Numeri 3:7 - সান্তালী বাইবেল

⁷ Ar sanam Israelko secʼ khon ńapamokʼ tạmbure Aron tabere sekʼwa kạmi reakʼ sapʼdapʼ kạmireko goṛowaema.

Numeri 3:7 Referans Kwoze

Numeri 1:50

Goha tạmbu reakʼ asbabko ar ona reakʼ sanamakʼ ńel jut reakʼ bhar do onko cetanrem dohoya. Onkoakʼ kạmi do hoyokʼa sekʼwa tạmbu ar ona reakʼ asbabko gokʼ bhạriạ idiya. Ar noa ńel jut reakʼ bhar hõ onko cetanrem dohoya ar onko do noa beṛhaete ḍerakʼ hoyokʼtakoa.

Numeri 8:15

“Ar Liwiko sapha baṛakate dolek samaṅokʼakʼ lekate onko do ńapamokʼ tạmbu reakʼ kạmi lạgitʼko hoyokʼa.

Numeri 8:11

Ar Aron do Probhu Isor samaṅre Israel hoponko ṭhen dolek samaṅokʼakʼ lekate Liwikoe samaṅkoa jemon Probhu Isorakʼ sapʼdapʼ kạmi lạgitʼko hoyokʼ.

1 Bõsbudạ 26:26

Dạud raj do Israelren eṭakʼ eṭakʼ mukhiyạko, hajar ar sae cetanren subedarko ar maraṅ subedarko okaṭakʼ jinisko Isor ńutumteko begar doholetʼ Solomoth ar uni bõsren hoṛko do onako jinis reakʼ bhanḍarko ńel todarotetʼ tahẽkana.

1 Bõsbudạ 26:20

Isorakʼ oṛakʼ reakʼ dhon bhanḍar ar Isor ńutumte begar dohoakatʼ jinisko reakʼ ńel todarot reakʼ bhar do sarecʼ Liwiko mod khon Ahiyạ cetanre tahẽkana.

Numeri 31:30

Israelkoakʼ hạṭiń reakʼakʼko baṅ do manwa, baṅ do ḍaṅgra, baṅ do gadha, baṅ do bhiḍi, merom se eṭakʼ jãhãn janwarko onko reakʼ mimitʼ mõṛẽgelko khon mitʼṭenkatepe begarkoa. Ar onko do Liwikope emakoa okoe cetanre sekʼwa tạmbu reakʼ ńeljut lạgitʼ bhar emakan.”

Numeri 3:32

Liwikoren maraṅ mukhiyạ do Aronren hopon Eleasere tahẽkana. Sonot ṭhạ̃i ńel jut reakʼ bhar okoeko cetanre tahẽkan onko ńel todarotko lạgitʼ do Eleasere bachao ocolena.

Levitikus 8:35

Ar jemon alope gujukʼ onate teheń khon eae din hạbicʼ siń ńindạ ńapamokʼ tạmbu bhitrirepe tahena ar Probhu Isorakʼ khojakʼ lekape kạmiya. Ente iń do noa hukumgeń ńam akada.”

Numeri 3:8

Onko do ńapamokʼ tạmbu reakʼ asbab reakʼko ńel juta ar sekʼwa tạmbure Israelkoakʼ dạyik leka sapʼdapʼ reakʼko kạmi ma.

Numeri 1:53

Israelko cetanre Probhu Isorakʼ edre jemon alo paṛaokʼ onate Liwiko do sekʼwa tạmbu beṛhaeteko ḍerakʼa. Ar sekʼwa tạmbu ńej jut reakʼ bhar hõ onkorege tahena.”