Numeri 21:4 - সান্তালী বাইবেল

^4-5 Inạ tayom Israelko do Edom disạm aṛete ạcur senokʼa mente Hor buru khon arakʼ jalapuri secʼko laha idiyena. Menkhan onko do horreko edre-ạṛisente Mose ar Isor upạrte karacʼ kurujokʼko ehopʼena arko menkeda, “Niạ hahaṅkarre gujukʼ lạgitʼ do cedakʼ Misor khonem oḍok ạguketʼlea? Nonḍe do piṭhạ hõ bạnukʼa ar dakʼ hõ bạnukʼa, ar noa mitʼlekan jomakʼ iạtele ạṛis cabayena.”

Numeri 21:4 Referans Kwoze

Exodus 6:9

Mose do senkate noako katha Israelkoe baḍae ocoketʼkoa, menkhan onko do kumãyã talate golam khaṭao khaṭaoteko laṅga caba akan tahẽkante Moseyakʼ katha do bako luturada.

Bikʼcạrko 11:18

Ona tayom onko do hahaṅkar talate senkate Edom ar Moab disạm secʼteko ạcurente Moab reakʼ purub secʼte senkate Arnon gaḍa reakʼ eṭakʼ aṛereko ḍerayena. Menkhan Moab disạmte do bako bololena, ente Arnon gaḍage Moab reakʼ simạna tahẽkana.

Numeri 32:7

Probhu Isor Israelko okaṭakʼ disạme emakawatʼko onḍe calakʼ lạgitʼ nokoakʼ ahkaokʼ mon do cedakʼpe rạputʼetʼtakoa?

Numeri 33:41

Inạ tayom Israelko do Hor buruko bạgiyatʼte okakoreko ḍera idilena ona do hoyokʼkana, Salmona, Punon, Obot, Moab simạ reakʼ Iye-ebarim, Dibon-gad ar Almon-diblathaimre. Ona tayom onko do Ebarim buru ṭhenko seṭeren khan Nebo buru ṭhenko ḍerayena.

Numeri 32:9

Eskol buru lodam hạbicʼ senkate disạm ciyạ baṛakate onko do Probhu Isore emakʼ disạmte calakʼ lạgitʼ hoṛkoakʼ ahkaokʼ monko rạputʼletʼtakoa.

Dosar Biboron 1:40

Ńitokʼ ape do tayom secʼ ạcurkate Akaba doreão reakʼ horte hahaṅkar secʼ monhḍakʼpe.’

Numeri 20:27

Mose do Probhu Isorakʼ hukum lekae kạmikeda. Onko do sanam Israelko samaṅre Hor buruteko rakapʼena.

Numeri 14:25

Onako buru tala otetre ńitokʼ do Amelekiko ar Kananrenko girobasokʼ kana. Ape do gapage ạcurokʼte Arakʼ dõreao reakʼ horte hahaṅkar secʼpe mohnḍakʼa.”

Dosar Biboron 2:1

“Probhu Isor cetʼ lekae hukumạdiń tahẽkan onkage abo do ona tayom ruạṛkate Akaba doreão reakʼ horte hahaṅkar secʼ bon mohnḍa idiyena. Ar Seyir buru ṭoṭha secʼte ạcur ạcurte ḍher din do paromena.

2 Rapajko 3:8

Jehosaphat do noa hõe kuliyana, “Abo do oka horte bon rakapʼ calakʼa?” Jehorame roṛ ruạṛkeda, “Edom reakʼ hahaṅkar talate.”