Numeri 24:20 - সান্তালী বাইবেল

²⁰ Amalekiko ńelte Biliam do Isorakʼ noa katha roroṛe ehopʼena: “Eṭakʼ sanam jạtrenko modre Amalekiko do maraṅko tahẽkana, menkhan onkoakʼ sesokʼ do maraokʼge hoyokʼa.”

Numeri 24:20 Referans Kwoze

Exodus 17:14

Ona tayom Probhu Isor do Moseye metadea, “Noa lạṛhại reakʼ katha disạ dohoy lạgitʼ mitʼṭecʼ puthire ol dohokakʼme ar Josuạ metaeme, iń do dhạrti khon Amalekikoakʼ ńutumiń mohor meṭaotakoa.”

Ester 9:14

Raj do ona hoyokʼ reakʼgeye hukumkeda. Susanre rajakʼ ona hukum do lại jạhirena ar hoṛko do Hamanren gel goṭen hoponko pạsiketʼkoa.

Ester 3:1

Niạko ghoṭna tayom Ahasberos raj do Agag Hamedatharen hopon Haman do rajosṭiren eṭakʼ eṭakʼ kạmiyạko khon cetan hudạre dohokedeteye manotkedea.

1 Bõsbudạ 4:43

Lahate Amalekiạkoren thoṛa hoṛ do Seyirteko dạṛketʼte onḍeko girobasokʼ kan tahẽkana. Simeonrenko do onko hoṛkoko gocʼ giḍikatʼkote onḍe girobasokʼko ehopʼena. Ar teheń hạbicʼ hõ onko do onḍeko girobasokʼ kana.

1 Samuel 30:17

Unre Dạud do enhilokʼ ạyupʼ bela khon ehopʼkate dosar hilokʼ ạyupʼ hạbicʼ onko sãoteye lạṛhạiyena. Onkoren cele hõ rukhiyạ do bako ńamleda, eken ponsae juạn koṛa do ũṭre decʼkateko dạṛ pạnḍucʼkeda.

1 Samuel 30:1

Dạud do acʼren hoṛkoante tesar hilokʼ Siklagteye seṭerena. Menkhan inạko dinre Amalekiko do Negebre Philisṭikoakʼ ṭoṭhare ar Siklagreko luṭ akatʼ tahẽkana. Onko do Siklag ńẽtʼkate seṅgelteko ḍahao marao akatʼ tahẽkana ar onḍeko tahẽkan sanam maejiuko ar huḍiń lạṭu joto do bondikateko idiakatʼko tahẽkana. Menkhan gocʼ do okoe hõ bako gocʼakatʼko tahẽkana, eken ruạṛ calakʼ jokhecʼko soṅge toraletʼko tahẽkana.

1 Samuel 14:48

Uni do birbanṭa leka lạṛhạikate Amalekikoe bhagaoketʼkoa ar luluṭkoakʼ ti khon Israelkoe rukhiyạketʼkoa.

Bikʼcạrko 6:3

Israelko do tinre phosolko eretʼ tahẽkana unre Midiạnrenko, Amalekiko ar purub disạmren hoṛko hecʼkate onkoakʼ disạmko luṭ idiyetʼkan tahẽkana.

Exodus 17:16

Moseye menkeda, “Probhu Isorakʼ siṅghạson upạrte ti rakapʼ hoyakana, ona iạte piṛhike piṛhi Probhu Isor do Amalekiko birudreye tahena.”

Exodus 17:8

Niạ oktere Amalekikoren palṭonko do Israelko tulucʼ lạṛhại lạgitʼ Rephidimreko jarwayena.

Genesis 36:12

Esauren hopon Eliphasren do Timna ńutuman chuṭki erae tahẽkana. Ar Amalek do uniyakʼ kukhireye janamlena. Noko sanamkoge Esauren bạhu Adaren goṛom gidrạ kanako.

Numeri 24:7

Taren reakʼ kanḍa khon dakʼ do dul oḍokokʼa, ar uniren bõs do aema dakʼreko tahena. Onkoren raj do Ogag khon hõe usulokʼa, onkoakʼ rajosṭi do ṭhonokte arhõ maraṅokʼa.

Numeri 24:19

Jakobakʼ bõs khon mitʼṭen raje rakapʼ hijukʼa, ar nagrahare sarecʼ akan Edomrenko uni doe marao utạrkoa.’ ”

Numeri 24:24

Kitim dip aṛe khon jahajko do hecʼkate Ạsurrenko ar Eberrenkoe copotʼkoa; menkhan Kitimren hoṛ doko marao utạrokʼa.”

1 Samuel 15:2

Sanam daṛean Probhu Isore meneda, ‘Israelko tinre Misor khonko oḍokʼ hijukʼkan tahẽkana unre Amalekiko do onko upạrteko teṅgolente onko doń sạjạikoa.