Numeri 20:5 - সান্তালী বাইবেল

⁵ Misor disạm khon cedakʼ noa khaṅgoṭ jaegate doben ạguketʼlea? Niạ jaegare baṅ do jomakʼ menakʼ, baṅ do loa jo menakʼ, baṅ do darkha nạ̃ṛĩ ar ḍạlim menakʼ; nonḍe do dakʼ hõ bạnukʼa.”

Numeri 20:5 Referans Kwoze

Numeri 16:14

Ona chaḍa toa ar dumur rasa ạtukʼkan disạmte hõ bam ạgu akatʼlea jaega-jumi ar darkha khethõ bam ạidạri ocoakatʼlea. Noko hoṛ do cetʼ kãṛãge dohokom khojkana? Baṅ, ạliń do bạliń calakʼa.”

Jeheskel 20:36

Misor disạm reakʼ hahaṅkarre aperen hapṛamko cetʼlekań bicạrletʼko onkage ape hõń bicạrpea.

Jirimiạ 2:6

Onko do bako menleda, ‘okare menaea uni Probhu Isor do? One uni Misor disạm khone rakapʼ ạguketʼle, one uni hahaṅkarreye ạyurketʼle; khaṅkar ar khorloṅ reakʼ disạmre khaṅgoṭ ar moron dhund reakʼ disạmrege? Mitʼṭecʼ disạmre one ona secʼte celege bako dãṛãnkan, ar one onare cele hoṛge bako tahenkan?’

Nehemiạ 9:21

Hahaṅkarre pongel bochor hạbicʼem ạsul jotonketʼkoa. Onko do jãhãn okulạnge baṅ hoylentakoa; onkoakʼ kicricʼ khạnḍwạkʼ hõ baṅ marelena ar onkoakʼ jaṅga hõ baṅ bharaolentakoa.

Dosar Biboron 8:15

Uni do maraṅ ar botoranakʼ hahaṅkar secʼte, seṅgel biń ar kidiń kaṭkomko talate ar khaṅgoṭ jaega secʼteye taṛam ạgu ocoketʼpea. Uni do dhiri khon ape lạgitʼ dakʼe oḍok ocokeda.

Numeri 20:24

“Aron do acʼren hapṛamko ṭhen calakʼ hoyokʼtaea. Okaṭakʼ disạm Israel hoponkoń emako onḍe uni do bae bolo daṛeakʼa ente aben do Meribare dakʼ iạte ińakʼ hukum birudben kạmileda.

Numeri 27:14

Ente Sin hahaṅkarre Israelko tinre dakʼ lạgitʼ kạphạriạukʼko ehopʼletʼa unre Israelko samaṅre iń sonotiń reakʼ hukum do baben bataoleda.” Ona do Sin hahaṅkarre Kades ṭhenakʼ Meribah reakʼ dakʼge.