Numeri 32:32 - সান্তালী বাইবেল

³² Ale do Probhu Isor samaṅre lạṛhại reakʼ khanḍa bhanḍawante gaḍa paromkate Kanan disạmtele calakʼa, menkhan aleakʼ sompotti do gaḍa niạ sa aṛerege tahentalea.”

Numeri 32:32 Referans Kwoze

Numeri 32:31

Niạ katha ańjomkate Gad ar Ruben gusṭiren hoṛko menkeda, “Probhu Isor okae menakatʼ amren golamko do onagele onkaea.

Numeri 32:33

Unre Mose do Amorikoren Sihon rajakʼ rajosṭi ar Basonren Og rajakʼ rajosṭi do Gad ar Ruben gusṭiren hoṛko ar Manasi adha gusṭiren hoṛkoe hạṭińatʼkoa. Nui Manasi do Josephren hopone tahẽkana. Ato ar nagraha ar onako beṛhaeteakʼ jaega goṭage onko lạgitʼe dohokeda.

Dosar Biboron 3:12

“Abo bon ạidạri akawan jaega khon iń do unre Arnon gaḍa ṭhen Aroer nagraha bahre utạr secʼ reakʼ ṭoṭha ar Gilead buru ṭoṭha reakʼ adha ar onḍenakʼ sanam atoko ar nagraha do Ruben ar Gad gusṭiren hoṛkoń ematʼkoa.

Dosar Biboron 29:8

Ar unkinakʼ disạm hatkate sompotti lekate Rubenrenko, Gadrenko ar Manase khũṭren adha hoṛko do ona bon em akatʼkoa.

Levitikus 14:34

“Okaṭakʼ disạm do ạidạri menteń emape lạgidokʼkan ona disạmte bolokate onḍe jãhãn mitʼṭecʼ oṛakʼre murhucʼjom rog iń paṛao ocoy,

Numeri 32:19

Ale do Israelko sãote jordan gaḍa hanasa reakʼ sompottiko hõ bale hataoa, ente gaḍa purub secʼ reakʼge coṅ ale male ńametʼkan.”

Numeri 34:15

Onko do Jerikho samaṅ secʼ jordan purub aṛere sompottiko ńamkeda.”

Dosar Biboron 1:1

Mose do jordan gaḍa purub secʼ reakʼ hahaṅkar jaegare, metakʼme Arabatre sanam Israelkoe galmaraoatʼkoa. Ar oka jaegareye galmaraoatʼko ona do Sup samaṅ secʼre tahẽkana. Ona reakʼ mitʼ secʼre do Paran, Tophel, Laban, Haserot ar Di-Sahab tahẽkana.

Josuạ 12:1

Araba bilạn ṭạnḍi reakʼ purub hĩs reakʼ sanamakʼ Arnon lodam khon Hermon buru hạbicʼ jordan gaḍa purub secʼren Amorikoren raj Sihon ar Basonren raj Og doko bhagaoketʼkinte Israelko do unkinakʼ elakako dohkol akawan tahẽkana.

Josuạ 12:6

Israelko ar Probhu Isorren guti Mose do nukin raje bhagaoletʼkina. Uni do unkinakʼ jaegako sompotti lekate Ruben ar Gad gusṭiren sanamko ar Manase gusṭiren adha hoṛkoe ematʼko tahẽkana.