda.