Numeri 23:24 - সান্তালী বাইবেল

²⁴ Noko hoṛko do kul eṅga lekako teṅgo rakapʼa, ar dhạcri kul lekage onko doko beretʼa. Sendra gocʼko reakʼ mãyãm ar jel ạuriko jom hạbicʼ onko do bako jirạukʼa.”

Numeri 23:24 Referans Kwoze

Genesis 49:9

E Jihudạ, am dom dhạcri kul hoponkana; sendra jel jom baṛakate ińren nui hopon doe rakapʼ hijukʼa; dhạcri kul ar kul eṅga lekae burum akana. Okoe hale uni doe buskukea?

Genesis 49:27

“Benjạmin do mitʼṭen cikʼrạkan hunḍạr kanae; uni do setakʼre sendra jele joma ar ạyupʼ do luṭakʼ jiniskoe hạṭińa.”

Johan sodor 5:5

Tayomte murubbiko modren mitʼ hoṛe metadińạ, “Alom raga. Jihudạ bõsren dhạcri kul, one okoe doe Dạud bõsren kan, uni doe jitạu akana. Unige ona eae goṭecʼ mohor chapko raṛakate puthiye oṭakʼ daṛeakʼa.”

Sakariạ 12:6

“Enhilokʼ Jihudạren mukhiyạko do kaṭ reakʼ bojha talare jolokʼkan aṅgra leka ar phosol reakʼ binḍạ talare jolokʼkan mosal lekań hoyocokoa. Onko do jojomsa ar leṅgasa secʼ aḍepaseren sanam jạtrenko jomkoa, menkhan Jerusalemren hoṛ do arhõ akoakʼ ṭhạ̃iregeko girobasokʼa.

Numeri 24:17

‘ńitokʼ baṅre hõ iń do uniń ńelńame kana, ar iń sorrene baṅkanre hõ enhõ uni doń ạritʼ edekana. Mitʼṭecʼ ipil doe rakapʼa Jakobakʼ bõsre, mitʼṭecʼ raj ṭheṅgage Israelko mod khon rakapʼ hijukʼa. Uni do Moab ar Setren hoponkoakʼ bohokʼe gejertakoa.

Nạhum 2:11

Onko dhạcri kulkoakʼ dander ńitokʼ do okare menakʼa, one okare akoren hoponko nunuako kan tahẽkan, ar onḍe dhạcri kul ar kul eṅga do hoponko salakʼ khạtirjomako tahẽkana?

Amos 3:8

Dhạcri kule hạnḍrạulere okoe hale bae botorkokʼa? Probhu Isor roroṛe metae khan nạbi lekate katha do okoe hale bae nạbikea?

Daniel 2:44

Onko rapajkoakʼ oktere sermaren Isor do mitʼṭen rajostiye teṅgoyea, ona do tishõ baṅ maraokʼa, ar ona rajosṭi do eṭakʼ jạtrenkoakʼ tire baṅ jimạkʼa; ona do onako rajosṭiye rạputʼ gejera ar acʼge jaejuge tahena.

Jesaea 31:4

Probhu Isor do niạ kathae metadińạ, “Dhạcri kul cetʼleka acʼe gocʼ akade janwar cetanreye gondraokʼkan ar uni upạrte mitʼ dol gukʼpikoko hoholere hõ bae botorokʼkan. Onkage phạdkoren Probhu Isor do lạṛhại lạgitʼ Sion buru ar ona reakʼ usul ṭhạ̃ikoreye pheḍ hijukʼa.

Kạhtukko 30:30

Dhạcri kul do janwarko modre daṛeanicʼ janwar kanae uni do cele janwarko samaṅ khon hõ bae dạṛ pharakokʼa;

Sereńko 17:12

Onko do dhạcri kul leka cirạ gocʼle lạgitʼko pagla akana, onko do dhạcri kul leka danaṅreko tãṛãkʼ akana.

Dosar Biboron 33:20

Gad reaṅ uni doe menkeda, “Bhạgangea uni do, okoe do Gad rajosṭi reakʼ simạnae baṛhaoetʼ. Uni do dhạcri kul lekae tahena ar bạirikoakʼ ti ar coṭ bohokʼ hạbicʼe cirạitakoa.

Numeri 23:25

Niạ katha ańjomkate Balak doe menkeda, “Thirokʼme, onko do sarap hõ alom sarapakoa ar bhor hõ alom bhorakoa.”

Nạhum 2:12

Dhạcri kul do acʼren hoponko lạgitʼ janware gocʼetʼko tahẽkana ar acʼren kul eṅga lạgitʼ hõe limbạtʼ gocʼetʼko tahẽkana; uni doe gocʼ akawan janwarte acʼakʼ oṛakʼ are or cirạ akatʼko janwarte acʼakʼ dandere perecʼetʼ tahẽkana.

1 Rapajko 10:20

Ona turui goṭecʼ dhap reakʼ banarsa aṛerege mimitʼ goṭecʼkate jotote gelbar goṭen dhạcri kulakʼ muṭhạn tahẽkana. Onkan siṅghạson do eṭakʼ eṭakʼ rajosṭikore ar tishõ baṅ benao akan tahẽkana.

2 Bõsbudạ 9:18

Ona siṅghạson reakʼ siṛhi do turui goṭecʼ dhapko tahẽkana ar ona sãote sona reakʼ jaṅga lebedokʼakʼ mitʼṭecʼ ganḍo hõe lagao ocoakatʼ tahẽkana. Duṛubokʼ jaega reakʼ banar tire do hatol tahẽkana ar hatol aṛere do dhạcri kule teṅgo akan reakʼ muṭhạn tahẽkana.