Numeri 24:4 - সান্তালী বাইবেল

⁴ Okoe hoṛ Isorakʼ kathae ańjometʼkan ar sanam daṛeanicʼ reakʼ dorsone ńeletʼkan, ar okoe do otreye ombakʼ hape akan ar okoe do mẽtʼ jhicʼ akantae,

Numeri 24:4 Referans Kwoze

Johan sodor 1:17

Uni ńelte iń do gocʼicʼ leka uniyakʼ jaṅga ṭheniń bhindạṛena. Unre uni do acʼakʼ jojomtite capokedińteye metadińạ, “Alom botorokʼa. Iń kangeạń pạhilicʼ ar mucạtʼicʼ do,

Johan sodor 1:10

Probhu Isorakʼ dinre iń do Jiureń tahẽkana. Ar un jokhecʼ iń tayomre siṅgạ saḍe leka mitʼ hoṛakʼ aṛaṅiń ańjomkeda.

Jeheskel 1:28

Dakʼ dinre rimil tala khon liṭạ akʼ leka ona beṛhaete ona marsal do ńelokʼkan tahẽkana. Okań ńelketʼ ona do Probhu Isorakʼ ṭhonokge tahẽkana. Ona ńelte iń do otreń ombakʼena ar mitʼ hoṛ katha roroṛiń ańjomkedea.

Aposkạmi 22:17

“Jerusalemte ruạṛ hecʼkate mitʼ din mundilreń koejoṅkan tahẽkanre iń do mitʼṭecʼ dorsoniń ńelkeda.

Aposkạmi 10:19

Patras do unhõ dorson reakʼ kathae hudiskan tahẽkana, unre sonot Jiu do uniye metadea, “Ńelme, pe hoṛ amko khojetʼmea.

Aposkạmi 10:10

Unre Patras do ạḍi reṅgecʼkedea ar thoṛa jojome menana. Ar tinre jomakʼ tearokʼkan tahẽkana unre mitʼṭecʼ dorson paṛaoadea.

Sereńko 89:19

Mitʼ dhao am do dorsonte am botoramkom metatʼko tahẽkana, “Iń do mitʼṭen birbanṭa hoṛiń goṛo akadea; ar onko mod khon mitʼ hoṛiń bachaoante coṭteń rakapʼ akadea.

1 Samuel 19:24

Uni do acʼakʼ kicricʼe totʼketʼte Samuel samaṅre nạbi lekate Isorakʼ katha roroṛe ehopʼena. Uni do goṭa siń ar goṭa ńindạ kicricʼ chaḍageye tahẽyena. Ona iạte hoṛko mena, “Sạul hõ cetʼ enḍekhan nạbiko modren mitʼhoṛ kanae?”

Numeri 22:31

Inạ tayom Probhu Isor do Biliamakʼ mẽtʼe jhicʼketʼtaea ar Probhu Isorren goḍet do tire tarwaṛeante horre teṅgo akane ńelkedea. Ar onate uni doe ombakʼena ar otreye taberena.

Numeri 22:20

Ona ńindạ Isor do hecʼkate Biliame galmaraoadea, “Noko hoṛ hõ hohoam lạgitʼko hecʼakana onate onko sãote calakʼme, menkhan iń okań metam eken onagem kạmiya.”

Genesis 15:12

Tinre ạyupʼ hijukʼkan tahẽkana unre Abram doe jạpitʼkeda. Ar kajake jạpitʼ akatʼ tahẽkanre mitʼṭecʼ botoranakʼ ńut do unire hecʼena.

Genesis 15:1

“Ona tayom Probhu Isor do Abram dorsonteye metadea, “Abram, alom botorokʼa. Ḍhal leka iń do amiń rukhiyạmea, ar amakʼ kuṛại do maraṅ hoyokʼa.”

Numeri 24:5

uni do noa kathae meneda: E Jakob, amakʼ tạmbuko do tinạkʼ mońj! E Israel, tinạkʼ mońj amakʼ tahen jaega do!

Numeri 24:15

Unre Biliam do Isor emakʼ noa katha roroṛe ehopʼena: “Beor hopon Biliam do noa kathae meneda, okoeyakʼ mẽtʼ beṅgetʼge menakʼtae uni do noa kathae meneda,

1 Rapajko 22:17

Mikại roṛ ruạṛkeda, “Ińiń ńelkeda, Israelko do gupiyicʼ begor bhiḍi leka buru cetanreko chirchạtur akana. Onate Probhu Isore meneda, ‘nokoren do cele mạlikge bạnukʼkotakoa, onate onko do sulukte apan ạpin oṛakʼteko senjoṅma.’ ”