Numeri 25:18 - সান্তালী বাইবেল

¹⁸ ente Piorren debota sewawae ar Kosbiyakʼ katha iạte bhul horteko idiketʼpete onko do bạiriko hoyakana. Am dom baḍaegea, nui Kosbige onkoren peṛa ar mitʼṭen Midiạn sordarren hoponerae tahẽkana. Piorren Bakʼal debota sewawae iạte tinre ape talare mahamạri ńelena unre uni maejiugeye gocʼ ocolena.”

Numeri 25:18 Referans Kwoze

Johan sodor 2:14

Menkhan enhõ am upạrte ińakʼ roṛ reakʼ thoṛa menakʼtińạ. Onḍe am ṭhen nonkan hoṛ menakʼkoa okoe do Biliamakʼ sikhnạt lekateko calakʼkan. Balak raj do Biliame cetʼade tahẽkana jemon uni do boṅga samaṅakʼkoe jom ocoko ar laṭghaṭ kạmikote Israelko kại secʼe idiko.

2 Patras 2:18

Onko do ạuṛi sạuṛi ar lạṭu lạtu kathako roṛa ar manwakoakʼ jel reakʼ bạṛicʼ sanako rakapʼ ocoyetʼte nonkan hoṛko bhul horteko idiyetʼkoa, okoe do bạṛicʼko talare menakʼko khonko oḍok hijukʼkan.

2 Korinthiko 11:3

Menkhaniń botorokʼ kana, uni biń do acʼakʼ bạṛicʼ phorphundite cetʼleka Hawae bulạulede onkage Mạsire menakʼtape soṛatetʼ ar napaetetʼ khon apehõkoe bulạu botecʼpea.

Exodus 32:35

Arone benao akade mĩhũ iạte hoṛko okako cekaketʼ onate Probhu Isor do onko cetanre maraṅ okocʼ muhine kolkeda.

Exodus 32:21

Ar Arone metadea, “Onko do cetʼko cekaletʼtamte, nonkan bạṛicʼ kại secʼem ạyurketʼkoa?”

Genesis 26:10

Abemeleke menkeda, “Menkhan ale sãote noa do cetʼem beoharkeda? Jãhãe hoṛge coṅ amren bạhu ma giticʼmidokʼ lạgitʼe soṅgeke. Ar nonkate ale dusirem paṛao ocokelea.”

Genesis 3:13

Unre Probhu Isor do uni maejiue metadea, “Noa do cetʼem ceka akada?” Maejiu do roṛ ruạṛketʼteye menkeda, “Biń do ińe bulạukedińa ar onate iń do onań jomkeda.”

Numeri 25:15

Ar okoeṭakʼ Midiạnren kuṛiye gocʼ ocolen uniyakʼ ńutum do Kosbi tahẽkana. Uni do Midiạn disạmren Sur ńutuman mitʼṭecʼ bõskoren mukhiyạren hoponerae tahẽkana.

Numeri 25:17

“Midiạniko do bạiri mente hudiskope ar gocʼ giḍikakope,

Numeri 26:1

Mahamạri thiren tayom Probhu Isor do Mose ar naeke Aronren hopon Eleasare metatʼkinạ,

1 Rapajko 11:18

Onko do Midiạn khon mohnḍakate Paranteko parom senlena ar onḍe khon thoṛa hoṛ soṅgekate Misorren Pharao raj ṭhenko senlena. Ar Pharao do oṛakʼ-duạr khet-baṛge ar jomakʼko Hadade emadea.