Numeri 28:30 - সান্তালী বাইবেল

³⁰ Kại puruchun lạgitʼ noako sãote mitʼṭen merom boda hõ ạguiye lagaoapea.

Numeri 28:30 Referans Kwoze

Numeri 28:22

Noako sãote kại ńutumte puruchun lạgitʼ mitʼṭen merom boda hõ ạguiye hoyokʼtapea.

Numeri 28:15

Jaoge jeredokʼ samaṅokʼakʼ ar ona sãoteakʼ coḍorokʼ samaṅokʼakʼ chaḍa mitʼṭen merom boda hõ kại ńutumte samaṅe hoyokʼa.

1 Patras 3:18

Mạsi hõ kại iạte mitʼ dhaogeye gocʼlena. Isor ṭhen idibon lạgitʼ uni dhorom hoṛ do kại hoṛko lạgitʼ, metakʼme, abo lạgitʼe gocʼlena. Uni do hoṛmo secʼteye gocʼ ocolena, menkhan Jiu secʼteye jiwetʼ beretʼ ocoyena ar bondi akan jiuko ṭhen hõ senkateye porcarleda.

1 Patras 2:24

Kurus cetanre acʼakʼ hoṛmore uni do aboakʼ kạiko reakʼ bojhae ladeana, jemon kạiko secʼ gocʼkate Isorakʼ monejoṅ leka senakʼ lạgitʼ bon bańcao tahen. Ente acʼakʼ hoṛmo reakʼ ghạlkote uni do aboe boge akatʼbona.

Galathiko lạgitʼ Pạul Apostolakʼ ciṭhi 3:13

Ar ạn bon bebataoetʼte okako sarap abore tahẽkan, ona do Mạsi acʼgeye ladeyante aboe chaḍaoketʼ bona. Sonot sostorre noa olakana, “Darere aka ocoakanicʼ mitʼke mitʼ hoṛ doe sarapanicʼ kana.”

2 Korinthiko 5:21

Jisu Mạsire jãhãn kại do baṅ tahẽkana; menkhan Isor do aboakʼ kạiko unireye ladekeda ar unige kạiyicʼe hoyocokedea, jemon Mạsi tulucʼ jopoṛao akan bon tahente Isorakʼ dhoromte dhorom bon hoyokʼ.

Genesis 37:31

Unre onko do mitʼṭen merom bodako gurkedea ar bodawakʼ mãyãmre Josephakʼ kicricʼko topokeda.

Levitikus 23:19

Ona tayom ape do kại ńutumte samaṅokʼakʼ lạgitʼ mitʼṭen merom boda ar sulukren samaṅokʼakʼ lạgitʼ mitʼ bochor umerren barea bheḍa hoponpe samaṅkinạ.

Numeri 28:31

Noako samaṅokʼakʼ ar ona sãoteakʼ coḍor samaṅokʼakʼ sãote jaoge jeredokʼ samaṅokʼakʼ ar ona sãoteakʼ jomakʼ samaṅokʼakʼ hõ samaṅ hoyokʼtapea. Ar onko joto janwarge jemon niphuṭ utạrko tahen.