Numeri 23:14 - সান্তালী বাইবেল

¹⁴ Niạ menkate Balak do Pisga buru muthnire okare Sophim ṭạnḍi menakʼ onḍe uniye idikedea. Onḍe uni do eae goṭecʼ pinḍ benaokate mimitʼ goṭecʼ cetanre mitʼṭenkate ḍaṅgra ar mitʼṭenkate bheḍae samaṅketʼkoa.

Numeri 23:14 Referans Kwoze

Hosea 12:11

Gilead do bedhoromteye perecʼgea; uniren hoṛ doko ạuṛiyakʼgea. Onko do Gilgolre ḍher ḍaṅgrako samaṅketʼkoa. Onkoakʼ pinḍko do casetʼkan jumire dhiri ḍạṅko leka ḍhergea.

Jesaea 46:6

Adomko do akoakʼ thạilạkʼ khon sonako upʼ oḍokeda ar tulạte rupạko soṅeda. Ar onakote onko do goṛhon muṭhạn tear lạgitʼ sonharko emako kana; ar tayomte do ona goṛhon muṭhạnko ḍobokʼakʼ kana arko sewawakʼ kana.

Dosar Biboron 34:1

Ona tayom Mose do Moab ṭạnḍi khon Nebo burute, Jerikho mohnḍa muhunḍire menakʼ Pisga reakʼ muthnireye decʼena. Ar Probhu Isor do onḍe khon goṭa disạme udukʼadea. Uni do Gilead khon Dan hạbicʼ goṭa jaega,

Dosar Biboron 4:49

Onakin modre jordan purub secʼ goṭa Araba ṭoṭha hõ tahẽkana. Noa do Pisga buru dhasna latar menakʼ doreão hạbicʼ sen akana.

Dosar Biboron 3:27

Am do Pisga buru muthnite rakapʼkate utạr- dạkhin ar purub-pạchim secʼ beṅgedme. Jordan gaḍa bam parom daṛeakʼre hõ amakʼ mẽtʼte disạm do mitʼdhao ńelme.

Numeri 23:29

Unre Biliame menkeda, “Nonḍe iń lạgitʼ eae goṭecʼ pinḍ benaome ar eae goṭen ḍaṅgra ar eae goṭen bheḍa samaṅko lạgitʼ bondobosạńme.”

Numeri 23:13

Tayomte Balak do Biliame metadea, “Dela iń sãote ar mitʼ jaegare hijukʼme. Onḍe khon am do Israelkom ńelkoa. Onkoren sanamkogem ńelńamkoa ona do baṅ, eken onkoren mitʼ mucạtʼrengem ńelńam daṛeakoa. Ar onḍe khon iń ńutumte onkom sarapakoa.”

Numeri 23:15

Ona tayom Biliam do Balake metadea, “Am do jeredokʼ samaṅokʼ lạgitʼ janwarko sorrege tahẽhataṛokʼme, ar iń do Probhu Isor sãoteń ńapam hecʼlenge.”