Numeri 27:13 - সান্তালী বাইবেল

¹³ Amren boeha Aron cetʼleka hapṛamko ṭhene senakan onkage amhõ amren hapṛamko ṭhen calakʼ hoyokʼtama.

Numeri 27:13 Referans Kwoze

Dosar Biboron 10:6

Ar Israel hoponko do Be-erot Bene-jakan khon mohnḍakate Moserotreko seṭerena. Onḍege Aron doe gocʼena ar uni doe topa ocoyena. Uniren hopon Eleasar do uni bodolte maraṅ naekeye hoyena.

Numeri 31:2

“Am do Israelko ńutumte Midiạnkoakʼ behok reakʼ hala hạlime. Ar ona tayom do amren hapṛamko ṭhenem calakʼa.

Dosar Biboron 32:50

Amren dadam cetʼleka Hor reakʼ burureye gocʼente acʼren hapṛamko ṭhene senen onkage amhõ Nebo bururem gujukʼa ar amren hapṛamko ṭhenem senokʼa.

Numeri 33:38

Israelko Misor disạm khonko oḍok hecʼen tayom pongel bochor reakʼ mõṛẽ cando reakʼ pạhil dinre Probhu Isorakʼ hukumte naeke Aron do Hor buru coṭteye rakapʼ calaoena ar onḍegeye gocʼena.

Genesis 25:17

Ismael do mitʼsae pegel eae bochor jiwetʼe tahẽkana. Ar ona tayom doe gocʼena ar acʼren hapṛamko ṭhene calaoena.

Genesis 25:8

Mitʼṭecʼ mońj ar suk jion khemao tayom ḍher umer paromkate uni doe gocʼena ar acʼren hapṛamko ṭhene calaoena.

Dosar Biboron 1:37

“Ape iạte Probhu Isor hõ iń cetanre bekusi iạteye men akada, ‘ona disạmre amhõ bam bolo ńama,

Dosar Biboron 4:22

Iń do nonḍegeń gujukʼa, jordan gaḍa do bạń parom daṛeakʼa; menkhan ape do gaḍa paromkate ona mońjakʼ disạmpe ạidạri lạgidokʼ kana.

Dosar Biboron 31:14

Inạ tayom Probhu Isor do Moseye metadea, “Amakʼ gujukʼ din do sor hecʼakana. Am do Josuạ hohowaeme ar ńapamokʼ tạmbu ṭhen hạjirokʼme. Onḍe uni do kạmi reakʼ bhariń emaea.” Onate Mose ar Josuạ do ńapamokʼ tạmbu ṭhen senkate Probhu Isor samaṅrekin teṅgoyena.

Dosar Biboron 31:16

Probhu Isor do Moseye metadea, “Am do amren hapṛamko ṭhen giticʼ lạgitʼem calakʼkana, menkhan noko hoṛ okaṭakʼ disạmko bolo lạgidokʼkan onḍe onko do ạnạṛi deb debi ṭhenko ạkhrińokʼa arko laṭghaṭa. Onko do ińko bạgiyińạ ar oka bondobosiń doholetʼ ona hõko rạpuda.