Numeri 3:13 - সান্তালী বাইবেল

¹³ ente Israelkoren sanam pạhil koṛa hopon doko ińren kana. Misor disạmre pạhil koṛa hopon gocʼko jokhecʼ Israelko talare mitʼke mitʼ pạhil koṛa hopon do iń lạgitʼgeń begar dohoakatʼkoa- ar ona do manwakoge cetʼ ar janwarkoge baṅ cetʼ. Onko do ińren kanako; ar iń doń Probhu Isor kana.”

Numeri 3:13 Referans Kwoze

Luk 2:23

ente Probhu Isorakʼ ạnre ol menakʼa, “Pạhil janamicʼ koṛa gidrạ do Probhu Isorren menteye ńumogokʼa.”

Exodus 13:12

unre ape hõ aperen mitʼke mitʼ pạhil hoponko do Probhu Isor ńutumtepe emokʼa. Janwarkoren mimitʼ pạhil hopon hõ Probhu Isorrenko hoyokʼa.

Exodus 13:2

“Israelkoren mitʼke mitʼ pạhil koṛa hopon do iń ńutumtem begar dohokoa, onko modre baṅ doe manwakan ar baṅ doko janwarkan. Mitʼke mitʼ pạhil janamokʼ koṛa hopon doko ińren kana.”

Levitikus 27:26

“Jãhãege mĩhũ-meromren pạhil ạnḍiạ hopon do Probhu Isor ńutumte alope sonotkoa, ente joto mĩhũ-meromren pạhil ạnḍiạ hopon do Probhu Isorren kanako. Baṅ doe ḍaṅgrakan ar baṅ doe bheḍakan jotoge Probhu Isorren kanako.

Exodus 13:15

Ar kạṭhuạ iạte Pharao do tinre bae hecʼ ocoale kan tahẽkana unre Probhu Isor do Misor disạmren hoṛ ar janwarkoren mimitʼ pạhil hoponkoe gocʼketʼkoa. Onate ińren janwarkoren pạhil hopon do Probhu Isor ńutumteń dãṛẽyetʼkoa ar ińren pạhilicʼ hoponiń chaḍaoede kana.

Ibriko 12:23

pạhil janam hopon reakʼ ạidạriko ńamakatʼ hoṛ lekate okoekoakʼ ńutum sermare ol akan, onko hotete benaoakʼ manḍer ṭhenpe hecʼakana; okoe doe sanamkoren bicạricʼkan uni Isor ṭhenpe hecʼakana; ar okoekoko sạbit ocoakan onko sanam dhorom hoṛkoakʼ jiu ṭhenpe hecʼakana;

Jeheskel 44:30

Joto lekan phosol reakʼ pạhilre rakapʼakʼ khon bhageakʼ hĩs ar apeakʼ sanam sandesko do naekekoakʼ hoyokʼa. Apeakʼ nãwã holoṅ reakʼ pạhilakʼ hĩs ape do onkope emakoa jemon apeakʼ gharońj cetanre bhor tahen.

Numeri 18:15

Probhu Isor ṭhenko samaṅokʼ mimitʼ pạhil koṛa hoponko do amrenko hoyokʼa. Baṅ doe manwakan ar baṅ doe janwarkan. Manwaren pạhil koṛa hoponko do khạṭigem chaḍaokoa ar besapha janwarren pạhil ạnḍiạ hoponko hõm chaḍaokoa.

Exodus 34:19

“Kukhiren mitʼke mitʼ pạhil hoponko do ińren kanako. Aperen sanam janwar palkoren mitʼke mitʼ pạhil ạnḍiạ hoponko hõ ińren kanako.

Exodus 22:29

“Apeakʼ phosol ar darkha rasa khon okaṭakʼ emokʼ reakʼ ona emokʼ do alope biloma. Aperen pạhil koṛa hopon do iń imạń hoyokʼtapea.

Nehemiạ 10:36

Ạn-ạrire cetʼ leka ol menakʼ onkage ale do aleren pạhil hoponko ar ḍaṅgrako, meromko ar bhiḍikoren pạhil hoponko Isorakʼ oṛakʼreko dewa sewakan naeke ṭhenle idikoa.

Numeri 3:41

Israelkoren sanam pạhil herel hoponko bodolte Liwiko ar Israelkoren mĩhũ-merom hoponko bodolte Liwikoren pạhil mĩhũ-merom hoponko do ińren menteko lekhakʼa. Ar iń kangeạń Probhu Isor do.”

Numeri 18:6

Dan lekate apeakʼ tire jimạwape lạgitʼ iń do Israelrenko mod khon Liwikogeń bachao akawana. Ar ńapamokʼ tạmbure kạmi lạgitʼ Probhu Isor ṭhen onkogeń samaṅ akatʼkoa.

Numeri 33:4

Ar misriko do unre akoren pạhil hoponkoko topayetʼko tahẽkana. Probhu Isor do onkoren pạhil hoponkoe gocʼletʼkoa ar onkoren debotakoe sạjạiletʼkoa.