Numeri 21:25 - সান্তালী বাইবেল

²⁵ Israelko do Hesbon ar ona aḍepase reakʼ atoko sudhạ Amorikoakʼ sanam nagrahako dokholana ar onḍe girạbasokʼko ehopʼena.

Numeri 21:25 Referans Kwoze

Amos 2:10

Amorikoakʼ disạm emape lạgitʼ ińge Misor disạm khoniń oḍok ạguketʼpea ar hahaṅkarre pongel bochor hạbicʼ iń ạyurletʼpea.

Jeheskel 16:53

“Iń do Sodom ar uniren hoponerako, Samariạ ar uniren hoponerako ar onko sãote amakʼ dosa hõ pạhil lekań ạcur ruạṛa.

Jeheskel 16:49

“Amren boeha kuṛi Sodomakʼ do noa kại tahẽkana, uni ar hoponerako do bạḍại tahẽkantakoa, ente onko do ḍher jomakʼ tahẽkantakoa ar khạtirjomako girobasokʼkan tahẽkana, menkhan onko do reṅgecʼ ar laṅgaṭ hoṛ bako goṛoako kan tahẽkana.

Jeheskel 16:46

Ar ạjim do Samariạ kanae; one uni am khon utạr secʼre acʼren hoponerako sãoteye tahẽnkan. Amren bokom kuṛi Sodom; one uni do acʼren hoponerako sãote dạkhinreye tahẽnkan.

Jirimiạ 48:45

“Hesbon reakʼ umulte ńir paskaoen hoṛ do latwakʼgeye teṅgo akana, ente Hesbon khon seṅgel ar Sihon reakʼ tala khon seṅgel reakʼ lepʼge oḍok akana; ar ona do Moab reakʼ simạkoe jomakada ar hulmalren hoponkoakʼ bohokʼ doe jeretʼ akatʼtakoa.

Jirimiạ 48:34

“Onkoakʼ rakʼjoṅ reakʼ aṛaṅ do Hesbon khon Elial ar Jahas hạbicʼ ańjomokʼ kana, Soar khon Horonayim ar Eglath Selisiạ hạbicʼ rakapʼ akana, ente Nimrim reakʼ dakʼ hõ ańjetʼ akana.

Jirimiạ 48:2

Moab do ar bae sarhao ocokʼa; uniyakʼ ńurokʼ lạgitʼ hoṛko do Hesbonre soṛojontro tulucʼko mena, ‘dela, abo do onko jạtren bon marao utạrkoa.’ E Madmen, am hõm marao ocokʼa; tarwaṛe do ame khudạumea.

Jesaea 15:4

Hesbon ar Eleale dokin rakʼeda; unkinakʼ aṛaṅ do Jahas hạbicʼ ańjom calakʼ kana. Ona iạte Moabren lạṛhại phạdko hõko rakʼeda ar onkoakʼ ontor do botorte thar tharaokʼ kantakoa.

Soros sereń 7:4

Amakʼ hoṭokʼ do hạti sonḍa reakʼ buruńj lekana, ar amakʼ mẽtʼkin do Hesbon reakʼ pukhri leka ona do Beth-rabbim reakʼ phaṭok duạr ṭhenakʼge. Amakʼ mũ do Lebanon reakʼ buruńj lekana, one ona do Damesek secʼ sen akan.

Dosar Biboron 2:12

Seyirre do Horiko girobasokʼkan tahẽkana, menkhan tayomte Esao bõsrenko do onḍe khon onkoko laga ńirletʼkoa. Probhu Isor do sompotti lekate Israelko okaṭakʼ disạme ematʼko tahẽkan onḍe onko okako kạmiletʼ Esao bõsrenko hõ ṭhik onageko kạmileda; onko do Horikoko maraoketʼkote onkoakʼ jaegare apnar girobasokʼko ehopʼena.

Numeri 21:31

Inạ tayom Israelko do Amorikoakʼ disạmre girạbasokʼko ehopʼena.

Numeri 21:26

Hesbon do Amorikoren Sihon rajakʼ nagraha tahẽkana. Uni do Moab disạmren lahaten raj sãote lạṛhạikate Arnon gaḍa hạbicʼ sanam disạmkoe dokhol akatʼ tahẽkana.

Bikʼcạrko 11:26

Teheń pe sae bochor Israelko do Hesbon ar Aroer nagraha ar ona aḍepase reakʼ ato ar Arnon gaḍa aṛe secʼteakʼ sanam atokorele girobasokʼ kana. Inạko dinre cedakʼ am do onako arhõ bam hatleda?

Numeri 32:3

“Probhu Isor do Ararot, Dibon, Jaser, Hesbon, Elale, Sebam, Nebo ar Beon ńutumanakʼ okako jaega Israelkoakʼ tabereye ạguakatʼ onako do ạsul janwarko lạgitʼ ạḍi mońj ạtiń ṭạnḍiko kana, ar aperen noko gutikoren hõ ạsul janwarko menakʼkotalea.

Josuạ 24:8

“ ‘Inạ tayom iń do jordan reakʼ purub secʼren Amorikoakʼ disạmteń ạguketʼpea. Onko do ape upạrteko lạṛhạiyena menkhan apeakʼ tire onkoń jimạkatʼkoa. Ar ape samaṅ khoniń marao giḍikatʼkoa ar onkoakʼ disạmpe dokholana.