Numeri 21:13 - সান্তালী বাইবেল

¹³ Ar onḍe khon arhõ uṭhạukate onko do Arnon gaḍa paromkateko ḍerayena. Ar Amorikoakʼ disạm khon oka hahaṅkar ehopʼakan onare noa Arnon gaḍa hõ tahẽkana. Ona gaḍa reakʼ mitʼ secʼ do Moab ar eṭakʼ secʼ do Amorikoakʼ disạm tahẽkana.

Numeri 21:13 Referans Kwoze

Bikʼcạrko 11:18

Ona tayom onko do hahaṅkar talate senkate Edom ar Moab disạm secʼteko ạcurente Moab reakʼ purub secʼte senkate Arnon gaḍa reakʼ eṭakʼ aṛereko ḍerayena. Menkhan Moab disạmte do bako bololena, ente Arnon gaḍage Moab reakʼ simạna tahẽkana.

Numeri 22:36

Biliamakʼ hijukʼ reakʼ kathae ańjomketʼ khan Balak do daram ạguiye lạgitʼ Arnon gaḍa aṛere Moabrenkoakʼ nagrahateye oḍokʼ senena. Noa nagraha do acʼakʼ rajosṭi reakʼ ses simạna tahẽkana.

Jirimiạ 48:20

Moab doe lajao ocoakana, ente uni doe talga tạuạkʼ ocoakana. Ape do rakʼjoṅpe ar homor halaṅpe. Ar Arnon gaḍa aṛere noa porcarpe, Moab do jarkhar akana.

Jesaea 16:2

Cẽṛẽ do tukạ khon oḍok kate cetʼleka hantenateye uḍạu baṛae onkage Moabren hoṛko do Arnon gaḍa taṛam paromokʼ jaega ṭhenko ạcur baṛaea.

Dosar Biboron 2:24

“Ona tayom Probhu Isor doe metadińa, ‘ape do oḍok hijukʼpe ar Arnon gaḍa paromkate calakʼpe. Ńelpe, iń do Hesbonren Amorikoren Sihon raj ar uniyakʼ disạm do apeakʼ tireń jimạ akada. Ape do uniyakʼ disạm dokhol iạte lạṛhại lạgitʼpe uskạukoa.

Numeri 21:14

Probhu Isorakʼ lạṛhại ńutumanakʼ puthire menakʼa, “Nagraha secʼ sen akan Supha ṭoṭha reakʼ Owaheb ar Arnon ar ona reakʼ nalako ar buru nala reakʼ dhasna, noako do Moab simạnarege japakʼ akana.”

Dosar Biboron 2:13

“Ona tayom Probhu Isorre menkeda, ‘ńitokʼ do beretʼkate Serod reakʼ soḍokʼte parom calakʼpe.’ Ar abo do ona bon parom ạgukeda.