Numeri 26:55 - সান্তালী বাইবেল

⁵⁵ Okoe gusṭirenko okare jaegako ńama ona do loṭarikatem emakoa. Mimitʼ bõsrenkoakʼ hạṭiń do uniyakʼ gusṭi ńutumte emakʼ ṭoṭharege tahentaea.

Numeri 26:55 Referans Kwoze

Numeri 34:13

Inạ tayom Mose do Israelko hukumatʼkoteye metatʼkoa, “Ape do gulibãṭ hotete Probhu Isorakʼ hukum leka disạm do aperen are gusṭi ar Manasekoren adha gusṭi talarepe hạṭińakoa ar apeakʼ sompottipe hoeocoya.

Numeri 33:54

Ape do loṭarikate judạ judạ bõsrenkoakʼ jaegape ṭhik dohoakoa. Ar bõsren hoṛkoakʼ lekha ḍher hoylen khan ḍher jaega ar kom hoylen khan do kom jaegape emakoa. Loṭarikate oka bõsrenko lạgitʼ jaega okare rakabokʼ ona bõsrenko do ona jaegage emako hoyokʼa. Gusṭiren judạ judạ bõsko do gusṭiko talarege jaegako ńama.

Josuạ 14:2

Probhu Isor do Mose hotete okae hukumletʼ onkage Israelkoren are tala gusṭiko modre gulibãṭkate sompottiko hạṭińatʼkoa.

Josuạ 11:23

Probhu Isor Mose okae hukumade tahẽkan onkage Josuạ do goṭa disạme dokholana ar gusṭikoakʼ sompotti lekate ona do Israelko talareye hạṭińatʼkoa. Unre disạmre lạṛhại do thirakan tahẽkana.

Aposkạmi 1:26

Adoko gulibãṭketʼ khan Mạthiạ ńutum rakapʼena. Onate Mạthiạ do onko gelmitʼ apostolko sãoteye lekha mitʼena.

Kạhtukko 18:18

Gulibãṭkate jhogṛa do mucạdokʼa ar daṛeanko talare hõ ona doe chinḍạua.

Kạhtukko 16:33

Hoṛko doko gulibãṭeda, menkhan ona reakʼ nitokʼ do Probhu Isorgeye ṭhikeda.

Josuạ 19:40

Eaeakʼ gulibãṭ hoyen khan Dan gusṭirenkoakʼ ńutum rakapʼena ar onaren judạ judạ bõsrenkoakʼ jaegako ṭhikatʼkoa.

Josuạ 19:32

Turuiyakʼ gulibãṭre do Napthali gusṭirenkoakʼ ńutum rakapʼena ar onaren judạ judạ bõsrenko jaegako ṭhikatʼkoa.

Josuạ 19:24

Mõṛẽ dhaoko gulibãṭketʼ khan Aser gusṭirenkoakʼ ńutum rakapʼena ar onkoren judạ judạ bõsrenko jaegako ṭhikatʼkoa.

Josuạ 19:17

Ponakʼ dhaoko gulibãṭketʼ khan Isakar gusṭirenkoakʼ ńutum rakapʼena ar onkoren judạ judạ bõsrenko jaegako ṭhikatʼkoa.

Josuạ 19:10

Tesar dhaoe gulibãṭketʼ khan Sebulon gusṭirenkoakʼ ńutum rakapʼena ar onkoren judạ judạ bõsrenkoakʼ jaegako ṭhikatʼkoa. Onkoakʼ jaega reakʼ simạna do tahẽkana Sarid hạbicʼ.

Josuạ 19:1

Dosar dhaoe gulibãṭketʼ khan Simeon gusṭirenkoakʼ ńutum rakapʼena ar uniyakʼ judạ judạ bõsrenkoakʼ jaegako ṭhikkeda. Onkoakʼ sompotti do Jihudạ gusṭirenkoakʼ jaega talare paṛaoena.

Josuạ 18:6

Disạm reakʼ ona eae hạṭiń reakʼ mimitʼ goṭecʼ babotre jotowakʼ olkate iń ṭhenpe ạguiya, ar iń do aboren Probhu Isor samaṅre ape lạgitʼ iń gulibãṭa.

Josuạ 17:14

Joseph gusṭiren hoṛko do senkate Josuạko metadea, “Sompotti lekate cedakʼ am do eken mitʼ hạṭińem ematʼlea? Probhu Isorakʼ ạsirbad iạte aleakʼ lekha do ḍhergetalea.”

Numeri 26:56

Gusṭiren hoṛkoakʼ lekha do thoṛa hoyokʼ ar baṅ do ḍher hoyokʼ loṭarikatege jaega dom ṭhik akoa.”

Jeheskel 47:22

Okoe bidisiạko akoren hopon ar hoponerakoante ape talareko girobasokʼ kan onko lạgitʼ ar ape lạgitʼ disạm do sompotti lekatepe hạṭińjoṅa. Onko do disạmreko janam akan Israel menteko lekhakʼa. Ape sãote onko hõ Israel gusṭiko talare sompotti lekate jumi reakʼ hạṭińko ńama.

Numeri 36:2

Onkoko menkeda, “Israelko modre disạm reakʼ jaega jumi gulibãṭkate ṭhik reakʼ hukum emokʼ jokhecʼ Probhu Isor do aleren mạlike metade tahẽkana aleren boeha Selophadakʼ sompotti do jemon uniren hoponerako ńam.