Numeri 20:8 - সান্তালী বাইবেল

⁸ “Am do ona ṭheṅga hataome ar dadam Aron taben Israel hoponko mitʼ ṭhen jarwakʼ lạgitʼ metakoben. Ar am do Israelko samaṅre menakʼ maraṅ dhirim metawakʼa ar ona do dakʼe emokʼa. Israel hoponko ar onkoren janwarko jemon dakʼko ńũ daṛeakʼ ona iạte am do dhiri khon dakʼem oḍok akoa.”

Numeri 20:8 Referans Kwoze

Exodus 4:17

Amakʼ noa ṭheṅga do iditoraeme ar ona hotetege onako hahaṛa kạmi dom kạmiya.”

Johan sodor 22:17

Sonot Jiu ar bạhu kuṛi dokin meneda, “Dela hijukʼme,” Ar okoe noa kathae ańjometʼ uni hõe menma, “Dela hijukʼme.” Okoe tetaṅede kan uni doe hijukʼma ar okoe dakʼ ńũi menetʼkan uni do begor damte jion dakʼe ńũ idi joṅma.

Jesaea 43:20

Bir janwar, toyo ar ũṭ cẽṛẽko do ińko sarhaoińa, ente ińren hoṛko, ińren bachao akan hoṛkoakʼ jomakʼ lạgitʼ hahaṅkarre dakʼiń jogao akoa ar khaṅkarre do gaḍań hoeocoya.

Johan sodor 22:1

Ona tayom uni serma goḍet do jion dakʼ reakʼ gaḍae udukʼạdińạ. Ona do dhiri hisir leka rilạmala tahẽkana ar Isor ar Bheḍa Hoponakʼ siṅghạson ṭhen khon ạtu oḍokkate nagraha reakʼ kulhi talate ạtukʼkan tahẽkana.

Aposkạmi 1:14

Onko jotoge biswạsi maejiuko ar Jisu eṅgat Mạriạm ar uniren boehako tulucʼ mitʼ monte koejoṅre jamaṛ akanko tahẽkana.

Johan 16:24

Ape do ńit hạbicʼ iń ńutumte jãhãnakʼge ạuripe koea. Koepe, adope ńama jemon apeakʼ rạskạ purạukʼtape.

Luk 11:13

Enḍekhan apepe bạṛicʼgere hõ aperen gidrạko bhage bhage jinisko emakope baḍaekan khan, sermaren Baba do acʼ koeyekanko tinạkʼ artetʼ sonot Jiue emakoa!”

Mathae 21:21

Jisui roṛ ruạṛatʼkoa, “Sạrigeń metapekana, biswạs tahentape ar bape digdhạkʼ enḍekhan loa darere okań cekaketʼ ape hõ onape daṛeakʼa. Eken ona do baṅ, menkhan noa buru hõpe metakʼ, ‘uṭhạukʼte jalapurire khadlekʼme,’ enḍekhan ona hõ hoyokʼgea.

Jesaea 48:21

Tinre uni do hahaṅkar talateye ạyuretʼko tahẽkana unre onko do tetaṅte bako laṅgalena, ente dhiri khon dakʼe oḍok ocoleda; uni do dhiriye paṛakʼ ocoleda ar ona khon dakʼ oḍoklena.

Sereńko 114:8

One uni cạṭạni do jolateye pheraoetʼ, ar keṭecʼ dhiri do dakʼ reakʼ jharnageye hoyocoyetʼ.

Sereńko 105:41

Uni do dhiriye jhicʼ ocoketʼte, ona khon dakʼe emena; rohoṛ jaega talate ona do gaḍa dakʼ leka ạtu oḍokena.

Sereńko 33:9

Ente uni doe menkeda ar sanamakʼ do sirjạuena; uni doe hukumkeda ar sanamakʼ tearena.

Nehemiạ 9:15

Lacʼ bi ocoytako lạgitʼ amge serma khon jomakʼem ematʼko tahẽkana ar tetaṅ marao ocoytako lạgitʼ do dhiri khon dakʼem oḍok ocoleda. Ar okaṭakʼ disạm emako reakʼem gokʼletʼ tahẽkan onḍe senkate am do ona ạidạri lạgitʼem hukumatʼko tahẽkana.

Josuạ 6:20

Sakwa saḍe são sãote hoṛko do ãṭ aṛaṅteko hohokeda. Ar sakwa saḍe iạte tinre hoṛko do ãṭ aṛaṅteko hohokeda unre Jerikho nagraha reakʼ pạcri do lạnduṛ ńurena. Onate sanam hoṛ do nagraha bhitriteko boloyena arko dokholkeda.

Josuạ 6:5

Ar tinre naekeko do mitʼ dhãote sakwako oroṅa unre sanam hoṛko ãṭ aṛaṅtepe hohoya. Onate nagraha reakʼ pạcri bhit do lạnduṛ ńurokʼa ar Israelko do onateko decʼ bolokʼa.”

Numeri 21:18

Noa kuń do rapajkoakʼ cakʼlao ṭheṅga jorteko lakeda, noa do mukhiyạkoakʼ ṭheṅga jorteko kholao akada.” Ona tayom Israelko do ona hahaṅkar ṭoṭha khon Mathante,

Numeri 20:11

Niạ katha menkate Mose do tiye tulketʼte acʼakʼ ṭheṅgate ona dhirire bar dhaoe dalkeda; ar onate dhiri khon dakʼ do oḍokokʼ ehopʼena ar Israel hoponko ar onkoren janwarko ona dakʼko ńũkeda.

Exodus 17:9

Unre Mose do Josuại metadea, “Am do aboren hoṛko bachaokate Amalekiko upạrte lạṛhại calakʼme. Ar iń do gapage Isorakʼ ona ṭheṅga hataokate buru muthnireń teṅgona.”

Exodus 14:16

Ar amakʼ ṭheṅga sabme ar jalapuri cetanre amakʼ ti tiạrtam ar jalapuri bar hạṭiń ocoyme. Ar onate Israelko do jalapuri talate rohoṛgeko taṛam parom daṛeakʼa.

Exodus 7:20

Mose ar Aron do Probhu Isorakʼ hukum leka jotowakʼ kin kạmikeda. Pharao ar uniren kạmiyạko samaṅre Aron do acʼakʼ ṭheṅgae tulketʼte nil gaḍa reakʼ dakʼe dalkeda. Ar gaḍa dakʼ do mãyãm hoyena.

Exodus 4:20

Unre Mose do acʼren bạhu ar gidrạko gadhareye decʼketʼkote Misor disạmteye ruạṛ calaoena. Ar Isorakʼ ona ṭheṅga hõe iditorakeda.

Exodus 4:2

Unre Probhu Isor do uniye metadea, “Amakʼ tire ona do cetʼ kana?” Uniye menkeda, “Mitʼṭecʼ ṭheṅga kana.”

Genesis 18:14

Probhu Isor ṭhen bin leṭejokʼakʼ do cetʼge bạnukʼanaṅ. Hijukʼkan bochor niạ okte iń do arhõ am ṭheniń hijukʼa ar unre Sarawakʼ hoborre mitʼṭen koṛa gidrại tahena.”

Numeri 20:7

Probhu Isor do Moseye galmaraoadea,