Numeri 25:3 - সান্তালী বাইবেল

³ Nonkate Israelko do Pior burure Bakʼal debota sewawaere seledokʼko ehopʼena. Onate Probhu Isor do onko cetanre ạḍiye edreyena.

Numeri 25:3 Referans Kwoze

Hosea 9:10

Probhu Isore meneda, “Hahaṅkarre darkha nạ̃ṛĩ leka Israel doń ńamledea; pạhil dhao jo emokʼkan loa dare reakʼ pạhilakʼ jo lekage aperen hapṛamkoń ńelletʼkoa. Menkhan onko do Bakʼal-Piyạr ṭhen senkate apnartetʼko ạkhrińena ar akoren dulạṛiạ boṅga lekage onko do hirkhạwankoko hoylena.

Josuạ 22:17

Peorre okaṭakʼ bon ghạṭletʼ ona lạgitʼ Probhu Isor do manḍerren hoṛkore mahamạriye kolleda; ar teheń hõ ona chut khon babon sapha utạr akana. Ona ghạṭ khon hõ babon cetʼleda,

Jirimiạ 17:4

Okaṭakʼ ạidạriyiń ematʼme tahẽkan, ona do amakʼ dostegem ada. Ar okaṭakʼ disạm reakʼ katha bam baḍaeakatʼ ona disạmre amren bạirikoren golamiń hoyocomea, ente am do ińakʼ edre seṅgelem salgao akatʼtińạ ona do jaejug hạbicʼ jolokʼa.”

Sereńko 90:11

Amakʼ edre reakʼ daṛe do okoeye bujhạu daṛeakʼa? Tinạkʼ hoṛakʼ ontorre bhoti menakʼte, amakʼ raṅgaoko bujhạu daṛeakʼa?

Bikʼcạrko 2:20

Ona iạte Probhu Isor do Israelko cetanre edreteye menkeda, “Nokoren hapṛamko okaṭakʼ iń bondobosatʼko tahẽkan ona do noko bako manao akada ar ińakʼ katha hõ bako ańjom akada.

Bikʼcạrko 2:14

Ona iạte Probhu Isor do Israelko luluṭkoakʼ tireye jimạyetʼko tahẽkana. Onko do onkoakʼ jiniskoko luṭetʼ tahẽkana. Uni do onkoren beṛhaeten bạiriakʼ tireye jimạyetʼko tahẽkana, ar onate bạiriko upạrte bako teṅgo daṛeakʼkan tahẽkana.

Numeri 25:5

Unre Mose do Israelren bikʼcạrkoe metatʼkoa, “Ape talaren tinạkʼ hoṛ do Piorre Bakʼal debotawakʼ pujạreko seledokʼkan onko jotogepe gocʼkoa.”

Numeri 31:16

Ńelpe nokoge Biliamakʼ kathate Israel hoponkoko bulạuletʼkoa Peor babotteakʼ kathare Probhu Isor upạrteko bepạtiạr ocoletʼkoa onate Probhu Isorren hoṛko talare mahamạri do paṛaolena.

Bikʼcạrko 2:11

Ar Probhu Isorakʼ mẽtʼre oka bạṛicʼakʼ kan onageko kạmiyetʼ tahẽkana. Onko do Bakʼal debotako sewawae kan tahẽkana.

Bikʼcạrko 2:13

Ar nonkate onko do Probhu Isor bạgikate Bakʼal debota ar Asṭoret debiko sewawae kan tahẽkana.

Hosea 4:14

Aperen hoponerako do kusumbiko hoylenre ar aperen hoponkoren bạhukoko loṭghuṭilere hõ onko do bạń sạjạikoa, ente herelko do apnarge kusumbiko ṭhenko senokʼkana ar mundil kusumbiko sãote janwar dãṛẽko samaṅetʼkoa. Noko bebuj jạtrenko doko marao utạrokʼa.