Numeri 26:28 - সান্তালী বাইবেল

²⁸ Manase ar Ephrayem khon Josephren bõsko:

Numeri 26:28 Referans Kwoze

Genesis 46:20

Josephren hopon Manase ar Ephrayim do Misor disạmrekin janamlena. Nukinre eṅgat do On nagraharen naeke Poṭipheraren hoponera Asnate tahẽkana.

Genesis 48:5

Am ṭheniń hijukʼ lahare amren okoekin hoponkin janamlen unkin hõ ińren hoponko talarekin lekhakʼa. Ruben ar Simeon cetʼleka ińren kanakin onkage Ephrayem ar Manase hõ ińren kanakin.

Numeri 1:34

Manase bõsrenko modren okoekoakʼ umer do bargel se ona khon bạ̃ṛti, metakʼme okoe do lạṛhại lạgitʼ oḍok calakʼ lekako tahẽkan, onko do gusṭi ar gharońj reakʼ oprom lekate ńutum ol caṛhaoentakoa.

Dosar Biboron 33:16

prithimi reakʼ bhage bhage jiniskote, ar jolokʼkan jhạuạre okoeye tahẽkan uniyakʼ dayate. Josephakʼ bohokʼre noako ạsirbad baṛe pheḍ hijukʼma; boehako modre okoeye mukhiyạkan uniyakʼ bohokʼre noako bhor baṛe paṛaokʼma.

Josuạ 14:4

Manase ar Ephrayim ńutuman Josephren hoponkin hotete barea gusṭi benaolena. Liwiko do jumi reakʼ bhag bako ńamleda, menkhan girobasokʼ lạgitʼ ar jinisko dohoy lạgitʼ adom adom atoko, nagrahako ar gại-ḍaṅgra ar bhiḍi merom ạtińko lạgitʼ beṛhaeteakʼ ạtiń ṭạnḍiko ńamkeda.

1 Bõsbudạ 5:23

Manase gusṭiren adha hoṛko do Bason khon Bakʼal-Harmen, Senir ar Harmen buru hạbicʼ oka jaegareko tahẽkan onḍe girobasokʼko ehopʼena. Onko do lekhare ạḍi ḍherko tahẽkana.

1 Bõsbudạ 7:14

Manasiren hoponko doko hoyokʼkana Osriyel ar Gileadren apat Makhir. Manasiren do Aramren chuṭki erawakʼ kukhireye janamlena.