Numeri 29:35 - সান্তালী বাইবেল

³⁵ “Irạl din reakʼ mucạtʼ hilokʼ do bises sabhape hoeocoya ar enhilokʼ do jãhãnakʼ khaṭaoteakʼ alope kạmiya.

Numeri 29:35 Referans Kwoze

Levitikus 23:36

Ar inạ eae din reakʼ dinạm hilokʼ Probhu Isor ńutumte seṅgelteakʼ samaṅokʼakʼ samaṅ hoyokʼtapea. Ona tayom irạlakʼ din do sonot jarwakʼpe hoeocoya ar Probhu Isor ńutumte seṅgelteakʼ samaṅokʼakʼpe samaṅa. Noa mucạtʼ din do porob reakʼ maraṅ jarwakʼ hoyokʼtapea; enhilokʼ do cetʼge alope kạmiya.

Numeri 29:34

Jaoge jeredokʼ samaṅokʼ ar ona sãoteakʼ jomakʼ samaṅokʼakʼ ar coḍor samaṅokʼakʼ chaḍa mitʼṭen merom bodate kại ńutumte samaṅokʼakʼpe samaṅa.

Numeri 29:36

Probhu Isor kusi ocoye reakʼ jut so menkate uni ńutumte mitʼṭen seṅgelteakʼ samaṅokʼakʼpe samaṅa. Ona lạgitʼ mitʼṭen ḍaṅgra, mitʼṭen bheḍa ar eae goṭen mitʼ bochor umerren bheḍa hoponkote jeredokʼ samaṅokʼakʼpe samaṅa. Noko do jemon niphuṭ utạrko hoyokʼ.

Nehemiạ 8:18

Pạhil hilokʼ khon ehopʼkate mucạtʼ din hạbicʼ Esra do dinạmge Isorakʼ ạn-ạri reakʼ puthi khone paṛhao ańjomatʼkoa. Hoṛko do eae din hạbicʼko porobena ar irạl hilokʼ do niạm leka mitʼṭecʼ sabhako hoyocokeda.

Numeri 29:1

“Eae cando reakʼ pạhil tạrikre ape do mitʼṭecʼ sonot ńapamokʼ sabhape hoeocoya. Ar enhilokʼ do jãhãn khaṭaoteakʼ kạmi do alope kạmiya. Enhilokʼ do sakwa okʼroṅ din porob hoyokʼa.

Numeri 29:12

“Eae cando reakʼ mõṛẽgel tạrikre hõ mitʼṭecʼ sonot ńapamokʼ sabhape hoeocoya ar enhilokʼ do jãhãnakʼ khaṭaoteakʼ kạmiko alope kạmiya. Ape do Probhu Isor ńutumte eae din hạbicʼpe porobokʼa.