Numeri 31:30 - সান্তালী বাইবেল

³⁰ Israelkoakʼ hạṭiń reakʼakʼko baṅ do manwa, baṅ do ḍaṅgra, baṅ do gadha, baṅ do bhiḍi, merom se eṭakʼ jãhãn janwarko onko reakʼ mimitʼ mõṛẽgelko khon mitʼṭenkatepe begarkoa. Ar onko do Liwikope emakoa okoe cetanre sekʼwa tạmbu reakʼ ńeljut lạgitʼ bhar emakan.”

Numeri 31:30 Referans Kwoze

Numeri 3:31

Kohatrenkoakʼ dạyik do tahẽkana goha sinduk, ṭebil, diuhe dohowakʼ, pinḍkin, sonot ṭhạ̃i reakʼ asbabko ar sonot utạr ṭhạ̃i reakʼ orwal ńel jut ar onako sãoteakʼ eṭakʼ jotowakʼ kạmiko.

Numeri 3:25

Ar ńapamokʼ tạmbure Gerson hoponkoakʼ dạyik do tahẽkana sekʼwa tạmbu, ar ona cetanre merom upʼ reakʼ dapalakʼ, ńapamokʼ tạmbu duạr reakʼ ekʼsetʼ orwal,

Ibriko 13:17

Aperen ạyurkoakʼ kathako bataotakope ar onko gobolre tahenpe, ente okoe Isor ṭhen lekha jokhako em, onkan hoṛ lekatege coṅ onko ma apeko ńel todarotetʼpe kan. Onko ṭhen gobolokʼpe jemon onko do akoakʼ kạmi rạskạ salakʼko kạmi daṛeakʼ, menkhan duk salakʼ do baṅ. Ar duk salakʼge ona onkae hoyokʼ khan, enḍekhan onate apeakʼ do cetʼ porho hõ baṅ hoyokʼtapea.

Kolossiko lạgitʼ Pạul Apostolakʼ ciṭhi 4:17

Arkippus do noa katha lạiyaepe, “Probhu Isorakʼ sapʼdapʼ reakʼ okaṭakʼ kạmi emakawatʼme ona purạu lạgitʼ moneyakʼme.”

1 Korinthiko 4:2

Ar okoere bhar emakan onko do udugokʼ hoyokʼtakoa je, pạtiạranko kanako mente.

Aposkạmi 20:28

Ape do apnar lạgitʼ sontor akae tahenpe, ar okoe sonot Jiu biswạsikoren horhoyicʼ lekate ape cetanreye emakan uni lạgitʼ hõ sontor akae tahenpe. Gupiyicʼ do cetʼleka acʼakʼ palren bhiḍikoe ńel todarotetʼko onkage ape hõ Isorakʼ manḍerko ńel todarotpe. Ente Isor do acʼakʼ mãyãmte onako manḍerre kirińakada.

1 Bõsbudạ 23:32

Nonkate Liwiko do ńapamokʼ tạmbu ar sonot ṭhạ̃i reakʼko ńel todarotetʼ tahẽkana ar Probhu Isorakʼ oṛakʼ reakʼ sapʼsor kạmi lạgitʼ onkoren boeha Aron bõsrenkoakʼ tabere tahẽkateko kạmikan tahẽkana.

Numeri 31:28

Palṭonkoakʼ hạṭińre tinạkʼ paṛaokʼ baṅ do manwa, baṅ do ḍaṅgra, baṅ do gadha, baṅ do bheḍa ar meromko onko reakʼ mimitʼ mõṛẽsae khon mitʼṭenkate do Probhu Isor ńutumte bheja menkatepe begarkoa.

Numeri 31:29

Palṭonkoakʼ hạṭiń reakʼ noko bheja do Probhu Isor ńutumte tulokʼ samaṅokʼakʼ lekate naeke Eleasar ṭhenpe jimạkoa.

Numeri 31:31

Probhu Isor Mose okakoe hukumade tahẽkan onkage uni ar naeke Eleasar do jotowakʼkin kạmikeda.

Numeri 1:53

Israelko cetanre Probhu Isorakʼ edre jemon alo paṛaokʼ onate Liwiko do sekʼwa tạmbu beṛhaeteko ḍerakʼa. Ar sekʼwa tạmbu ńej jut reakʼ bhar hõ onkorege tahena.”

Numeri 8:26

Unre noko hoṛ do ńapamokʼ tạmbure akoren boehako sãote ńeljut kạmireko goṛo daṛeakoa menkhan jãhãn kạmire hat do bako lagao daṛeakʼa. Ar am do noa niạm lekage Liwikom bondobosakoa.”

Josuạ 9:27

Ar Josuạ do enhilokʼge Gibeonkoe hukumatʼkoa jemon onko do Israelko lạgitʼ ar Probhu Isor okaṭakʼ ṭhạ̃iye bachao joṅ ona ṭhạ̃ire Probhu Isorakʼ pinḍ lạgitʼ sahan ar dakʼ ạgui reakʼ kạmiko kạmiy. Ar teheń hạbicʼ onko do ona kạmigeko kạmikana.

2 Bõsbudạ 14:15

Onko do mĩhũ meromko tahẽkantako hoṛakʼ tạmbuko ńẽtʼkeda ar onkoren bhiḍiko, meromko, ar ũṭkoko ạguketʼkoa. Ona tayom onko do Jerusalemteko ruạṛena.