Numeri 22:32 - সান্তালী বাইবেল

³² Probhu Isorren goḍet do uniye kulikedea, “Amren gadha eṅga do pe dhao cedakʼem dalkedea? Am do iń samaṅrege iń upạrtem calakʼkante am tạkicʼ darame lạgitʼ iń hecʼakana.

Numeri 22:32 Referans Kwoze

Aposkạmi 13:10

“Am do Soetanren hopon ar joto bhageakʼren bạiri kanam. Amre do joto lekan phạsiara ar bedhoromge menakʼa. Probhu Isorakʼ sojhe horko konḍeae do cetʼ bam bạgiya?

Kạhtukko 28:18

Okoe bin dusạnteye calakʼkan uni doe bańcaokʼa, menkhan okoe hoṛ peṛta horteye taṛamkan uni do ackageye ńurokʼa.

Numeri 22:22

menkhan uni calakʼe ńelkede khan Isor do uni cetanreye edreyena. Ar uni tạkicʼ darame lạgitʼ Probhu Isorren goḍet do horreye teṅgoyena. Biliam do gadha eṅgare decʼkateye calakʼkan tahẽkana. Ar acʼren barea gutikin hõ acʼ sãotekin tahẽkana.

Kạhtukko 28:6

Kisạ̃ṛ hoṛ peṛta horteye calakʼ khon uni reṅgecʼ hoṛgeye bhagea one okoe do bin dusạnteye dãṛãnkan.

Kạhtukko 14:2

Okoe dhoromteye calakʼ uni do Probhu Isore botoraea, menkhan okoe peṛta horteye calakʼ uni doe nihạ̃tea.

Mikạ 6:5

E ińren hoṛko, Moab raj Balak okae goṭaletʼ ar Beor hopon Biliam okae roṛ ruạṛletʼ ona baṛe hudiskate ńelpe. Siṭim khon Gilgol hạbicʼ apeakʼ calakʼ reakʼ katha disạipe jemon ape do ińiń kạmiletʼakʼ bańcaokʼ reakʼ kathape baḍae daṛeakʼ.”

Jona 4:11

Menkhan Niniwire mitʼ lakh bargel hajar khon hõ bạ̃ṛti gidrạ menakʼkoa onko do bako baḍaea okaṭakʼ do jojomti ar okaṭakʼ do leṅga ti kana mente; ona chaḍa ḍher ḍaṅgra ar bhiḍiko hõ menakʼkoa. Enḍekhan iń do cetʼ iń cekaea? Iń do cetʼ ona maraṅ nagraha lạgitʼ bạń mãyãkʼa?”

Sereńko 147:9

Uni do janwarko jomakʼe danako kana; bhonḍa kạhu hoponkoko ragre onkohõ jomakʼe emako kana.

Sereńko 145:9

Probhu Isor do sanamko lạgitʼe bhạlạiyạnicʼ kana; uniyakʼ sirjạu reakʼ jotowakʼ cetanre mãyã menakʼtaea.

Sereńko 36:6

Amakʼ dhorom do Isorakʼ buruko lekana; amakʼ dhorom bicạr do athantar doreão leka. E Probhu Isor, manwa ar janwar jotoge jiwetʼ baṛe dohokom.

Dosar Biboron 25:4

“Ekʼen kan ḍaṅgra do moca alom toltaea.

Dosar Biboron 23:4

Ente Misor disạm khon oḍok hecʼkate apeakʼ dãṛãn horre onko do jomakʼ ar dakʼante bako daramletʼpea, bickom sarapape lạgitʼ Mesopoṭamia disạm reakʼ Pethor nagraha khon Beor hopon Biliam do ṭakateko ạguledea.

Numeri 22:35

Probhu Isorren goḍet do Biliame metadea, “Am do onko hoṛko sãote calakʼme, menkhan iń okaṭakʼ iń metam eken onagem roṛa.” Unre Biliam do Balake kolletʼko mukhiyạko sãoteye calaoena.

Numeri 22:28

Probhu Isor do gadha eṅgawakʼ mocae jhicʼketʼtaea. Uni do Biliame metadea, “Cetʼ iń cekaketʼmete am do pepe dhaoem dalkedińa?”

Numeri 22:20

Ona ńindạ Isor do hecʼkate Biliame galmaraoadea, “Noko hoṛ hõ hohoam lạgitʼko hecʼakana onate onko sãote calakʼme, menkhan iń okań metam eken onagem kạmiya.”

Numeri 22:33

Gadha eṅga do iń ńelte pepe dhaoge iń samaṅ khone sahaṛ akana. Uni bae ocokʼlen khan, khạṭige am doń gocʼkema ar gadha do jiwetʼiń dohokea.”

Kạhtukko 16:2

Hoṛakʼ do acʼakʼ joto horge acʼ nońjorre saphagetaea, menkhan jiu tulạ bikʼḍạuicʼ do Probhu Isorge.