Numeri 3:36 - সান্তালী বাইবেল

³⁶ Merarikoakʼ dạyik do tahẽkana sekʼwa tạmbu reakʼ paṭako, hurkạṛko, khunṭiko ar ona reakʼ ganḍoko ar ona reakʼ joto jinisko,

Numeri 3:36 Referans Kwoze

Exodus 26:37

Noa orwal lạgitʼ sona reakʼ ạṅkus ar babla kaṭ reakʼ mõṛẽ goṭecʼ khunṭim benao ocoya. Ar khunṭiko do sonatem tol ocoya. Ar khunṭiko bạisạu lạgitʼ do pitạl reakʼ ganḍokom benao ocowakʼa.

Exodus 26:32

Ona orwal do gabla kaṭ reakʼ ponea khunṭi sãote lagao akatʼ sona reakʼ hukem dohokakʼa. Ar khunṭiko do sonatem tol ocoya ar onako do rupạ reakʼ ganḍore teṅgo tahena.

Numeri 7:8

ar Merarikoakʼ kạmi lekate ponea sagaṛ ar irạl goṭen ḍaṅgrae ematʼkoa. Ar noko ńel jutko reakʼ bhar do naekeren hopon Ithamar cetanreye dohokeda.

Exodus 39:33

Ona tayom onko do ona sekʼwa tạmbu lạgitʼ benaoakʼ joto do Mose ṭhenko idikeda. Ona do hoyokʼkana sekʼwa tạmbu ar ona reakʼ sanam asbabko, mudạmko, phremko, hurkạṛko, khunṭiko ar ganḍoko;

Exodus 36:36

Ona orwal do gabla kaṭ reakʼ ponea khunṭiko benaoada ar khunṭiko do sonateko tolkeda. Ar onako khunṭi lạgitʼ do sona reakʼ ạṅkusko benaoada ar khunṭiko bạisạu lạgitʼ rupạ reakʼ ponea ganḍoko benaokeda.

Exodus 35:18

sekʼwa tạmbu reakʼ gońjko ar bakher raca reakʼ gońjko ar ona reakʼ baberko;

Exodus 35:11

Sekʼwa tạmbu ar ona cetan reakʼ dapalakʼko; ona reakʼ bạkupʼakʼko, paṭako, hurkạṛakʼko, khunṭiko ar ganḍoko;

Numeri 3:35

Merari bõsren mukhiyạ do Abihayelren hopon Suriele tahẽkana. Onko do sekʼwa tạmbu reakʼ utạr secʼre ḍerakʼ lạgitʼko men ocolena.

Numeri 3:37

bakher raca reakʼ berhaeteakʼ khunṭiko ar ganḍoko, onako reakʼ gońjko ar onako reakʼ baberko ar onako sãoteakʼ eṭakʼ sanam kạmi reakʼ bhar hõ onkore tahẽkana.