Numeri 31:14 - সান্তালী বাইবেল

^14-15 Ar palṭonko, metatʼme okoeko do hajarko cetanren subedarko tahẽkan ar okoe do mitʼsae hoṛko cetanren subedarko tahẽkan onko lạṛhại khonko ruạṛ hecʼen khan Mose do onko cetanre ạḍiye raṅgaoena are kuliketʼkoa, “Ape do enḍekhan sanam maejiuko jiwetʼpe dohoakatʼkoa!

Numeri 31:14 Referans Kwoze

Ephesiko lạgitʼ Pạul Apostolakʼ ciṭhi 4:26

Arpe edre emanlen khan ona edre iạte alope kạiya; apeakʼ edre do siń cando ạuriye hạsurokʼrege cabakʼtapema,

2 Rapajko 13:19

Unre Isorren hoṛ do raṅgaoenteye menkeda, “Mõṛẽ se turui dhao otre dadal jạruṛ tahẽkantama; enḍekhan am do Aramrenko purạtem marao caba daṛekekoa. Menkhan ńitokʼ do eken pe dhaoem bhagao daṛeakoa.”

1 Rapajko 20:42

Uni nạbi do raje metadea, “Probhu Isor do niạ kathae meneda, ‘okoe do ḍahaokʼ maraokʼ reakʼ sarapiń emade tahẽkan am do unim aṛakʼkedea. Onate uniyakʼ jiwi bodolte amakʼ jiwi ar uniren hoṛko bodolte amren hoṛkoakʼ jiwi hataokʼa.’ ”

Numeri 31:48

Niạ tayom palṭonren judạ judạ dolkoren subedarko, metakʼme hajarko cetanren mitʼhoṛ ar saeko cetanren mitʼhoṛ do Mose ṭhen senkateko menkeda, “Amren golamko, metakʼme ale do ale taberen palṭonkole lekhaketʼkoa onko modren mitʼ hoṛ hõ bale ạdhi akana.

Numeri 12:3

Mose do ạḍi mạ̃hir hoṛe tahẽkana, uni do dhạrtiren sanam manwako khon hõ mạ̃hirge.

Levitikus 10:16

Kại ńutumte okoeṭakʼ merom bodae samaṅlen Mose do uniyakʼ jel reaṅ khojkateye baḍaekeda uni doe jeretʼ caba akana. Onate uni do Aronren sarecʼ banar hopon Eleasar ar Ithamar cetanre raṅgaoenteye metatʼkinạ,

Exodus 32:22

Arone roṛ ruạṛkeda, “Alom edrekʼa, am dom baḍaegea noko hoṛ do bạṛicʼreko jobe akana.

Exodus 32:19

Ona tayom Mose do ḍera sore senen khan uni mĩhũ ar hoṛko enejokʼkane ńelketʼkoa. Ona ńelte Mose do edreteye seṅgelena ar ti reakʼ dhiri cạkti kine tawakʼkeda. Onate ona dhiri cạktikin do buru latarte ńurente rạputʼena.

Numeri 31:13

Unre ḍerareko tahẽkan Mose, naeke Eleasar ar Israelren mukhiyạko do jotoge onko sãote ńapamokʼ lạgitʼko oḍok hecʼena.

1 Samuel 8:12

Uni do acʼ lạgitʼ adom do hajarko cetanre, adomko do mõṛẽgelko cetanre senaputiye dohokoa. Ar eṭakʼko do acʼakʼ jumi cas ar phosol samṭao kạmire ar lạṛhại reakʼ khanḍa bhanḍa ar rãt gạḍiko reakʼ soroṅjamko benao lạgitʼe lagaokoa.

2 Samuel 18:1

Dạud do acʼ sãoten hoṛkoe jarwaketʼkoa ar hajarko cetanre ar saeko cetanre subedarkoe bahalketʼkoa.